ಹರಿಪ್ರಿಯಾ ನಟನೆಯ 25ನೇ ಸಿನಿಮಾ ಡಾಟರ್ ಆಫ್ ಪಾರ್ವತಮ್ಮ ಇಂದು ರಾಜ್ಯಾದ್ಯಂತ ಬಿಡುಗಡೆ ಆಗುತ್ತಿದೆ. ಈ ಸಿನಿಮಾದಲ್ಲಿ ಹರಿಪ್ರಿಯಾ ಪೊಲೀಸ್ ಆಫೀಸರ್ ಆಗಿ ನಟಿಸಿದ್ದಾರೆ. ತಾಯಿ ಮತ್ತು ಮಗಳ ಬಾಂಧ್ಯವದ ಸಿನಿಮಾ ಕೂಡ ಇದಾಗಿದ್ದು, ಸಸ್ಪೆನ್ಸ್ ಅಂಶಗಳು ಕೂಡ ಚಿತ್ರದಲ್ಲಿವೆ.
ಶಂಕರ್ ನಿರ್ದೇಶನದಲ್ಲಿ ಈ ಸಿನಿಮಾ ಮೂಡಿ ಬಂದಿದ್ದು, ಶಶಿಧರ್ ನಿರ್ಮಾಪಕರು. ಸೂರಜ್ ಗೌಡ ಹಾಗೂ ಪ್ರಭು ಮುಖ್ಯ ಪಾತ್ರದಲ್ಲಿ ನಟಿಸಿದ್ದು, ಮಿದುನ್ ಮುಕುಂದನ್ ಚಿತ್ರಕ್ಕೆ ಸಂಗೀತ ನೀಡಿದ್ದಾರೆ.
ವೀಕ್ ಎಂಡ್
ಅನಂತ್ ನಾಗ್ ಮುಖ್ಯ ಭೂಮಿಕೆಯ ‘ವೀಕ್ ಎಂಡ್’ ಸಿನಿಮಾ ಇಂದು ಬಿಡುಗಡೆ ಆಗುತ್ತಿದೆ. ಇದೊಂದು ಸಸ್ಪೆನ್ಸ್ ಮತ್ತು ಥ್ರಿಲ್ಲರ್ ಮಾದರಿಯ ಚಿತ್ರವಾಗಿದ್ದು, ಶೃಂಗೇರಿ ಸುರೇಶ್ ನಿರ್ದೇಶನ ಮಾಡಿದ್ದಾರೆ. ಶಶಿಧರ್ ಅವರ ಛಾಯಾಗ್ರಹಣ, ಮನೋಜ್ ಸಂಗೀತ ನಿರ್ದೇಶನ ಮಾಡಿದ್ದು, ತಾರಾಗಣದಲ್ಲಿ ಸಂಜನಾ ಬುರ್ಲಿ ನಾಯಕಿ.
ಗೋಪಿನಾಥ್ ಭಟ್, ಮಂಜುನಾಥ್, ನಾಗಭೂಷಣ್, ನೀನಾಸಂ ರಘು, ನವನೀತ, ನಟನ ಪ್ರಶಾಂತ್, ನೀತು ಬಾಲಾ ಮುಂತಾದವರು ನಟಿಸಿದ್ದಾರೆ.
ರೇಸ್
ರಿಯಾಲಿಟಿ ಶೋ ಖ್ಯಾತಿಯ ದಿವಾಕರ್ ನಟನೆಯ ‘ರೇಸ್’ ಚಿತ್ರ ಇಂದು ಬಿಡುಗಡೆ ಆಗುತ್ತಿದೆ. ಜೀವನದ ನಾನಾ ಮಜಲುಗಳನ್ನು ಹೇಳುವ ಸಿನಿಮಾ ಇದಾಗಿದ್ದು, ಹೇಮಂತ್ ಕೃಷ್ಣ ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದಾರೆ.
ಚಕ್ರವರ್ತಿ ಅವರ ಛಾಯಾಗ್ರಹಣ, ರವಿ ಕಿರಣ್ ಅವರ ಸಂಗೀತ ಚಿತ್ರಕ್ಕಿದ್ದು, ಸಂತೋಷ್, ನಕುಲ್ ಗೋವಿಂದ್, ರಕ್ಷಾ ಶೆಣೈ, ಶ್ರುತಿ ಮುಂತಾದವರು ತಾರಾಗಣದಲ್ಲಿ ಇದ್ದಾರೆ.
ಪುಟಾಣಿ ಪವರ್
ಮಕ್ಕಳ ಸಾಹಸ ಪ್ರಧಾನ ಚಿತ್ರ ‘ಪುಟಾಣಿ ಪವರ್’ ಇಂದು ರಿಲೀಸ್ ಆಗುತ್ತಿದೆ. ಎಂ.ಗಜೇಂದ್ರ ನಿರ್ದೇಶನ ಮಾಡಿರುವ ಈ ಚಿತ್ರಕ್ಕೆ ವಿಜಯ್ ಕೃಷ್ಣ ಡಿ ಸಂಗೀತ ನೀಡಿದ್ದಾರೆ. ಜೀವ ಅಂತೋಣಿ ಛಾಯಾಗ್ರಹಣ ಮಾಡಿರುವ ಚಿತ್ರದಲ್ಲಿದ್ದು, ಆರಾಧನಾ ಭಟ್, ಮಹೇಂದ್ರ ಮನ್ನೊತ್, ದೊಡ್ಡ ರಂಗೇಗೌಡ, ಹರಿಣಿ, ಪ್ರೀತಿ ರಾಜ್ ಮುಂತಾದವರು ನಟಿಸಿದ್ದಾರೆ.
Comments are closed.