ಮುಂಬೈ: ಬಾಲಿವುಡ್ ಚಿತ್ರ ನಿರ್ದೇಶಕ ಅನುರಾಗ್ ಕಶ್ಯಪ್ ಮೇಲೆ ಪಾಯಲ್ ಘೋಶ್ ಮೀಟೂ ಆರೋಪದ ಬೆನ್ನಲ್ಲೇ ನಟಿಯ ಪರವಾಗಿ ನಿಂತ ಕಂಗನಾ, ಅನುರಾಗ್ ಕಶ್ಯಪ್ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದರು. ಇಂತಹ ಸಮಯದಲ್ಲಿ ನಟಿ ತಾಪ್ಸಿ, ಅನುರಾಗ್ ಅವರನ್ನು ದೊಡ್ಡ ಸ್ತ್ರೀವಾದಿ ಎಂದು ಬಣ್ಣಿಸಿದ್ದಾರೆ.
ತಾಪ್ಸಿ ಈ ಹಿಂದೆ ಅನುರಾಗ್ ಕಶ್ಯಪ್ ನಿರ್ದೇಶನದಲ್ಲಿ ‘ಮನ್ಮರ್ಜಿಯಾನ್’ ಎಂಬ ಚಿತ್ರದಲ್ಲಿ ನಟಿಸಿದ್ದರು. ಆ ಸಂದರ್ಭದಲ್ಲಿ ಒಂದು ಫೋಟೋ ಶೇರ್ ಮಾಡಿಕೊಂಡಿರುವ ತಾಪ್ಸಿ, ಅನುರಾಗ್ ಕಶ್ಯಪ್ ಅವರನ್ನು ಸ್ತ್ರೀವಾದಿ ಎಂದಿದ್ದಾರೆ ಮತ್ತು ಈ ಮೂಲಕ ಅನುರಾಗ್ ಹಾಗೆ ಕೆಟ್ಟದಾಗಿ ನಡೆದುಕೊಳ್ಳುವುದಕ್ಕೆ ಸಾಧ್ಯವೇ ಇಲ್ಲ ಎಂದು ಪರೋಕ್ಷವಾಗಿ ಹೇಳಿದ್ದಾರೆ.
‘ನನಗೆ ಗೊತ್ತಿರುವ ದೊಡ್ಡ ಸ್ತ್ರೀವಾದಿ ಎಂದರೆ ಅದು ಅನುರಾಗ್. ಪ್ರತಿ ಚಿತ್ರದಲ್ಲೂ ಮಹಿಳೆಯರ ಪರವಾಗಿ ನಿಂತವರು ನೀವು. ನಿಮ್ಮ ಇನ್ನೊಂದು ಚಿತ್ರದಲ್ಲಿ ನಟಿಸುವ ಮತ್ತು ಅದರಲ್ಲೂ ಒಬ್ಬ ದಿಟ್ಟ ಮಹಿಳೆಯರ ಪಾತ್ರವನ್ನು ಪ್ರತಿನಿಧಿಸುವ ಅವಕಾಶ ನನಗೆ ಸಿಗಲಿ’ ಎಂದು ತಾಪ್ಸಿ ಬರೆದುಕೊಂಡಿದ್ದಾರೆ.
Comments are closed.