ಬಿಗ್ ಬಾಸ್ಗೆ ಹೋದಮೇಲೆ ಸೆಲೆಬ್ರಿಟಿಗಳ ಖ್ಯಾತಿ ಇನ್ನಷ್ಟು ಜಾಸ್ತಿಯಾಗುತ್ತವೆ. ಹಾಗೆಯೇ ಅವರ ಪ್ರತಿಭೆ, ಪಾಪುಲಾರಿಟಿಗೆ ತಕ್ಕಂತೆ ಅವಕಾಶಗಳು ಕೂಡ ಅರಸಿ ಬರುತ್ತವೆ. ಈಗಾಗಲೇ ಹಲವು ಭಾಷೆಗಳಲ್ಲಿ ಬಿಗ್ ಬಾಸ್ ರಿಯಾಲಿಟಿ ಶೋಗಳ ಸೀಸನ್ಗಳು ಬಂದಿವೆ. ಈಗ ಬಿಗ್ ಬಾಸ್ ಸ್ಪರ್ಧಿಯೊಬ್ಬರು ಲಿಪ್ಲಾಕ್ ವಿಚಾರಕ್ಕೆ ಮತ್ತೆ ಸುದ್ದಿಯಾಗಿದ್ದಾರೆ.
ಜನಪ್ರಿಯ ನಟಿ ಕಾಮ್ಯಾ ಪಂಜಾಬಿ ಕಳೆದ ತಿಂಗಳು ಶಲಬ್ ಡಂಗ್ ಜೊತೆ ಸಪ್ತಪದಿ ತುಳಿದಿದ್ದರು. ಈ ಮದುವೆಗೆ ಹಲವು ಕಲಾವಿದರು ಸಾಕ್ಷಿಯಾಗಿದ್ದರು. ಮುಂಬೈನಲ್ಲಿ ನಡೆದ ಈ ಮದುವೆ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದವು. ಮದುವೆ ನಂತರ ಮೊದಲ ಹೋಳಿ ಆಚರಣೆ ಮಾಡುತ್ತಿರುವ ಈ ಜೋಡಿ ಈಗ ಲಿಪ್ಲಾಕ್ ಮಾಡುತ್ತಿರುವ ಫೋಟೋ ಹಾಕಿ ಎಲ್ಲರೂ ಹುಬ್ಬೇರಿಸುವಂತೆ ಮಾಡಿದೆ. ಈ ಫೋಟೋಕ್ಕೆ ನೆಟ್ಟಿಗರು ತರಹೇವಾರಿ ಕಾಮೆಂಟ್ ಮಾಡುತ್ತಿದ್ದಾರೆ.
ಕಾಮ್ಯಾ ಮದುವೆಯಾಗಿ ಸರಿಯಾಗಿ ಒಂದು ತಿಂಗಳು ಪೂರ್ಣಗೊಂಡಿದೆ. ಬ್ಯುಸಿನೆಸ್ ಟ್ರಿಪ್ ಮೂಲಕ ಈ ಜೋಡಿ ಮೊದಲು ಭೇಟಿಯಾಗಿತ್ತು. ಆನಂತರದಲ್ಲಿ ಶಲಬ್ ಅವರು ಕಾಮ್ಯಾರಿಗೆ ಪ್ರೇಮ ನಿವೇದನೆ ಮಾಡಿದ್ದರು. ಪರಿಚಯವಾಗಿ ಒಂದು ವರ್ಷದ ನಂತರ ಇವರಿಬ್ಬರು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು.
40 ವರ್ಷದ ಕಾಮ್ಯಾಗೆ ಇದು 2ನೇ ಮದುವೆ. ಈ ಮೊದಲು ಉದ್ಯಮಿ ಬಂಟಿ ನೇಗಿ ಎಂಬುವವರನ್ನು ಮದುವೆಯಾಗಿದ್ದರು. ಕಾಮ್ಯಾಗೆ ಈಗಾಗಲೇ 10 ವರ್ಷದ ಮಗಳಿದ್ದಾರೆ. ಬಂಟಿಗೆ ವಿಚ್ಛೇದನ ನೀಡಿದ ನಂತರದಲ್ಲಿ ಶಲಬ್ ಜೊತೆ ಕಾಮ್ಯಾ ಮತ್ತೊಮ್ಮೆ ಹೊಸ ಜೀವನಕ್ಕೆ ಕಾಲಿಟ್ಟಿದ್ದಾರೆ ಎನ್ನಬಹುದು.
Comments are closed.