ಪ್ರೆಗ್ನೆನ್ಸಿಯ ಆರಂಭದಿಂದಲೂ ಒಂದರ ಮೇಲೊಂದರಂತೆ ತನ್ನ ಅಭಿಮಾನಿಗಳಿಗೆ ಸರ್‌ಪ್ರೈಸಿಂಗ್‌ ಫೋಟೋಗಳನ್ನು ಪೋಸ್ಟ್‌ ಮಾಡುತ್ತಿರುವ ದಿ ವಿಲನ್‌ ಸಿನಿಮಾದ ನಾಯಕಿ ಆ್ಯಮಿ ಜಾಕ್ಸನ್‌ ಈಗ ತಾನು ಯೋಗ ಮಾಡುತ್ತಿರುವ ಫೋಟೊ ಮತ್ತು ವಿಡಿಯೋ ಹಾಕಿ ಚಕಿತಗೊಳಿಸಿದ್ದಾರೆ. ಏಳು ತಿಂಗಳು ಕಳೆದಿರುವ ತುಂಬು ಗರ್ಭಿಣಿ ಆ್ಯಮಿ ಲೀಲಾಜಾಲವಾಗಿ ಯೋಗ ಮಾಡುತ್ತಿರುವ ಈ ಫೋಟೊ ನೋಡಿ ಅವರ ಅಭಿಮಾನಿಗಳು ದಂಗಾಗಿದ್ದಾರೆ.
ಕೆಲವರು ನಟಿಯ ಫಿಟ್‌ನೆಸ್‌ ಕಾಳಜಿಯನ್ನು ಕೊಂಡಾಡಿದ್ದರೆ, ಇನ್ನು ಕೆಲವರು ಈ ಸಮಯದಲ್ಲಿ ಯೋಗ ಮುಂತಾದ ವ್ಯಾಯಾಮ ಮಾಡಿ ರಿಸ್ಕ್‌ ತೆಗೆದುಕೊಳ್ಳಬೇಡಿ ಎಂದು ಸಲಹೆ ನೀಡಿದ್ದಾರೆ. ತಿಳಿ ನೇರಳೆ ಬಣ್ಣದ ಕ್ರಾಪ್‌ ಟಾಪ್‌ ಮತ್ತು ಬಿಳಿ ಪ್ಯಾಂಟ್‌ ಧರಿಸಿ ವೀರಭದ್ರಾಸನ ಮಾಡಿರುವ ಫೋಟೋವನ್ನು ಆ್ಯಮಿ ಟ್ವೀಟ್‌ ಮಾಡಿದ್ದು, “ಪ್ರೆಗ್ನೆನ್ಸಿಯ ಮೊದಲು ಕೂಡಾ ನಾನು ದೈನಂದಿನ ವ್ಯಾಯಾಮಕ್ಕೆ ಹೆಚ್ಚಿನ ಮಹತ್ವ ಕೊಡುತ್ತಿದ್ದೆ. ಈಗ ಕೂಡಾ ಅದನ್ನು ಮುಂದುವರಿಸಿಕೊಂಡು ಹೋಗುತ್ತಿದ್ದೇನೆ.
ವರ್ಕೌಟ್‌ ಮಾಡುವುದರಿಂದ ಅಂದರೆ ಕೇವಲ 20 ನಿಮಿಷ ವಾಕ್‌ ಮಾಡಿದರೂ ಪ್ರೆಗ್ನೆನ್ಸಿ ಅವಧಿಯುದ್ದಕ್ಕೂ ಮತ್ತು ಹೆರಿಗೆ ಸಂದರ್ಭದಲ್ಲಿ ಕಾಣಿಸಿಕೊಳ್ಳುವ ಸಮಸ್ಯೆಗಳು ಕಡಿಮೆಯಾಗುತ್ತವೆ. ನಿಮ್ಮ ವೈದ್ಯರನ್ನು ಸಂಪರ್ಕಿಸಿ ವ್ಯಾಯಾಮಕ್ಕೆ ಆದ್ಯತೆ ನೀಡಿ. ಯೋಗ ಮೂಲಕ ನಾನು ಪ್ರತಿದಿನ ಆ್ಯಕ್ಟಿವ್‌ ಆಗಿರುತ್ತೇನೆ” ಎಂದು ತಮ್ಮ ಫೀಟ್‌ನೆಸ್ ಗುಟ್ಟನ್ನು ತಾಯಿಯಾಗುವವರಿಗೆ ಆ್ಯಮಿ ಜಾಕ್ಸನ್‌ಸಲಹೆ ನೀಡಿದ್ದಾರೆ.
Comments are closed.