ಬಿಜೆಪಿ ಸೇರಲಿರುವ ಮೆಗಾ ಸ್ಟಾರ್​?!

ಟಾಲಿವುಡ್​ ಮೆಗಾ​ ಸ್ಟಾರ್​​​​, ಆಂಧ್ರ ಕಾಂಗ್ರೆಸ್​ನ ಹಿರಿಯ ನಾಯಕ ಚಿರಂಜೀವಿ ಬಿಜೆಪಿ ಸೇರ್ತಾರಾ..? ಇಂಥದ್ದೊಂದು ಚರ್ಚೆ ಆಂಧ್ರದಲ್ಲಿ ಶುರುವಾಗಿದೆ. ಇದಕ್ಕೆ ಪೂರಕವಾಗಿ ಕಳೆದ ರಾತ್ರಿ ಆಂಧ್ರ ಬಿಜೆಪಿ ನಾಯಕರು ಮೆಗಾಸ್ಟಾರ್​​​​ ಚಿರಂಜೀವಿ ಜತೆ ಈ ಸಂಬಂಧ ಮಹತ್ವದ ಮಾತುಕತೆ ನಡೆಸಿದ್ದಾರೆ.

ಚಿರಂಜೀವಿ ಬಿಜೆಪಿಗೆ ಬಂದರೆ ಆಂಧ್ರ ಪ್ರದೇಶ ಬಿಜೆಪಿ ಅಧ್ಯಕ್ಷ ಸ್ಥಾನ ಮತ್ತು ರಾಜ್ಯಸಭಾ ಸ್ಥಾನ ನೀಡೋ ಆಫರ್ ಅನ್ನು ಬಿಜೆಪಿ ನಾಯಕರು ನೀಡಿದ್ದಾರೆ. ಹೈಕಮಾಂಡ್ ನೀಡಿರುವ ಈ ಆಫರ್ ಕುರಿತು ಈಗಾಗಲೇ ರಾಜ್ಯ ನಾಯಕರು ಚಿರಂಜೀವಿಗೆ ತಲುಪಿಸಿದ್ದಾರೆ.

ಏಪ್ರಿಲ್ 2018ಕ್ಕೆ ಚಿರಂಜೀವಿ ರಾಜ್ಯಸಭೆ ಸದಸ್ಯತ್ವ ಅಂತ್ಯಗೊಂಡಿದ್ದು ಸಧ್ಯ ಚಿರಂಜೀವಿಗೆ ಯಾವುದೇ ರಾಜಕೀಯ ಅಧಿಕಾರವಿಲ್ಲ. ಪ್ರಜಾರಾಜ್ಯ ಸ್ಥಾಪಿಸಿ ಬಳಿಕ ಕಾಂಗ್ರೆಸ್​ನಲ್ಲಿ ವಿಲೀನ ಮಾಡಿದ್ದ ಮಾಜಿ ಕೇಂದ್ರ ಸಚಿವ ಚಿರಂಜೀವಿ ಬಿಜೆಪಿ ಪಾಲಾಗ್ತಾರಾ ಅನ್ನೋದನ್ನು ಕಾದು ನೋಡ್ಬೇಕಾಗಿದೆ. ಅಲ್ಲದೆ ಬಿಜೆಪಿ ಈಗಾಗಲೇ ಟಿಡಿಪಿಯ ನಾಲ್ವರು ರಾಜ್ಯ ಸಭೆ ಸದಸ್ಯರನ್ನು ಸೆಳೆದುಕೊಂಡು ಆಂಧ್ರದಲ್ಲಿ ತನ್ನ ನೆಲೆಯನ್ನು ವಿಸ್ತರಿಸಿಕೊಳ್ಳೋ ಕಾರ್ಯಕ್ಕೆ ಕೈ ಹಾಕಿದೆ.