ಪ್ರಾರ್ಥನೆ ನಂತರ ಸೆಕ್ಸ್ ಇಷ್ಟ ಎಂದ ನಟಿ

ಈ ರೂಪದರ್ಶಿ ಹೇಳಿಕೆ ಈಗ ಚರ್ಚೆಗೆ ಗ್ರಾಸವಾಗಿದೆ. ಇದೇನು ಆಚಾರ ಎಂದು ನಟಿಯ ಬಗ್ಗೆ ಮಾತನಾಡಿಕೊಳ್ಳುವಂತಾಗಿದೆ. ಪ್ರಾರ್ಥನೆ ಮುಗಿದ ಬಳಿಕ ಸೆಕ್ಸ್‌ನಲ್ಲಿ ಭಾಗಿಯಾಗುತ್ತೇನೆ ಎಂದು ಸಾರ್ವಜನಿಕವಾಗಿಯೇ ಹೇಳಿಕೊಂಡು ಭಾರಿ ವಿವಾದಕ್ಕೆ ತುತ್ತಾಗಿದ್ದಾರೆ ಅಮೆರಿಕನ್ ರೂಪದರ್ಶಿ ಆಶ್ಲೇ ಗ್ರಹಾಂ.

ಇಂಡೋ ಕೆನಡಿಯನ್ ಯೂಟ್ಯೂಬರ್ ಲಿಲ್ಲಿ ಸಿಂಗ್ ನಿರೂಪಿಸುತ್ತಿರುವ “ಎ ಲಿಟ್ಲ್ ಲೇಟ್ ವಿತ್ ಲಿಲ್ಲಿ ಸಿಂಗ್” ಶೋನಲ್ಲಿ ಗ್ರಹಾಂ ಪಾಲ್ಗೊಂಡಿದ್ದರು. ಈ ಶೋನಲ್ಲಿ ನಾಚಿಕೆ ಬಿಟ್ಟು ಎಲ್ಲ ಸಂಗತಿಗಳ ಬಗ್ಗೆಯೂ ಮಾತನಾಡಿದ್ದಾರೆ ಗ್ರಹಾಂ.

“ನನಗೂ, ನನ್ನ ಗಂಡ ಜಸ್ಟಿನ್ ಎವ್ರಿನ್‌ಗೆ ಜೀಸಸ್ ಬಗ್ಗೆ, ನಾನು ಮಾಡುವ ಪ್ರಾರ್ಥನೆಗಳ ಬಗ್ಗೆ ತುಂಬಾ ನಂಬಿಕೆ ಇದೆ. ನಾವು ಪ್ರಾರ್ಥನೆ ಸಮಯದಲ್ಲಿ ಕಡ್ಡಾಯವಾಗಿ ಚರ್ಚ್‌ಗೆ ಹೋಗುತ್ತಿರುತ್ತೇವೆ. ಪ್ರಾರ್ಥನೆ ಮುಗಿದ ಬಳಿಕ ಮನೆಗೆ ಬಂದು ಸೆಕ್ಸ್‌ನಲ್ಲಿ ಪಾಲ್ಗೊಳ್ಳುತ್ತೇವೆ. ಇದರಲ್ಲಿ ತಪ್ಪಿಲ್ಲ. ಯಾಕೆಂದರೆ ಪ್ರಾರ್ಥನೆ ಮಾನಸಿಕ ನೆಮ್ಮದಿ ನೀಡುತ್ತದೆ. ಸೆಕ್ಸ್ ದೈಹಿಕ ನೆಮ್ಮದಿ ನೀಡುತ್ತದೆ. ಈ ವಿಚಾರದಲ್ಲಿ ನಮ್ಮಿಬ್ಬರಿಗೂ ಒಳ್ಳೆಯ ಬಾಂಡಿಂಗ್ ಇದೆ” ಎಂದಿದ್ದಾರೆ.

ಗ್ರಹಾಂರ ಈ ಮಾತು ಕೇಳುತ್ತಿದ್ದಂತೆ ಶಾಕ್ ಆಗಿದ್ದಾರೆ ಲಿಲ್ಲಿ ಸಿಂಗ್. “ಹಾಗಿದ್ದರೆ ನಾನು ಸಹ ಒಂದು ರಾತ್ರಿ ಪ್ರಾರ್ಥನೆ ಮಾಡಬೇಕು ಎಂದ ಹಾಗಾಯ್ತು” ಎಂದು ವ್ಯಂಗ್ಯವಾಗಿ ಹೇಳಿದ್ದಾರೆ. ಕೆಲ ದಿನಗಳ ಹಿಂದೆ ಅಮೆರಿಕದ ಖ್ಯಾತ ಗಾಯಕ ಕಾನ್ಯೆ ವೆಸ್ಟ್ ಸಹ ಲೈಂಗಿಕತೆ ಬಗ್ಗೆ ಕಾಮೆಂಟ್ ಮಾಡಿ ಚರ್ಚೆಗೆ ಗ್ರಾಸವಾಗಿದ್ದರು.

ಮದುವೆಗೂ ಮುನ್ನ ಸೆಕ್ಸ್ ಬೇಡ ಎಂದು ಹೇಳಿದ ಮಾತುಗಳು ಹಾಲಿವುಡ್‌ನಲ್ಲಿ ಸಂಚಲನ ಮೂಡಿಸಿತ್ತು. “ನನ್ನ ಬಳಿ ಕೆಲಸ ಮಾಡುತ್ತಿದ್ದವರಿಗೆ ಒಂದು ನಿಯಮ ಜಾರಿ ಮಾಡಿದ್ದೆ. ಅದೇನೆಂದರೆ, ಕೆಲಸದಲ್ಲಿದ್ದಾಗ ರತಿಕ್ರೀಡೆ ಮಾಡಬಾರದು. ಅಷ್ಟೇ ಅಲ್ಲದೆ ಮದುವೆಗೂ ಮುನ್ನ ಲೈಂಗಿಕತೆ ಬೇಡ. ಅಷ್ಟೇ ಅಲ್ಲ ಕೆಲವು ಸಂದರ್ಭಗಳಲ್ಲಿ ಉಪವಾಸ ಸಹ ಮಾಡಬೇಕು ಎಂದು ಸಹ ಹೇಳುತ್ತಿರುತ್ತೇನೆ” ಎಂದಿದ್ದರು.

“ನಾನು ಚಿಕ್ಕಂದಿನಿಂದಲೇ ಸೆಕ್ಸ್‌ಗೆ ಅಡಿಕ್ಟ್ ಆದೆ. ಆ ಬಳಿಕ 30 ವರ್ಷಗಳ ಬಳಿಕ ಪೋರ್ನ್‌ಗೆ ಅಡಿಕ್ಟ್ ಆದೆ. ಈ ದರಿದ್ರವಾದ ಹ್ಯಾಬಿಟ್‌ನಿಂದ ಹೊರಬೀಳಲು ನಮ್ಮ ತಂದೆ ನನಗೆ ತುಂಬಾ ಸಹಾಯ ಮಾಡಿದರು. ಆ ದೇವರ ದಯೆಯಿಂದ ಈಗ ನಾನು ಸಂಪೂರ್ಣವಾಗಿ ಈ ಅಭ್ಯಾಸದಿಂದ ಹೊರಬಿದ್ದಿದ್ದೇನೆ” ಎಂದಿದ್ದಾರೆ.

ಬಹುಶಃ ರಾಕ್ ಸ್ಟಾರ್‌‍ಗಳ ಲೈಫ್ ಇದೇ ರೀತಿ ಇರುತ್ತದೇನೋ. ತಾಯಿ ತೀರಿಕೊಂಡರೆ ಯಾರೂ ಆ ನೋವನ್ನು ತಡೆದುಕೊಳ್ಳಲು ಸಾಧ್ಯವಿಲ್ಲ. ಕೆಲವರು ಆ ನೋವಿನಿಂದ ಹೊರಬರಲು ಡ್ರಗ್ಸ್‌ ಚಟಕ್ಕೆ ಬೀಳುತ್ತಾರೆ. ಆದರೆ ನಾನು ಸೆಕ್ಸ್‌ ವ್ಯಸನಿಯಾದೆ. ಒಂದು ರೀತಿ ಹೇಳಬೇಕು ಎಂದರೆ ಜೀಸನ್ ನನ್ನ ಜೀವನವನ್ನೇ ಬದಲಾಯಿಸಿದ. ನಾನು ಯಾವುದಾದರೂ ಹೊಸ ಗೀತೆ ಬರೆಯಬೇಕು ಎಂದುಕೊಂಡಾಗ ನನ್ನ ಬಳಿ ಕೆಲಸ ಮಾಡುತ್ತಿರುವವರ ಬಳಿಗೆ ಹೋಗಿ ಕೇವಲ ಈ ಕೆಲಸ ಮೇಲೆ ಮಾತ್ರ ಫೋಕಸ್ ಮಾಡಿ ಎಂದು ಹೇಳುತ್ತಿರುತ್ತೇನೆ. ಯಾಕೆಂದರೆ ಒಟ್ಟಿಗೆ ದೇವರನ್ನು ಪ್ರಾರ್ಥಿಸುವವರು ಒಟ್ಟಿಗೆ ಏನನ್ನಾದರೂ ಸಾಧಿಸುತ್ತಾರೆ ಎಂದಿದ್ದಾರೆ ಕಾನ್ಯೆ ವೆಸ್ಟ್.