ಟಾಲಿವುಡ್ ‘ಪ್ರಿನ್ಸ್’ ಖ್ಯಾತಿಯ ನಟ ಮಹೇಶ್ ಬಾಬು ಅವರ ವೃತ್ತಿಜೀವನದ ಅವರ 25ನೇ ಸಿನಿಮಾ ‘ಮಹರ್ಷಿ’ ಇಂದು, ಮೇ 10, 2019ರಂದು ಜಗತ್ತಿನಾದ್ಯಂತ ಬಿಡುಗಡೆಯಾಗಿದೆ. ಚಿತ್ರವು ಯಶಸ್ವಿ ಪ್ರದರ್ಶನ ಕಾಣುತ್ತಿದ್ದು, ಎಲ್ಲಾ ಕಡೆ ಹೌಸ್ ಫುಲ್ ಪ್ರದರ್ಶನ ಕಾಣುತ್ತಿದೆ. ಅಷ್ಟೇ ಅಲ್ಲ, ಬಿಡುಗಡೆಗೂ ಮೊದಲೇ ಬಹಳಷ್ಟು ನಿರೀಕ್ಷೆ ಮೂಡಿಸಿದ್ದ ಈ ಸಿನಿಮಾ, ನಿರೀಕ್ಷೆಗೂ ಮೀರಿ ಪ್ರೇಕ್ಷಕರಿಂದ ರೆಸ್ಪಾನ್ಸ್ ಪಡೆಯುತ್ತಿದೆ ಎನ್ನಲಾಗಿದೆ.
ಇಂದು ಬಿಡುಗಡೆಯಾಗಿ ಯಶಸ್ವಿ ಪ್ರದರ್ಶನ ಕಾಣುತ್ತಿರುವ ಮಹೇಶ್ ಬಾಬು ನಾಯಕತ್ವದ ಮಹರ್ಷಿ ಚಿತ್ರವು ಜಗತ್ತಿನಾದ್ಯಂತ 45 ಕೋಟಿ ರೂ. ಬಾಚಿಕೊಂಡಿದೆಯಂತೆ. ಖ್ಯಾತ ಸಿನಿ ವಿಮರ್ಶಕ ಉಮೇರ್ ಸಂಧು ಅವರ ಪ್ರಕಾರ ಈ ಚಿತ್ರ ಮೊದಲ ದಿನ ಅಂದಾಜು 45 ಕೋಟಿ ಗಳಿಸಿದೆ. ಅವರೇ ಹೇಳಿರುವಂತೆ, ಮುಖ್ಯವಾಗಿ ನಿಜಾಮ್‌ನಲ್ಲಿ 6.38 ಕೋಟಿ, ಕೃಷ್ಣಾದಲ್ಲಿ 1.39 ಕೋಟಿ, ಗುಂಟೂರಿನಲ್ಲಿ 4.4ಕೋಟಿ ಮತ್ತು ನೆಲ್ಲೂರಿನಲ್ಲಿ 1 ಕೋಟಿ ಕಲೆಕ್ಷನ್ ದಾಖಲಿಸಿದೆ ಎನ್ನಲಾಗಿದೆ. ಈ ಕಲೆಕ್ಷನ್ ಲೆಕ್ಕಾಚಾರವನ್ನು ವಿಮರ್ಶಕರು ನೀಡಿದ್ದು, ಖ್ಯಾತ ಸಿನಿ ವಿಶ್ಲೇಷಕ ರಮೇಶ್ ಬಾಲಾ ಸಹ ಈ ಬಗ್ಗೆ ಟ್ವೀಟ್ ಮಾಡಿದ್ದಾರೆ.
ರಿಷಿ ಹೆಸರಿನ ಪಾತ್ರದಲ್ಲಿ, ಕಾರ್ಪೋರೇಟ್ ಕಂಪೆನಿಯ ಸಿಇಒ ಆಗಿ ಮಹೇಶ್ ಬಾಬು ಈ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ. ನಿರ್ದೇಶಕ ವಂಶಿ ಪೈಡಿಪಲ್ಲಿ ‘ಮಹರ್ಷಿ’ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ವೈಜಯಂತಿ ಮೂವೀಸ್, ಶ್ರೀ ವೆಂಕಟೇಶ್ವರ ಕ್ರಿಯೇಷನ್ಸ್ ಹಾಗೂ ಪಿವಿಪಿ ಜಂಟಿಯಾಗಿ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ರಿಷಿ ಕುಮಾರ್ ಪಾತ್ರದಲ್ಲಿ ಮಹೇಶ್ ಬಾಬು ಅಭಿಮಾನಿಗಳಿಗೆ ರಸದೌತಣ ನೀಡಿದ್ದಾರೆ ಎನ್ನಲಾಗಿದ್ದು, ಥಿಯೇಟರ್‌ಗಳಲ್ಲಿ ಮಹೇಶ್ ಬಾಬು ಬಂದಾಗಲೆಲ್ಲ ಶಿಳ್ಳೆ, ಚಪ್ಪಾಳೆಗಳು ಮುಗಿಲು ಮುಟ್ಟುತ್ತಿವೆ ಎನ್ನಲಾಗಿದೆ.
ಒಟ್ಟಿನಲ್ಲಿ, ಮಹೇರ್ಶ ಬಾಬು ನಾಯಕತ್ವದ ಬಹುನಿರೀಕ್ಷಿತ ಮಹರ್ಷಿ ಚಿತ್ರವು ಬಿಡುಗಡೆಯಾಗಿ ಹೌಸ್ ಫುಲ್ ಪ್ರದರ್ಶನ ಕಾಣುತ್ತಿದೆ. ಮೊದಲ ದಿನವೇ 45 ಕೋಟಿ ಗಳಿಸಿ ಟಾಲಿವುಡ್ ನಲ್ಲಿ ಹೊಸ ದಾಖಲೆ ನಿರ್ಮಿಸಿದೆ. ಅಂದಹಾಗೆ, ಈ ಚಿತ್ರದಲ್ಲಿ ನಾಯಕ ಮಹೇಶ್ ಬಾಬು ಅವರಿಗೆ ನಾಯಕಿಯಾಗಿ ಬಾಲಿವುಡ್‌ನಲ್ಲೂ ನಟಿಸಿರುವ ಪೂಜಾ ಹೆಗ್ಡೆ ನಟಿಸಿದ್ದಾರೆ.
Comments are closed.