ಮಾಡೆಲ್ ಶಾಲಿನಿ ಜೊತೆ ಸಪ್ತಪದಿ ತುಳಿದ ‘ಲಕ್ಷ್ಮೀ ಬಾರಮ್ಮ’ ಧಾರಾವಾಹಿ ನಟ ಚಂದು ಬಿ ಗೌಡ!

ಲಾಕ್‌ಡೌನ್‌ ಟೈಮ್‌ನಲ್ಲಿ ಸಾಕಷ್ಟು ಕಲಾವಿದರು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಅಂತೆಯೇ ಈಗ ‘ಲಕ್ಷ್ಮೀ ಬಾರಮ್ಮ’ ಧಾರಾವಾಹಿ ನಟ ಚಂದು ಬಿ ಗೌಡ ಅವರು ಗೆಳತಿ ಶಾಲಿನಿ ಜೊತೆ ಇಂದು (ಅಕ್ಟೋಬರ್ 29) ಸಪ್ತಪದಿ ತುಳಿದಿದ್ದಾರೆ. ಕೊರೊನಾ ವೈರಸ್ ಇರೋದರಿಂದ ಸರಳವಾಗಿ, ಶಾಸ್ತ್ರೋಕ್ತವಾಗಿ ಕುಟುಂಬಸ್ಥರು, ಸ್ನೇಹಿತರ ಸಾಕ್ಷಿಯಾಗಿ ಮದುವೆಯಾಗಿದ್ದಾರೆ.

ಶಾಲಿನಿ ಜೊತೆ ಚಂದು ವಿವಾಹ
ಚಂದುಗೆ ಸ್ನೇಹಿತರ ಮೂಲಕ ಶಾಲಿನಿ ಪರಿಚಯವಾಗಿದೆ. ಶಾಲಿನಿ ಮಾಡೆಲ್ ಆಗಿ ಕೆಲಸ ಮಾಡುತ್ತಿದ್ದರು. ಇವರಿಬ್ಬರಿಗೂ ಸ್ನೇಹವಾಗಿ, ಸ್ನೇಹ ಪ್ರೀತಿಗೆ ತಿರುಗಿದೆ. ಕಳೆದ ನಾಲ್ಕು ವರ್ಷಗಳಿಂದ ಶಾಲಿನಿ ಹಾಗೂ ಚಂದು ಪ್ರೀತಿ ಮಾಡುತ್ತಿದ್ದಾರೆ. ಈ ಪ್ರೀತಿಗೆ ಮನೆಯವರ ಒಪ್ಪಿಗೆಯೂ ಸಿಕ್ಕಿದ್ದು, ಈಗ ಇವರಿಬ್ಬರೂ ಅಧಿಕೃತವಾಗಿ ಮದುವೆಯ ಬಂಧಕ್ಕೆ ಒಳಗಾಗಿದ್ದಾರೆ. ಇನ್ನು ಶಾಲಿನಿ ನಟನೆಯನ್ನು ಮಾಡುವುದಿದ್ದರೆ ಚಂದುಗೆ ಯಾವುದೇ ಅಭ್ಯಂತರವಿಲ್ಲವಂತೆ. ಕೊರೊನಾ ವೈರಸ್ ಇರೋದರಿಂದ ಚಂದು ಆರತಕ್ಷತೆ ಕಾರ್ಯಕ್ರಮವನ್ನು ಇಟ್ಟುಕೊಂಡಿರಲಿಲ್ಲ. ಆದರೆ ಶಾಲಿನಿಗೆ ನಟನೆಯಲ್ಲಿ ಆಸಕ್ತಿ ಇಲ್ಲವಂತೆ. ಮದುವೆಯ ನಂತರದಲ್ಲಿ ಬ್ಯುಸಿನೆಸ್ ಶುರು ಮಾಡಬೇಕು ಅಂತ ಶಾಲಿನಿ ಪ್ಲ್ಯಾನ್ ಹಾಕಿಕೊಂಡಿದ್ದಾರೆ.

ಸಂಗೀತ ಕಾರ್ಯಕ್ರಮದಲ್ಲಿ ವಿಜಯ್ ಸೂರ್ಯ
ಇನ್ನು ಚಂದು ಬಿ ಗೌಡ ಅವರು ಮೆಹೆಂದಿ, ಅರಿಷಿಣ ಶಾಸ್ತ್ರದ ಕಾರ್ಯಕ್ರಮವನ್ನು ಜೋರಾಗಿ ಆಚರಿಸಿದ್ದರು. ಇದರ ಫೋಟೋಗಳನ್ನು ಶಾಲಿನಿ ಅವರು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಸಂಗೀತ ಕಾರ್ಯಕ್ರಮಕ್ಕೆ ನಟ ವಿಜಯ್ ಸೂರ್ಯ ಆಗಮಿಸಿದ್ದರು. ಇನ್ನು ಕೆಲವೇ ಕೆಲವು ಸ್ನೇಹಿತರ ಜೊತೆ ಸೇರಿ ಶಾಲಿನಿ ಅವರು ಇತ್ತೀಚೆಗೆ ಬ್ಯಾಚುಲರ್ ಪಾರ್ಟಿ ಮಾಡಿದ್ದರು.