ಮುಂಬೈ

ಮುಖೇಶ್​ ಅಂಬಾನಿ ಈಗ ವಿಶ್ವದ 6ನೇ ಶ್ರೀಮಂತ ವ್ಯಕ್ತಿ

Pinterest LinkedIn Tumblr


ಮುಖೇಶ್​ ಅಂಬಾನಿ ಒಡೆತನದ ರಿಲಾಯನ್ಸ್​ ಜಿಯೋ ಸಂಸ್ಥೆಯ ಮೇಲೆ ವಿದೇಶಿ ಸಂಸ್ಥೆಗಳು ನಿರಂತರವಾಗಿ ಹೂಡಿಕೆ ಮಾಡುತ್ತಿದೆ. ಹೀಗಾಗಿ, ರಿಲಾಯನ್ಸ್ ಸಂಸ್ಥೆ​ ಮೌಲ್ಯ ಹೆಚ್ಚುತ್ತಲೇ ಇದೆ. ಹೀಗಾಗಿ, ಮುಖೇಶ್​ ಅಂಬಾನಿ ವಿಶ್ವದ ಆರನೇ ಶ್ರೀಮಂತನಾಗಿ ಹೊರ ಹೊಮ್ಮಿದ್ದಾರೆ. ಈ ಮೂಲಕ ಆಲ್ಪಾಬೆಟ್​ ಕೋ ಫೌಂಡರ್ ಲ್ಯಾರಿ ಪೇಜ್​ ಅವರನ್ನು ಅಂಬಾನಿ ಹಿಂದಿಕ್ಕಿದ್ದಾರೆ.

ಜಿಯೋ ಸಂಸ್ಥೆಯ ಮೇಲೆ ಪ್ರಪ್ರಥಮಬಾರಿಗೆ ಫೇಸ್​ಬುಕ್​ ಸಂಸ್ಥೆ ಹೂಡಿಕೆ ಮಾಡಿತ್ತು. ನಂತರ ಸಿಲ್ವರ್​ ಲೇಕ್ ಸೇರಿ 13 ಬಾರಿ ಹೂಡಿಕೆಗಳಾಗಿವೆ. ಹೀಗಾಗಿ, ರಿಲಾಯನ್ಸ್​ ಸಂಸ್ಥೆಯ ಮೌಲ್ಯ ಹೆಚ್ಚಿದೆ. ಇದರಿಂದ ಅಂಬಾನಿ ವಿಶ್ವದ ಶ್ರೀಮಂತರ ಸಾಲಿನಲ್ಲಿ ಆರನೇ ಸ್ಥಾನಕ್ಕೆ ಜಿಗಿದ್ದಾರೆ.

ಜಿಯೋ ಸಂಸ್ಥೆಯ ಮೇಲೆ ಹೂಡಿಕೆಗಳು ಆರಂಭವಾದ ನಂತರ ರಿಲಾಯನ್ಸ್​ ಷೇರುಗಳ ಮೌಲ್ಯ ಕೂಡ ಏರಿಕೆ ಕಂಡಿತ್ತು. ಸದ್ಯ ಅಂಬಾನಿ ಬಳಿ 5,45,823 ಕೋಟಿ ರೂಪಾಯಿ ಆಸ್ತಿ ಇದೆ.

ಮುಖೇಶ್ ಅಂಬಾನಿ ಈ ಮೊದಲು ತೈಲ ಉದ್ಯಮದ ಮೇಲೆ ಹೆಚ್ಚು ಹೂಡಿಕೆ ಮಾಡುತ್ತಿದ್ದರು. ಆದರೆ, ಈಗ ಅವರು ಈ ಕಾಮರ್ಸ್​​ನತ್ತ ಮುಖ ಮಾಡಿದ್ದು, ಡಿಜಿಟಲ್​ ಕ್ಷೇತ್ರದಲ್ಲಿ ಹೆಚ್ಚೆಚ್ಚು ಹೂಡಿಕೆ ಪಡೆಯುತ್ತಿದ್ದಾರೆ.

ಅಮೆರಿಕದ ಟೆಕ್​ ಸಂಸ್ಥೆ ಕ್ವಾಲ್​ಕಾಮ್​ ವೆಂಚರ್ಸ್​ ಜಿಯೋ ಸಂಸ್ಥೆ ಮೇಲೆ 730 ಕೋಟಿ ರೂಪಾಯಿ ಹೂಡಿಕೆ ಮಾಡಿತ್ತು. ಈ ಮೂಲಕ ರಿಲಾಯನ್ಸ್​ ಮಾರುಕಟ್ಟೆ ಬಂಡವಾಳ​ 12 ಲಕ್ಷ ಕೋಟಿ ರೂಪಾಯಿ ಆಗಿದೆ. ಇದಲ್ಲದೆ, ಅಂಬಾನಿ ಭಾರತ ಹಾಗೂ ವಿಶ್ವದ ಶ್ರೀಮಂತ ವ್ಯಕ್ತಿ ಎನ್ನುವ ಖ್ಯಾತಿಯೂ ಅಂಬಾನಿಗೆ ಇದೆ. ನ್ಯೂಸ್​18 ನೆಟ್ವರ್ಕ್​18 ಮೀಡಿಯಾ & ಇನ್ವಸ್ಟ್​​ಮೆಂಟ್​ ಲಿಮಿಟೆಡ್​ನ ಒಂದು ಭಾಗವಾಗಿದೆ. ನೆಟ್ವರ್ಕ್​18 ಒಡೆತನವನ್ನು ರಿಲಾಯನ್ಸ್ ಹೊಂದಿದೆ.

Comments are closed.