ಒನ್ ಲವ್ ಟೂ ಸ್ಟೋರಿ.. ವಸಿಷ್ಠ ಬಂಟನೂರು ಕಥೆ, ಚಿತ್ರಕಥೆ ಸಂಭಾಷಣೆ ಮತ್ತು ಸಾಹಿತ್ಯ ಬರೆದು ನಿರ್ದೇಶನ ಮಾಡಿರೋ ಸಿನಿಮಾ.. ಸಂತೋಷ್, ಮಧುಗೌಡ ಚಿತ್ರದ ನಾಯಕರಾಗಿ ನಟಿಸಿದ್ದು, ನಾಯಕಿಯರಾಗಿ ಪ್ರಕೃತಿ ಮತ್ತು ಆರಾಧ್ಯ ಸಾಥ್ ಸಿಕ್ಕಿದೆ.. ಇತ್ತೀಚೆಗೆ ನಿರ್ದೇಶಕ ಸಿಂಪಲ್ ಸುನಿ, ಒನ್ ಲವ್ ಟೂ ಸ್ಟೋರಿ ಟ್ರೈಲರ್ ಲಾಂಚ್ ಮಾಡಿದ್ರು.. ಟ್ರೈಲರ್ಗೆ ಒಳ್ಳೆ ಪ್ರತಿಕ್ರಿಯೆ ಸಿಕ್ತಿದೆ..
ಟ್ರೈಲರ್ನಲ್ಲಿ ಸಿನಿಮಾದಲ್ಲಿ ಮತ್ತೊಂದು ಸಿನಿಮಾ ಕಥೆ ಹೇಳೋಕ್ಕೆ ಹೊರಟಿರೋದನ್ನ ನೋಡ್ಬೋದು.. ಅಂದ್ರೆ, ಸಿನಿಮಾರಂಗದಲ್ಲಿ ಸಾಧನೆ ಮಾಡ್ಬೇಕು ಅನ್ನೋ ಪ್ಯಾಷನ್ ಇರೋ ಯುವಕನ ಕಥೆ ಇದು.. ನಿರ್ದೇಶನದ ಜೊತೆಗೆ ವಸಿಷ್ಠ ಬಂಟನೂರು ಚಿತ್ರದ ಪಾತ್ರವೊಂದಕ್ಕೆ ಬಣ್ಣ ಹಚ್ಚಿದ್ದಾರೆ.. ಸದ್ಯ ಒನ್ ಲವ್ ಟೂ ಸ್ಟೋರಿ ಟ್ರೈಲರ್ ಸಖತ್ ಸೌಂಡ್ ಮಾಡ್ತಿದ್ದು, ಶೀಘ್ರದಲ್ಲೇ ಸಿನಿಮಾ ತೆರೆಗೆ ಬರಲಿದೆ..
ಬಹುತೇಕ ಹೊಸಬರ ತಂಡ ಮಾಡುವಂತೆ ಕಚಗುಳಿ ಇಡುವ ಡೈಲಾಗ್ಗಳನ್ನ ಚಿತ್ರಕ್ಕಾಗಿ ನಿರ್ದೇಶಕರು ಬರೆದಿದ್ದಾರೆ.. ರಾಜು ಮತ್ತು ರಾಹುಲ್ ಅನ್ನೋ ಇಬ್ಬರು ಯುವಕರ ಲವ್ ಸ್ಟೋರಿಯನ್ನ ಈ ಸಿನಿಮಾದಲ್ಲಿ ಹೇಳೋಕ್ಕೆ ಹೊರಟಿದ್ದಾರೆ ನಿರ್ದೇಶಕರು.. ಬೆಂಗಳೂರು ಸುತ್ತಾಮುತ್ತಾ ಸೇರಿದಂತೆ ಹಲವು ಲೊಕೇಶನ್ಗಳಲ್ಲಿ ಸಿನಿಮಾ ಚಿತ್ರೀಕರಣ ನಡೆದಿದೆ..
ಒನ್ ಲವ್ ಟೂ ಸ್ಟೋರಿ ಚಿತ್ರದಲ್ಲಿ 5 ಹಾಡುಗಳಿದ್ದು ಸಿದ್ದಾರ್ಥ ಚಿತ್ರಕ್ಕೆ ಸಂಗೀತ ನೀಡಿದ್ದಾರೆ.. ವಸಿಷ್ಠ ಸಿಂಹ ಹಾಡಿರೋ ಹ್ಯಾಂಗೋವರ್ ಸಾಂಗ್ ಈಗಾಗಲೇ ಸೂಪರ್ ಹಿಟ್ ಆಗಿದೆ.. ಇನ್ನುಳಿದಂತೆ ರ್ಯಾಪರ್ ಆಲ್ ಓಕೆ, ಸಂಜಿತ್ ಹೆಗ್ಡೆ ಹಾಡಿರೋ ಸಾಂಗ್ಸ್ ಸದ್ದು ಮಾಡ್ತಿವೆ..
ಚಿತ್ರದಲ್ಲಿ ಒಟ್ಟು ಮೂರು ಕಥೆಗಳಿದ್ದು, ಕೊನೆಗೆ ಅದು ಎರಡು ಕಥೆಗಳಾಗಿ ಬದಲಾಗುತ್ತಂತೆ.. ಅದು ಹೇಗೆ ಅನ್ನೋದನ್ನ ತೆರೆಮೇಲೆ ನೋಡ್ಬೇಕು.. ಹಳೇ ಕಥೆಯನ್ನೇ ಕೊಂಡ ಬದಲಿಸಿ, ಫಿಲಾಸಫಿಕಲ್ ಆಗಿ ಈ ಸಿನಿಮಾದಲ್ಲಿ ಹೇಳ್ತಿದ್ದಾರಂತೆ ನಿರ್ದೇಶಕರು.. ಸಿಲ್ವರ್ ಸ್ಕ್ರೀನ್ಸ್ ಫಿಲಂ ಫ್ಯಾಕ್ಟರಿ ಬ್ಯಾನರ್ನಲ್ಲಿ ನಿರ್ಮಾಣವಾಗಿರೋ ಈ ಚಿತ್ರಕ್ಕೆ ಅನಿಲ್ ಕುಮಾರ್ ಛಾಯಾಗ್ರಹಣವಿದೆ..
ಆಗಸ್ಟ್ ಫಸ್ಟ್ ವೀಕ್ ಒನ್ ಲವ್ ಟೂ ಸ್ಟೋರಿ ತೆರೆಗೆ ಬರೋ ಸಾಧ್ಯತೆಯಿದ್ದು, ಹೊಸಬರ ಪ್ರಯತ್ನಕ್ಕೆ ಪ್ರೇಕ್ಷಕರ ಪ್ರತಿಕ್ರಿಯೆ ಹೇಗಿರುತ್ತೆ ಕಾದು ನೋಡ್ಬೇಕು..
Comments are closed.