ಸ್ಯಾಂಡಲ್ ವುಡ್ ನಲ್ಲಿ ನಟರ ನಡುವೆ ಸ್ಟಾರ್ ವಾರ್.. ಸ್ಟಾರ್ ವಾರ್ ಎಂದು ಗಾಸಿಪ್ ಹುಟ್ಟುಹಾಕುತ್ತಿದ್ದವರಿಗೆ ಶಾಕಿಂಗ್ ನ್ಯೂಸ್ ಎದುರಾಗಿದೆ. ಸ್ಯಾಂಡಲವುಡ್ ಸ್ಟಾರ್ಗಳ ನಡುವೆ ಯಾವುದೇ ಭಿನ್ನಾಭಿಪ್ರಾಯವಿಲ್ಲ. ಅಥವಾ ಯಾವುದೇ ಅಂತರವಿಲ್ಲ ಎಂಬುದನ್ನು ನಟರು ಪ್ರೂವ್ ಮಾಡಿದ್ದಾರೆ.
ಕೆಲವು ದಿನಗಳ ಹಿಂದೆ ನಟ ರಾಕಿಂಗ್ ಸ್ಟಾರ್ ಯಶ್ ಹಾಗೂ ಚಾಲೆಂಜಿಗ್ ಸ್ಟಾರ್ ದರ್ಶನ್ ರವರು ಜೋಡೆತ್ತಿನ ರೀತಿ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದರು.ಸದ್ಯ ಪವರ್ ಸ್ಟಾರ್ ಪುನೀತ್- ರಾಕಿಂಗ್ ಸ್ಟಾರ್ ಯಶ್ ಫ್ರೆಂಡ್ಶಿಪ್ ಎಲ್ಲರ ಗಮನ ಸೆಳೆಯುತ್ತಿದೆ. ಇಬ್ಬರೂ ಒಂದೇ ಟೇಬಲ್ನಲ್ಲಿ ಕೂತು ಊಟ ಮಾಡುತ್ತಿರುವ ಫೋಟೊ ವೈರಲ್ ಆಗಿದ್ದು , ಇಬ್ಬರ ಸ್ನೇಹವನ್ನು ಕಂಡು ಅಭಿಮಾನಿಗಳ ಫುಲ್ ಖುಷ್ ಆಗಿದ್ದಾರೆ.
ಹೌದು ನಟ ಪುನೀತ್ ಅಭಿನಯದ ಯುವರತ್ನ ಚಿತ್ರ ಹಾಗೂ ಯಶ್ ನಟನೆಯ ‘ಕೆಜಿಎಫ್ ಚಾಪ್ಟರ್-2’ ಎರಡು ಸಿನಿಮಾದ ಶೂಟಿಂಗ್ ಮೈಸೂರಿನಲ್ಲಿ ನಡೆಯುತ್ತಿದೆ. ಇಬ್ಬರ ಸಿನಿಮಾ ಚಿತ್ರೀಕರಣ ಕೂಡ ಮೈಸೂರಿನಲ್ಲಿಯೇ ನಡೆಯುತ್ತಿದ್ದರಿಂದ ಕಳೆದೆರಡು ದಿನಗಳಿಂದ ಇಬ್ಬರೂ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದಾರೆ. ಜೊತೆಗೆ ನೆನ್ನೆ ರಾತ್ರಿ ಇಬ್ಬರೂ ಒಟ್ಟಿಗೆ ಕೂತು ಊಟ ಮಾಡಿದ್ದಾರೆ. ಒಂದೇ ಟಿಫಿನ್ ಕ್ಯಾರಿಯರ್ನಲ್ಲಿ ತಂದ ಊಟವನ್ನು ಹಂಚಿಕೊಂಡು ಇಬ್ಬರುನ ಸ್ಟಾರ್ಗಳು ಊಟ ಮಾಡಿದ್ದು, ಈ ಪೋಟೋ ಇದೀಗ ಫುಲ್ ವೈರಲ್ ಆಗಿದೆ. ಸ್ಟಾರ್ಗಳ ಈ ಡಿನ್ನರ್ಗೆ ಹೊಂಬಾಳೆ ಫಿಲ್ಮ್ಸ್ ಕಾರ್ತಿಕ್, ಫಿಟ್ನೆಸ್ ಟ್ರೈನರ್ ಪಾನಿಪುರಿ ಕಿಟ್ಟಿ ಸಾಕ್ಷಿಯಾಗಿದ್ದಾರೆ.
ಸ್ಯಾಂಡಲ್ ವುಡ್ ನಲ್ಲಿ ಈ ಎಲ್ಲಾ ಬೆಳವಣಿಗೆಗಳನ್ನೂ ಗಮನಿಸುತ್ತಿದ್ದರೆ ಇಂಡಸ್ಟ್ರಿಯಲ್ಲಿ ಎಲ್ಲ ನಟರ ನಡುವೆ ಒಗ್ಗಟ್ಟು ಮೂಡಿದಂತಿದ್ದು, ಕನ್ನಡ ನಟರೂ ಬೇರೆ ಭಾಷೆಯ ನಟರಂತೆ ಪರಸ್ಪರ ಹೊಂದಿಕೊಂಡು ಇಂಡಸ್ಟ್ರಿಯ ಏಳಿಗೆಗಾಗಿ ಶ್ರಮಿಸುತ್ತಿದ್ದಾರೆ. ಅಲ್ಲದೆ ಎಲ್ಲರೂ ಒಂದೇ ಕುಟುಂಬದ . ಅಣ್ಣ- ತಮ್ಮಂದಿರು, ಸ್ನೇಹಿತರಂತೆ ಒಟ್ಟಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.
Comments are closed.