ಬಿಗ್ ಬಾಸ್ ಮನೆಯಲ್ಲಿ ಹತ್ತನೇ ವಾರ ಏಳು ಮಂದಿ ಸ್ಪರ್ಧಿಗಳು ನಾಮಿನೇಟ್ ಆಗಿದ್ದರು. ವಾರದ ಕಥೆ ಕಿಚ್ಚನ್ ಜೊತೆಯ ಕಾರ್ಯಕ್ರಮದಲ್ಲಿ ಕುರಿ ಪ್ರತಾಪ್, ಕಿಶನ್, ಚಂದನಾ ಹಾಗೂ ದೀಪಿಕಾ ಸೇಫ್ ಆಗಿದ್ದರು. ಉಳಿದಂತೆ ಹರೀಶ್ ರಾಜ್, ಚಂದನ್ ಆಚಾರ್ ಹಾಗೂ ಚೈತ್ರಾ ಕೋಟೂರ್ ಉಳಿದುಕೊಂಡಿದ್ದರು.
ಹರೀಶ್ ರಾಜ್, ಚಂದನ್ ಆಚಾರ್ ಹಾಗೂ ಚೈತ್ರಾ ಕೋಟೂರ್ ಈ ಮೂವರಲ್ಲಿ ಮೊದಲು ಸೇಫ್ ಆದ ಸ್ಪರ್ಧಿ ಚಂದನ್ ಆಚಾರ್. ಎಂದಿನಂತೆ ಈ ವಾರವೂ ಚಂದನ್ ಆಚಾರ್ ಸೇಫ್ ಆಗಿದ್ದಾರೆ. ಮನೆಯ ಸದಸ್ಯರು ಮಾತ್ರ ಚಂದನ್ ಮನೆಯಿಂದ ಹೋದರೆ ಸಾಕು ಎಂದುಕೊಂಡಿದ್ದರು. ಆದರೆ ಬಿಗ್ ಬಾಸ್ ಮನೆಯಲ್ಲಿ ಆಗಿದ್ದೇ ಬೇರೆ.
ಹತ್ತು ವಾರಗಳು, 71 ದಿನಗಳು, ಅದ್ಭುತವಾದ ಪ್ರಯಾಣ, ಈ ಪ್ರಯಾಣವನ್ನು ಇಂದಿಗೆ ಮುಗಿಸುತ್ತಿರುವ ಸ್ಪರ್ಧಿ ಎಂದು ಹೇಳಿ ಹರೀಶ್ ರಾಜ್ ಅವರ ಹೆಸರನ್ನು ಪ್ರಸ್ತಾಪಿಸಿದರು ಸುದೀಪ್. ಇದರಿಂದ ಮನೆಯ ಸ್ಪರ್ಧಿಗಳು ಒಬ್ಬರ ಮುಖವನ್ನು ಇನ್ನೊಬ್ಬರು ನೋಡಿಕೊಂಡರು.
ಹರೀಶ್ ರಾಜ್ ಅವರ ಎಲಿಮಿನೇಷನ್ ಕೇಳಿದವರಿಗೆ ಅಚ್ಚರಿಯಾಗಿದ್ದರೆ, ಅವರಿಗೆ ಇದು ಎಚ್ಚರಿಕೆ ಎಂದು ತಿಳಿಸುತ್ತಾ ಹರೀಶ್ ರಾಜ್ ನಿಮಗೆ ಐದು ನಿಮಿಷ ಉಳಿದಿದೆ ವೇದಿಕೆಗೆ ಬರಲು ಎಂದರು. ಮುಂದಿನ ವಾರಗಳು ಇನ್ನೂ ಕಷ್ಟ ಆಗುತ್ತವೆ ಎಂದೂ ಹೇಳಿದರು ಸುದೀಪ್.
ಸೇಫ್ ಆದ ಚೈತ್ರಾ ಕೋಟೂರ್ ಅವರು, ಸಾರ್ ಎಕ್ಸ್‌ಪೆಕ್ಟ್ ಮಾಡಿರಲಿಲ್ಲ ಎಂದು ಅಚ್ಚರಿ ವ್ಯಕ್ತಪಡಿಸಿದರು. ಬಳಿಕ ಹರೀಶ್ ರಾಜ್ ಮಾತನಾಡುತ್ತಾ, ಬಿಗ್ ಬಾಸ್ ಮನೆಯಲ್ಲಿ ತುಂಬಾ ಎಂಜಾಯ್ ಮಾಡಿದ್ದೀನಿ. ಇಲ್ಲಿನ ನನ್ನ ಜರ್ನಿಯಲ್ಲಿ ಯಾರಿಗಾದರೂ ಮನಸ್ಸಿಗೆ ಬೇಜಾರಾಗಿದ್ದರೆ ಕ್ಷಮಿಸಿ ಎಂದರು.
ಮನೆಯಿಂದ ಹೊರಹೋಗುವಾಗ ಒಬ್ಬರನ್ನು ನೇರವಾಗಿ ನಾಮಿನೇಟ್ ಮಾಡಲು ಸೂಚಿಸಿದ್ದು ಚಂದನಾ ಹೆಸರನ್ನು. ಇಲ್ಲಿಂದ ಹೋದ ಬಳಿಕ ನಾನೂ ವೋಟ್ ಮಾಡುತ್ತೇನೆ ಎಂದು ಹೇಳಿ ಹೊರಟರು.
ಸ್ವಲ್ಪ ಹೊತ್ತಿಗೆ ವಾಸುಕಿ ವೈಭವ್ ಅವರೇ ನಿಮಗೆ ಹಸಿವಾಗುತ್ತಿದಿಯೇ ಎಂದು ಕೇಳಿದರು ಬಿಗ್ ಬಾಸ್. ಹೌದು ಎಂದಾಗ, ಚಪಾತಿ ಲಟ್ಟಿಸಲು ರೆಡಿಯೇ ಎಂದರು. ಬಳಿಕ ಸ್ಟೋರ್ ರೂಮ್ ಗಂಟೆ ಬಾರಿಸಿತು. ಅಲ್ಲಿಗೆ ಹೋಗಿ ನೋಡಿದಾಗ ಹರೀಶ್ ರಾಜ್ ಮಕಾಡೆ ಮಲಗಿದ್ದರು. ಅದನ್ನು ನೋಡಿ ವಾಸುಕಿ ಬೆಚ್ಚಿ ಬಿದ್ದರು!
ಬಳಿಕ ಮನೆಯ ಸದಸ್ಯರೆಲ್ಲರೂ ಓಡಿ ಬಂದು ಹರೀಶ್ ರಾಜ್ ಅವರನ್ನು ತಮಾಷೆ ಸಾಕು ಎದ್ದೇಳಿ ಎಂದು ಎಬ್ಬಿಸಿದರು. ನಗುನಗುತ್ತಾ ಎದ್ದ ಹರೀಶ್ ರಾಜ್ ಮತ್ತು ಎಲ್ಲರೂ ಬಂದು ಎಂದಿನಂತೆ ಸೋಫಾದಲ್ಲಿ ಕುಳಿತರು. ಮತ್ತೆ ಸುದೀಪ್ ಟಿವಿ ಪರದೆ ಮೇಲೆ ಕಾಣಿಸಿಕೊಂಡು. ಹರೀಶ್ ರಾಜ್ ಮತ್ತು ವಾಸುಕಿ ನೀವಿಬ್ಬರೂ ಒಮ್ಮೆ ಮಾತನಾಡಿಕೊಳ್ಳುತ್ತಾ, ಬಿಗ್ ಬಾಸ್ ಮನೆಯಿಂದ ಓಡಿ ಹೋದರೆ ಹೇಗೆ ಎಂದು ಮಾತನಾಡಿಕೊಂಡಿದ್ದಿರಿ. ಆಗ ವಾಸುಕಿ, ಇನ್ನೇನು ಮಾಡುತ್ತಾರೆ, ಮತ್ತೆ ಸ್ಟೋರ್ ರೂಮಿಗೋ ಅಥವಾ ಕನ್ಫೆಷನ್ ರೂಮಿಗೆ ತಂದು ಬಿಡುತ್ತಾರೆ ಎಂದಿದ್ದರು. ನಾವೂ ಯಾಕೆ ಆ ರೀತಿ ಮಾಡಬಾರದು ಅಂತ ಈ ಸಣ್ಣ ಝಲಕ್ ಕೊಟ್ಟೆವು ಎಂದರು. ಈ ವಾರ ನೋ ಎಲಿಮಿನೇಷನ್ ಎಂದು ಹೇಳಿ ಮನೆಯ ಸದ್ಯರಿಗೆ ಶಾಕ್ ನೀಡಿದರು.
Comments are closed.