ಬೆಂಗಳೂರು: ಬಾದ್ ಷಾ, ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅವರ ಪೈಲ್ವಾನ್ ಬಾಕ್ಸಿಂಗ್ ಪೋಸ್ಟರ್ಅನ್ನು ಭರ್ಜರಿಯಾಗಿ ಬರ ಮಾಡಿಕೊಂಡರು. ಟ್ವಿಟರ್ನಲ್ಲಿ ಸುಮಾರು 24 ಗಂಟೆಗಳ ಕಾಲ ಟ್ರೆಂಡಿಂಗ್ನಲ್ಲಿ ಇರುವಂತೆ ನೋಡಿಕೊಂಡರು.
ಅಲ್ಲದೇ ಸಾಮಾಜಿಕ ಜಾಲತಾಣದಲ್ಲಿ ಲೈಕ್, ಶೇರ್, ರೀ-ಟ್ವೀಟ್ ಮಾಡಿ ಅಭಿಮಾನಿಗಳು ಸ್ಯಾಂಡಲ್ವುಡ್ ನಟ-ನಟಿಯರು ಸಂಭ್ರಮಿಸಿದರು. ರೋಷ ತುಂಬಿದ ಕಣ್ಣುಗಳು, ಮುಖದಲ್ಲಿ ಸೋರುತ್ತಿರುವ ರಕ್ತ, ಕೊಬ್ಬಿದ ತೋಳಿನ ಗುದ್ದು, ಎದುರಾಳಿ ಸುಸ್ತು. ಮೈಯಿಂದ ಚಿಮ್ಮಿದ ಬೆವರು, ಟೋಟಲಿ ಬಾಕ್ಸರ್ ಕಿಚ್ಚನ ಖಡಕ್ ಪೋಸ್ಟರ್ ಸುದೀಪಿಯನ್ಸ್ಗೆ ಸಿಕ್ಕಾಪಟ್ಟೆ ಕಿಕ್ ಕೊಡುತ್ತಿದೆ.
ರಾಬರ್ಟ್, ಅವನೇ ಶ್ರೀಮನ್ನಾರಾಯಣ ಪೋಸ್ಟರ್ಗಳ ಮಾದರಿಯಲ್ಲೇ ಪೈಲ್ವಾನ್ ಪೋಸ್ಟರ್ ಕೂಡ ಕಾಪಿ ಅಂತ ಕೆಲವರು ಮಾತನಾಡೋಕ್ಕೆ ಶುರು ಮಾಡಿದ್ದಾರೆ. 1975ರಲ್ಲಿ ಬಂದ ಹಾಲಿವುಡ್ನ ಹಾರ್ಡ್ ಟೈಮ್ಸ್ ಚಿತ್ರದ ಪೋಸ್ಟರ್ ಅನ್ನ ಕೊಂಚ ಮಟ್ಟಿಗೆ ಪೈಲ್ವಾನ್ ಪೋಸ್ಟರ್ ಹೋಲುವಂತಿದೆ. ಆ್ಯಕ್ಷನ್ ದೃಶ್ಯವೊಂದರಲ್ಲಿ ಚಾರ್ಲ್ಸ್ ಬ್ರೋನ್ಸನ್ ಎದುರಾಳಿ ಜೊತೆ ಕಾದಾಡುವಾಗ ಕ್ಲಿಕ್ ಮಾಡಿರೋ ಫೋಟೋ ಇದು. ಆದರೆ, ಇದನ್ನೇ ಕೆಲವರು ಪೈಲ್ವಾನ್ ಪೋಸ್ಟರ್ ಜೊತೆ ಹೋಲಿಸಿ ನಕಲು ಅಂತಿದ್ದಾರೆ. ಆದರೆ, ಬಹುಶಃ ಇದು ಕಾಕತಾಳೀಯವೂ ಆಗಿರಬಹುದು.
ಇಂಟರ್ನೆಟ್ ಜಮಾನದಲ್ಲಿ ನಮ್ಮ ಪ್ರೇಕ್ಷಕರು ದೇಶ-ವಿದೇಶದ ಸಿನಿಮಾಗಳನ್ನ ನೋಡುತ್ತಿದ್ದಾರೆ. ಹಾಗಾಗಿ ಎಲ್ಲೋ ನೋಡಿದ ಪೋಸ್ಟರ್ ಅಥವಾ ದೃಶ್ಯವನ್ನು ನಮ್ಮ ಸಿನಿಮಾಗಳಲ್ಲಿ ಕಂಡ ಮಾತ್ರಕ್ಕೆ ಅದನ್ನ ಕಾಪಿ ಅನ್ನೋದು ತಪ್ಪಾಗತ್ತೆ. ಬಾಹುಬಲಿ, ಕಬಾಲಿ, ಸಾಹೋ ಸಿನಿಮಾ ಪೋಸ್ಟರ್ಸ್ ಬಂದಾಗಲೂ ಇದೇ ರೀತಿ ಪ್ರತಿಕ್ರಿಯೆ ವ್ಯಕ್ತವಾಗಿದ್ದವು.
ಅಷ್ಟೇ ಅಲ್ಲದೇ ಇದು ಇನ್ಸ್ಪಿರೇಷನ್ ಅನ್ನೋ ಚರ್ಚೆ ಕೂಡ ಶುರುವಾಗಿತ್ತು. ಎಷ್ಟೋ ಸಲ ಅದು ಕಾಕತಾಳೀಯವೂ ಆಗಿರುತ್ತೆ ಅಥವಾ ಇಬ್ಬರು ನಿರ್ದೇಶಕರ ಆಲೋಚನೆ ಒಂದೇ ಆಗಿರಬಹುದು. ಸೋ ಇಂತಹ ಹೋಲಿಕೆಗಳನ್ನೆಲ್ಲಾ ಪಕ್ಕಕ್ಕಿಟ್ಟು ಒಳ್ಳೆ ಸಿನಿಮಾಗಳನ್ನ ನೋಡಿ ಪ್ರೇಕ್ಷಕರು ಪ್ರೋತ್ಸಾಹಿಸಬೇಕು.
Comments are closed.