ಬೆಂಗಳೂರು: ನಿರೀಕ್ಷಿಸಿದಂತೆ ಪೈಲ್ವಾನ್ ಸಿನಿಮಾ ದೊಡ್ಡ ಮಟ್ಟದಲ್ಲಿ ತೆರೆಗಪ್ಪಳಿಸಿದೆ. ಭರ್ಜರಿ ರೆಸ್ಪಾನ್ಸ್ ಗಿಟ್ಟಿಸಿಕೊಂಡು ಗ್ರ್ಯಾಂಡ್ ಓಪನಿಂಗ್ ಪಡ್ಕೊಂಡಿದೆ. ಮುಂಜಾನೆಯಿಂದ್ಲೇ ಹಲವೆಡೆ ಫಸ್ಟ್ ಶೋ ಶುರುವಾಗಿದೆ. ಪರಭಾಷೆಗಳಲ್ಲೂ ದೇಶ ವಿದೇಶದಲ್ಲಿ ಪೈಲ್ವಾನ್ ಸಿನಿಮಾ ತೆರೆಕಂಡಿದೆ.
ಪೈಲ್ವಾನ್ ಹಿಂದಿ ವರ್ಷನ್ ಒಂದು ದಿನ ತಡವಾಗಿ ರಿಲೀಸ್ ಆಗ್ತಿದ್ದು, ಇನ್ನುಳಿದಂತೆ ವಿಶ್ವದಾದ್ಯಂತ ಪೈಲ್ವಾನ್ ಸಿನಿಮಾ ಬಿಡುಗಡೆಯಾಗಿದೆ. ಬೆಳಗಿನ ಜಾವ 5.30ಕ್ಕೆ ಹಲವೆಡೆ ಫಸ್ಟ್ ಶೋ ಶುರುವಾಯ್ತು. ಆನ್ಲೈನ್ನಲ್ಲಿ ಟಿಕೆಟ್ ಬುಕ್ ಮಾಡಿಕೊಂಡಿದ್ದ ಫ್ಯಾನ್ಸ್ ಸೂರ್ಯ ಹುಟ್ಟೋಕ್ಕು ಮೊದ್ಲೆ ಥಿಯೇಟರ್ ಅಂಗಳದಲ್ಲಿ ಜಮಾಯಿಸಿದರು. ಪಟಾಕಿ ಹೊಡೆದು ಜೈಕಾರ ಹಾಕಿ ಪೈಲ್ವಾನ್ಗೆ ಭವ್ಯ ಸ್ವಾಗತ ಕೋರಿದರು.
ಮೊದಲ ದಿನ ಪೈಲ್ವಾನ್ ಕನ್ನಡ ವರ್ಷನ್ 610 ಅಧಿಕ ಶೋಗಳು ಪ್ರದರ್ಶನ ಕಾಣ್ತಿದ್ದು, 60ಕ್ಕೂ ಅಧಿಕ ಅರ್ಲಿ ಮಾರ್ನಿಂಗ್ ಶೋಗಳನ್ನು ಹಾಕಲಾಗಿತ್ತು. ಕನ್ನಡದ ಮಟ್ಟಿದೆ ಬೆಂಗಳೂರಿನಲ್ಲಿ ಪೈಲ್ವಾನ್ ಸಿನಿಮಾ ಹೊಸ ದಾಖಲೆ ಬರೆದಿದೆ. ಕಾರ್ತಿಕ್ ಗೌಡ ಅವರ ಕೆಆರ್ಜಿ ಸ್ಟುಡಿಯೋಸ್ ಸಂಸ್ಥೆ ಪೈಲ್ವಾನ್ ಕನ್ನಡ ವರ್ಷನ್ ವಿತರಣೆ ಮಾಡ್ತಿದ್ದು, ವಿದೇಶದಲ್ಲೂ ದೊಡ್ಡ ಮಟ್ಟದಲ್ಲಿ ಸಿನಿಮಾ ರಿಲೀಸ್ ಆಗಿದೆ.
ಮೊದಲ ದಿನ ಪೈಲ್ವಾನ್ ಅಬ್ಬರ ನೋಡಿದ ಫ್ಯಾನ್ಸ್ ಥ್ರಿಲ್ಲಾಗಿದ್ದಾರೆ. ಬಾರೋ ಪೈಲ್ವಾನ್ ಹಾಡಿಗೆ ಬೆಳ್ಳಿ ಪರದೆ ಮುಂದೆ ಕುಣಿದು ಕುಪ್ಪಳಿಸಿದರು. ಕಿಚ್ಚನ ಲುಕ್, ಖದರ್ ನೋಡಿ ಎಂಜಾಯ್ ಮಾಡಿದ ಫ್ಯಾನ್ಸ್ ಡೈಲಾಗ್ಗಳಿಗೆ ಶಿಳ್ಳೆ ಚಪ್ಪಾಲೆ ಹೊಡೆದು ಸಂಭ್ರಮಿಸಿದರು.
ಕೆಜಿ ರಸ್ತೆಯ ಸಂತೋಷ್ ಚಿತ್ರಮಂದಿರದಲ್ಲಿ ಅಭಿಮಾನಿಗಳ ಸಂಭ್ರಮ ಮುಗುಲು ಮುಟ್ಟಿತ್ತು. ಥಿಯೇಟರ್ ಮುಂದೆ 70 ಅಡಿ ಎತ್ತರದ ಎರಡೆರಡು ಪೈಲ್ವಾನ್ ಕಟೌಟ್ಗಳನ್ನ ನಿಲ್ಲಿಸಲಾಗಿದೆ. 2000 ಕೆಜಿ ಹೂವಿನಿಂದ ಕಟೌಟ್ಗಳನ್ನ ಸಿಂಗರಿಸಿದ್ದು, ಪಟಾಕಿ ಹೊಡೆದು ಚಿತ್ರಕ್ಕೆ ಸ್ವಾಗತ ಕೋರಿದರು.
ಕಾವೇರಿ ಮತ್ತು ವೀರೇಶ್ ಚಿತ್ರಮಂದಿರಗಳಲ್ಲೂ ಅಭಿಮಾನಿಗಳ ಸಡಗರ ಜೋರಾಗಿತ್ತು. ಕಳೆದ ಒಂದೂವರೆ ವರ್ಷದಿಂದ ಪೈಲ್ವಾನ್ ಚಿತ್ರಕ್ಕಾಗಿ ಅಭಿಮಾನಿಗಳು ಕಾಯ್ತಿದರು. ಅವರ ಕಾತರಕ್ಕೆ ಬ್ರೇಕ್ ಬಿದ್ದಿದ್ದು, ನೆಚ್ಚಿನ ನಟನನ್ನು ಕುಸ್ತಿ ಪೈಲ್ವಾನ್ ಅವತಾರದಲ್ಲಿ ನೋಡಿ ಸಂಭ್ರಮಿಸಿದರು.
ಇನ್ನು ಸಂತೋಷ್ ಚಿತ್ರಮಂದಿರದಲ್ಲಿ ಅಭಿಮಾನಿಗಳ ಜೊತೆ ಕಿಚ್ಚ ಸುದೀಪ್ ಫ್ಯಾಮಿಲಿ ಪೈಲ್ವಾನ್ ಸಿನಿಮಾ ವೀಕ್ಷಿಸಿದರು. ಸುದೀಪ್ ಪುತ್ರಿ ಸಾನ್ವಿ ಕೂಡ ಪೈಲ್ವಾನ್ ಸಿನಿಮಾ ನೋಡಿ ಸಂತಸಪಟ್ಟರು.
ಒಟ್ಟಾರೆ ಸ್ಯಾಂಡಲ್ವುಡ್ ಅಂಗಳದಲ್ಲಿ ಪೈಲ್ವಾನ್ ಹಬ್ಬ ಜೋರಾಗಿದೆ. ಕರ್ನಾಟಕ ಮಾತ್ರವಲ್ಲದೇ ತೆಲುಗು ರಾಷ್ಟ್ರಗಳಲ್ಲಿ, ತಮಿಳುನಾಡು, ಕೇರಳ ಸೇರಿದಂತೆ ವಿಶ್ವದಾದ್ಯಂತ ಪೈಲ್ವಾನ್ ಸಿನಿಮಾ ತೆರೆಕಂಡಿದೆ. ಪೈಲ್ವಾನ್ ಹಿಂದಿ ವರ್ಷನ್ ರಿಲೀಸ್ಗೆ ಕ್ಷಣಗಣನೆ ಶುರುವಾಗಿದೆ. ಮೊದಲ ದಿನ ಭರ್ಜರಿ ಪ್ರಶಂಸೆ ಗಿಟ್ಟಿಸಿಕೊಂಡು, ಬಾಕ್ಸಾಫೀಸ್ನಲ್ಲಿ ಧೂಳೆಬ್ಬಿಸಿರೋ ಪೈಲ್ವಾನ್ ಮುಂದೆ ಹೇಗೆ ಸೌಂಡ್ ಮಾಡ್ತಾನೆ ಕಾದು ನೋಡಬೇಕು.
Comments are closed.