ಮನೋರಂಜನೆ

ತುಂಬು ಗರ್ಭಿಣಿ ಪಾತ್ರದಲ್ಲಿ ನಟಿಸಿದ ಬಾಲಿವುಡ್ ನಟಿ ಕರೀನಾ ಕಪೂರ್!

Pinterest LinkedIn Tumblr


ಬಾಲಿವುಡ್‌ನಲ್ಲಿ ಸಖತ್ ಸೌಂಡ್ ಮಾಡುತ್ತಿರುವ ಸಿನಿಮಾ ‘ಗುಡ್ ನ್ಯೂಝ್’ (Good Newwz). ಈಗಾಗಲೆ ಫನ್ನಿ ಪೋಸ್ಟರ್‌ಗಳು ರಿಲೀಸ್ ಆಗಿದ್ದು ಸಿನಿಮಾವನ್ನು ಕುತೂಹಲದಿಂದ ನಿರೀಕ್ಷಿಸುವಂತೆ ಮಾಡಿವೆ. ಇದೀಗ ಟ್ರೇಲರ್ ರಿಲೀಸ್ ಆಗಿದ್ದು ಚಿತ್ರದಲ್ಲಿ ಕರೀನಾ ಕಪೂರ್ ಹಾಗೂ ಕಿಯಾರಾ ಅಡ್ವಾಣಿ ತುಂಬು ಗರ್ಭಿಣಿಯರಾಗಿ ಕಾಣಿಸಿಕೊಂಡಿದ್ದಾರೆ.

ರಾಜ್ ಮೆಹ್ತಾ ನಿರ್ದೇಶನದ ಈ ಸಿನಿಮಾದಲ್ಲಿ ಇಬ್ಬರು ದಂಪತಿಗಳು ಶೀಘ್ರದಲ್ಲೇ ತಂದೆತಾಯಿಯಾಗುತ್ತಿರುವ ಹಿನ್ನೆಲೆಯಲ್ಲಿ ಸಾಗುವ ಕಥೆಯಾಗಿದೆ. ಅಸಾಮಾನ್ಯ ಸಂದರ್ಭಗಳಲ್ಲಿ ಎರಡೂ ಜೋಡಿಗಳು ಒಂದಾಗುತ್ತವೆ. ಕರೀನಾ ಕಪೂರ್‌ ಪತಿಯಾಗಿ ಅಕ್ಷಯ್ ಕುಮಾರ್ ಹಾಗೂ ಕಿಯಾರಾ ಅಡ್ವಾಣಿ ಪತಿಯಾಗಿ ದಿಲ್ಚಿತ್ ದೋಸಾಂಜಿ ಅಭಿನಯಿಸಿದ್ದಾರೆ.

ವರುಣ್ ಬಾತ್ರಾ (ಅಕ್ಷಯ್ ಕುಮಾರ್) ಹಾಗೂ ದೀಪ್ತಿ ಬಾತ್ರಾ (ಕರೀನಾ ಕಪೂರ್) ಗಂಡ ಹೆಂಡತಿ. ಕೆಲವು ಕಾರಣಾಂತರಗಳಿಂದ ಮಕ್ಕಳಾಗದ ಕಾರಣ ಈ ಜೋಡಿ ವೈದ್ಯರನ್ನು ಭೇಟಿಯಾಗುತ್ತದೆ. ಐವಿಎಫ್ ಮೂಲಕ ಮಕ್ಕಳನ್ನು ಪಡೆಯಬಹುದು ಎಂದು ತಿಳಿಸುತ್ತಾರೆ ವೈದ್ಯರು. ಇದನ್ನು ಅವರಿಬ್ಬರೂ ಒಪ್ಪುತ್ತಾರೆ.

ಇಲ್ಲಿ ವೈದ್ಯರು ಮಾಡುವ ಎಡವಟ್ಟಿನಿಂದಾಗಿ ಅಚಾನಕ್ ಘಟನೆ ನಡೆದುಹೋಗುತ್ತದೆ. ವರುಣ್ ಬಾತ್ರಾ ವೀರ್ಯವನ್ನು ಹನಿ ಬಾತ್ರಾ (ದಿಲ್ಜಿತ್ ದೋಸಾಂಜೆ) ಪತ್ನಿ ಮೋನಿಕಾ ಬಾತ್ರಾ (ಕಿಯಾರಾ ಅಡ್ವಾಣಿ) ಗರ್ಭ ಸೇರುತ್ತದೆ (ಐವಿಎಫ್ ಮೂಲಕ). ಅದೇ ಸಮಯದಲ್ಲಿ ಹನಿ ಬಾತ್ರಾ ವೀರ್ಯವನ್ನು ದೀಪ್ತಿ ಬಾತ್ರಾ ಗರ್ಭಕ್ಕೆ ರವಾನಿಸುತ್ತಾರೆ. ಎರಡೂ ಜೋಡಿಗಳ ಹೆಸರಿನ ಹಿಂದೆ ಬಾತ್ರಾ ಎಂದು ಕಾಮನ್ ಆಗಿರುವ ಕಾರಣ ಈ ಅಚಾತುರ್ಯ ನಡೆಯುತ್ತದೆ. ಆ ಬಳಿಕ ಏನಾಗುತ್ತದೆ ಎಂಬುದು ಗೊತ್ತಾಗಬೇಕಾದರೆ ‘ಗುಡ್ ನ್ಯೂಝ್’ ಸಿನಿಮಾ ನೋಡಬೇಕು.

ನಾನಾ ಕಾರಣಗಳಿಂದಾಗಿ ಈ ಸಿನಿಮಾ ಬಿಡುಗಡೆ ಎರಡು ಸಲ ಮುಂದೂಡಲ್ಪಟ್ಟಿದೆ. ಒಮ್ಮೆ ಸೆಪ್ಟೆಂಬರ್ 6ಕ್ಕೆ ರಿಲೀಸ್ ಎನ್ನಲಾಗಿತ್ತು ನವೆಂಬರ್ 29ಕ್ಕೆ ಮುಂದೂಡಲ್ಪಟ್ಟಿತ್ತು. ಈಗ ಮತ್ತೊಮ್ಮೆ ಡಿಸೆಂಬರ್‌ಗೆ ಪೋಸ್ಟ್‌ಪೋನ್ ಆಗಿದೆ.

Comments are closed.