ಬಾಲಿವುಡ್ ಸ್ಟಾರ್ ನಟ ವರುಣ್ ಧವನ್ ಮದುವೆಯಾಗಲಿದ್ದಾರೆ. ಇಷ್ಟು ದಿನಗಳು ಕೇವಲ ಗಾಸಿಪ್ ಎನ್ನಲಾದ ಈ ಸುದ್ದಿಯೀಗ ಹೆಚ್ಚುಕಡಿಮೆ ಅಧಿಕೃತವಾಗಿದೆ. ವರುಣ್ ಧವನ್ ಹಾಗೂ ನತಾಶಾ ದಲಾಲ್ ಅವರಿಬ್ಬರೂ ಈ ಮೊದಲಿನಿಂದಲೂ ಭಾರೀ ಸ್ನೇಹಿತರು. ಆ ಬಳಿಕ ಪ್ರೇಮಿಗಳಾಗಿ ಬದಲಾಗಿ ತುಂಬಾ ವರ್ಷಗಳಾದವು. ಈಗ ಅವರಿಬ್ಬರೂ ಮದುವೆಯಾಗಲು ನಿರ್ಧರಿಸಿದ್ದಾರೆ. ಅಷ್ಟೇ ಅಲ್ಲ, ಇದೀಗ ಅವರಿಬ್ಬರ ಫ್ಯಾಮಿಲಿಗಳೂ ಸಹ ಒಪ್ಪಿದ್ದಾರೆ ಎನ್ನಲಾಗಿದೆ.
ಈ ಮೊದಲು ಮದುವೆ ಯಾವಾಗ ಎಂದು ನಿರ್ಧರಿಸಲಾಗಿರಲಿಲ್ಲ. ಇದೀಗ ಡಿಸೆಂಬರ್‌ನಲ್ಲಿ ಮದುವೆ ಎಂದು ಸಹ ಗೊತ್ತು ಮಾಡಲಾಗಿದೆ. ಗೋವಾದಲ್ಲಿ ಮದುವೆ ಕಾರ್ಯಕ್ರಮ ನಡೆಯಲಿದ್ದು, ಕೇವಲ ಹತ್ತಿರದ ಬಂಧು-ಬಳಗ ಹಾಗೂ ಆಪ್ತರನ್ನಷ್ಟೇ ಕರೆಯಲು ನಿರ್ಧರಿಸಲಾಗಿದೆಯಂತೆ. ಆ ಬಳಿಕ ಮುಂಬೈನಲ್ಲಿ ಅದ್ದೂರಿಯಾಗಿ ಆರತಕ್ಷತೆ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆಯಂತೆ. ಒಟ್ಟಿನಲ್ಲಿ , ಬಂದ ಸುದ್ದಿಯ ಪ್ರಕಾರ, ಈ ವರ್ಷದ ಕೊನೆಯೊಳಗೆ ವರುಣ್ ಧವನ್ ಮದುವೆಯಾಗಲಿರುವುದು ಪಕ್ಕಾ ಎನ್ನಲಾಗಿದೆ.
ಅಂದಹಾಗೆ, ನಟ ವರುಣ್ ಧವನ್ ಅವರು ಇತ್ತೀಚೆಗೆ ಕಳಂಕ್ ಸಿನಿಮಾದಲ್ಲಿ ಆಲಿಯಾ ಭಟ್‌ ಜೋಡಿಯಾಗಿ ಕಾಣಿಸಿಕೊಂಡಿದ್ದಾರೆ. ಇತ್ತೀಚೆಗೆ ಬಹುತಾರಾಗಣದ ಸಿನಿಮಾದಲ್ಲಿ ಸಹ ನಟ ವರುಣ್ ಧವನ್ ಕಾಣಿಸಿಕೊಳ್ಳುತ್ತಿದ್ದಾರೆ. ಸಾಮಾಜಿಕ ಕಳಕಳಿಯನ್ನೂ ಸಹ ಸಾಕಷ್ಟು ಹೊಂದಿರುವ ನಟ ವರುಣ್ ಧವನ್ ಇತ್ತೀಚೆಗೆ ಜಿಮ್ ಮಾಡುವಾಗ ಏಟ್ ಮಾಡಿಕೊಂಡಿದ್ದ ಯುವ ಡಾನ್ಸರ್ ಒಬ್ಬರಿಗೆ ಚಿಕಿತ್ಸೆಗೆಂದು 5 ಲಕ್ಷ ರೂ. ಗಳನ್ನು ಸಹ ಕೊಟ್ಟು ದೊಡ್ಡತನ ಮೆರೆದಿದ್ದಾರೆ.
Comments are closed.