ಬಾಲಿವುಡ್ ನಟಿ ಸಾರಾ ಅಲಿ ಖಾನ್​​ ಕಾರು ಡ್ರೈವರಿಗೆ ಕೊರೋನಾ!

ಬಾಲಿವುಡ್​​ ಚಿತ್ರರಂಗದಲ್ಲಿ ಸಾಲು ಸಾಲು ಕೊರೋನಾ ಪ್ರಕರಣಗಳು ಬೆಳಕಿಗೆ ಬರುತ್ತಿವೆ. ಇತ್ತೀಚೆಗೆ ಬಿಗ್ ಬಿ ಅಮಿತಾಭ್​ ಬಚ್ಚನ್​, ಮಗ ಅಭಿಷೇಕ್​ ಬಚ್ಚನ್​, ಸೊಸೆ ಐಶ್ವರ್ಯಾ ರೈ, ಮೊಮ್ಮಗಳು ಆರಾಧ್ಯ ಅವರಿಗೆ ಕೊರೋನಾ ಸೋಂಕು ತಗುಲಿರುವುದು ದೃಢಪಟ್ಟಿದೆ. ಅದರ ಬೆನ್ನಲ್ಲೇ ನಟ ಅನುಪಮ್​ ಖೇರ್​ ಅವರ ತಾಯಿ ಮತ್ತು ಸಹೋದರನಿಗೆ ಕೊರೋನಾ ಪಾಸಿಟಿವ್​ ಬಂದಿವೆ. ಇದೀಗ ನಟಿ ಸಾರಾ ಅಲಿ ಖಾನ್​​ ಅವರ ಕಾರ್​ ಡ್ರೈವರ್​ಗೆ ಕೋವಿಡ್​ ಸೋಂಕು ಇರುವುದು ದೃಢಪಟ್ಟಿದೆ.

ಸಾರಾ ಅಲಿ ಖಾನ್​​ ಮತ್ತು ಅವರ ಕುಟುಂಬ ಕೋವಿಡ್​ ಟೆಸ್ಟ್​ ಮಾಡಿಕೊಂಡಿದ್ದಾರೆ. ಈ ವೇಳೆ ರಿಸಲ್ಟ್ ನೆಗೆಟಿವ್​ ಎಂದು ಬಂದಿದೆ. ಕಾರ್​ ಡ್ರೈವರ್​ಗೆ ಕೊರೋನಾ ಸೋಂಕು ದೃಢಪಟ್ಟಿರುವ ವಿಚಾರವನ್ನು ಸಾರಾ ಸಾಮಾಜಿಕ ಜಾಲತಾಣದಲ್ಲಿ ಹೇಳಿಕೊಂಡಿದ್ದಾರೆ.

ಈ ಬಗ್ಗೆ ಸೋಷಿಯಲ್​ ಮೀಡಿಯಾದಲ್ಲಿ ಪೋಸ್ಟ್ ಹಾಕಿಕೊಂಡಿರುವ ನಟಿ ಸಾರಾ ಅಲಿ ಖಾನ್​, ‘ನನ್ನ ಕಾರು ಚಾಲಕನಿಗೆ ಕೊರೋನಾ ಸೋಂಕು ತಗುಲಿದೆ. ಈ ವಿಚಾರ ಹೊರಬಂದಂತೆ ತಕ್ಷಣ ಬಿಎಂಸಿ ತಿಳಿಸಲಾಗಿತು. ಕಾರು ಚಾಲಕನನ್ನು ಕ್ವಾರಂಟೈನ್​​ ಮಾಡಲಾಗಿದೆ. ನನ್ನ ಮತ್ತು ಕುಟುಂಬದ ಸುರಕ್ಷಿತಕ್ಕಾಗಿ ಸಹಾಯ ಮಾಡಿದ ಬಿಎಂಸಿಗೆ ಧನ್ಯವಾದಗಳು. ಎಲ್ಲರೂ ಸುರಕ್ಷಿತವಾಗಿರಿ ಎಂದು ಬರೆದುಕೊಂಡಿದ್ದಾರೆ.

ಇನ್ನು ಸಾರಾ ಅಲಿ ಖಾನ್​ ಆವರ ಸಿನಿಮಾ ವಿಚಾರಕ್ಕೆ ಬಂದಾಗ ಡೇವಿಡ್​​ ಧವನ್​ ಅವರ ‘ಕೂಲಿ ನಂ.1’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ . ವರುಣ್​ ಧವನ್​ ಅವರ ಜೊತೆಗೆ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಸಿನಿಮಾ ಅಂದುಕೊಂಡತೆ ಆಗಿದ್ದರೆ ಮೇ 1 ರಂದು ಬಿಡುಗಡೆಯಾಗಬೇಕಿತ್ತು. ಆದರೆ ಕೊರೋನಾ ಲಾಕ್​ಡೌನ್​ನಿಂದಾಗಿ ಸಿನಿಮಾ ಬಿಡುಗಡೆ ಮುಂದಕ್ಕೆ ಹೋಗಿದೆ. ಪರಿಸ್ಥಿತಿ ಎಲ್ಲವೂ ಸಹಜ ಸ್ಥಿತಿಗೆ ಬಂದಂತೆ ‘ಕೂಲಿ ನಂ 1’ ಸಿನಿಮಾವನ್ನು ತೆರೆಗೆ ತರಲು ಚಿತ್ರತಂಡ ಯೋಜನೆ ಹಾಕಿಕೊಂಡಿದೆ.

ಇನ್ನು ಬಾಲಿವುಡ್​ ಖ್ಯಾತ ನಟಿ ರೇಖಾ ಅವರ ಬಂಗಲೆಯನ್ನು ಸೀಲ್​ ಡೌನ್​ ಮಾಡಲಾಗಿದೆ. ರೇಖಾ ಅವರ ಬಂಗಲೆಯ ಕಾವಲು ಸಿಬ್ಬಂದಿಗೆ ಕೊರೋನಾ ವೈರಸ್​ ಪಾಸಿಟಿವ್​ ಬಂದ ಹಿನ್ನಲೆಯಲ್ಲಿ ಅಲ್ಲಿನ ಸ್ಥಳೀಯ ಆಡಳಿತ ಕ್ರಮವನ್ನು ತೆಗೆದುಕೊಂಡಿದೆ.

ಬಾಲಿವುಡ್​ ತಾರೆಯರಾದ ಜಾಹ್ನವಿ ಕಪೂರ್​, ಅಮೀರ್​ ಖಾನ್​, ಕರಣ್​ ಜೋಹರ್​ ಅವರ ಸಿಬ್ಬಂದಿಗಳಿಗೆ ಕೊರೋನಾ ಪಾಸಿಟಿವ್​ ಕಂಡು ಬಂದಿತ್ತು. ಹಾಗಾಗಿ ಈ ಸೆಲೆಬ್ರಿಟಿಗಳ ಮನೆಯನ್ನು 14 ದಿನಗಳವರೆಗೆ ಸೀಲ್​ ಡೌನ್​​ ಮಾಡಲಾಗಿದೆ.