ಮನೋರಂಜನೆ

ಕನ್ನಡದ ಬಾಹುಬಲಿ ಕೆಜಿಎಫ್; ಯಶ್ ಕನ್ನಡದ​​ ರಜನಿಕಾಂತ್​

Pinterest LinkedIn Tumblr


ಬೆಂಗಳೂರು: ರಾಕಿಂಗ್​​ ಸ್ಟಾರ್​​ ಯಶ್​​ ಅಭಿನಯದ ಬಹು ನಿರೀಕ್ಷಿತ ಕೆಜಿಎಫ್​​​ ಚಿತ್ರಕ್ಕೆ ದೇಶಾದ್ಯಂತ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ. ಕನ್ನಡಿಗರಷ್ಟೇ ಅಲ್ಲದೇ ತಮಿಳು-ತೆಲುಗು ಪ್ರೇಕ್ಷಕರು ಕೂಡ ಯಶ್​​​ ಅವರನ್ನು ಒಪ್ಪಿಕೊಂಡಿದ್ದಾರೆ. ಬಿಡುಗೆಯಾದ ಮೊದಲ ದಿನವೇ ಚಿತ್ರದ ಬಗ್ಗೆ ಒಳ್ಳೆಯ ಮಾತುಗಳು ಕೇಳಿ ಬಂದಿವೆ. ಕನ್ನಡ ಸಿನಿಮಾ ರಂಗದ ಇತಿಹಾಸದಲ್ಲಿಯೇ ಮೊದಲ ಬಾರಿಗೆ ಏಕ ಕಾಲಕ್ಕೆ ಹಿಂದಿ, ತಮಿಳು, ತೆಲುಗು ಹಾಗೂ ಮಲಯಾಳಂ ಭಾಷೆಗಳಲ್ಲಿ 2 ಸಾವಿರ ಥಿಯೇಟರ್​ಗಳಲ್ಲಿ​​​ ಬಿಡುಗಡೆಯಾದ ಚಿತ್ರ ಕೆಜಿಎಫ್​​.

ಪ್ರಶಾಂತ್​​ ನೀಲ್​​ ನಿರ್ದೇಶನದ ಈ ಚಿತ್ರಕ್ಕೆ ವಿರುದ್ಧವಾಗಿ ಶಾರುಖ್​​ ಅಭಿನಯದ ಜೀರೋ ಹಾಗೂ ನಟ ದನುಶ್​​ ಅಭಿನಯದ ಮಾರಿ-2 ಚಿತ್ರ ಬಿಡುಗಡೆಯಾಗಿದೆ. ಮೊದಲಿಗೆ ಈ ಎರಡು ಚಿತ್ರಗಳ ಕಾರಣಕ್ಕೆ ಕೆಜಿಎಫ್​​​ ಚಿತ್ರದ ಕಲೆಕ್ಷನ್​​ ಮೇಲೆ ಕೆಟ್ಟ ಪ್ರಭಾವ ಬೀಳಲಿದೆ ಎನ್ನಲಾಗಿತ್ತು. ಆದರೆ, ತೆಲುಗು ಸೇರಿದಂತೆ ತಮಿಳು, ಹಿಂದಿಯಲ್ಲಿ ಪ್ರೇಕ್ಷಕರು ಭಾಷೆ ಮರೆತು ಸಿನಿಮಾ ಒಪ್ಪಿಕೊಂಡಿದ್ದಾರೆ. ಯಶ್​​ ಅಭಿನಯಕ್ಕೆ ಭಾರೀ ಅಭಿಮಾನಿಗಳು ಹುಟ್ಟಿಕೊಂಡಿದ್ದಾರೆ. ಕೆಜಿಎಫ್​​ ಚಾಪ್ಟರ್​​-1 ಅಲ್ಲ, ಪಾರ್ಟ್​​-2 ಗೆ ಕೂಡ ಕಾಯುತ್ತಿದ್ದೇವೆ ಎಂದು ಹೇಳಿಕೊಂಡಿದ್ದಾರೆ.

ರಾಖಿ ಭಾಯ್​​ ಜಿಂದಬಾದ್​​: ಸಿನಿಮಾ ಸಖತ್​​ ಆಗಿ ಮೂಡಿ ಬಂದಿದೆ. ಯಶ್​​ ಅಭಿನಯ ಚೆನ್ನಾಗಿದೆ. ಸಿನಿಮಾ ಮೇಕಿಂಗ್ ಕೂಡ ಅದ್ಭುತ. ಎಲ್ಲಕ್ಕಿಂತ ಹೆಚ್ಚಾಗಿ ಸೆಕೆಂಡ್​​ ಆಫ್​​ ಮಸ್ತ್​​​ ಇದೆ. ಕೆಜಿಎಫ್​​ ಸಿನಿಮಾ ಪಾರ್ಟ್​​-2 ಕೂಡ ಬರಲಿದೆಯಂತೆ. ಭಾಗ ಎರಡಕ್ಕಾಗಿ ಕಾಯುತ್ತಿದ್ದೇವೆ. ನಮಗೆ ಕೆಜಿಎಫ್ ಹೊಸ ನಾಯಕನ ಚಿತ್ರ ಎಂದು ಅನಿಸಲಿಲ್ಲ. ಸಿನಿಮಾ ಮೇಕಿಂಗ್​​ ಹಾಲಿವುಡ್​​ ರೇಂಜಿಗಿದೆ. ನಮ್ಮ ನೇಟಿವಿಟಿಗೆ ತಕ್ಕ ಹಾಗೇ ಸಿನಿಮಾ ಕಥೆ ಒಳಗೊಂಡಿದೆ. ಪಕ್ಕಾ ಬಾಹುಬಲಿ ಸಿನಿಮಾ ರೆಕಾರ್ಡ್ಸ್​​​​ ಮುರಿಯಲಿದೆ. ಫೈಟ್​​, ಹಾಡು ಎಲ್ಲವೂ ಜಬರ್​​ದಸ್ತ್​​​​ ಎನ್ನುತ್ತಾರೆ ಆಂಧ್ರ ಮತ್ತು ತೆಲಂಗಾಣದ ಪ್ರೇಕ್ಷಕರು.

ಕನ್ನಡದ ರಜಿನಿಕಾಂತ್​ ಯಶ್​​​​: ನಮಗೆ ಇದೊಂದು ಹೊಸ ನಾಯಕ ಚಿತ್ರ ಅಂತ ಭಾಸವಾಗಲಿಲ್ಲ. ಇಡೀ ಸಿನಿಮಾ ಸಖತ್​​ ಆಗಿದೆ. ಎಲ್ಲಿಯೂ ಬೋರ್​​ ಹೊಡಿಸಲಿಲ್ಲ. ಯಶ್​​ ಅಭಿನಯ ಸೂಪರ್​​. ಯಾವುದರಲ್ಲಿಯೂ ರಾಜಿ ಇಲ್ಲದೇ ಪ್ರತಿ ದೃಶ್ಯವೂ ಚೆನ್ನಾಗಿ ಕಟ್ಟಿಕೊಟ್ಟಿದ್ದಾರೆ. ಯಶ್​​ ಒಂದು ರೀತಿ ಕನ್ನಡದ ರಜನಿಕಾಂತ್​​ ಇದ್ದ ಹಾಗೇ. ತಮಿಳಿಗೆ ಯಶ್​​ ಹೊಸ ಹಿರೋ ಆಗಿರಬಹುದು.ಆದರೆ ನಮಗೆ ಯಶ್ ಹೊಸ ಮುಖ ಎಂದು ಅನಿಸಲಿಲ್ಲ. ಸೂಪರ್ ಸ್ಟಾರ್ ವಿಜಯ್,​​ ರಜನಿಕಾಂತ್​ ಸಿನಿಮಾ ನೋಡಿದಷ್ಟೇ ಕೆಜಿಎಫ್ ಫೀಲ್ ನೀಡಿತು. ಚಿತ್ರದ ಕ್ಲೈಮ್ಯಾಕ್ಸ್ ಮಾತ್ರ ನಮ್ಮನ್ನು ಬೇರೆ ಪ್ರಪಂಚಕ್ಕೆ ಕೊಂಡೊಯ್ದಿತ್ತು ಎಂದು ತಮಿಳುಗರು ತಮ್ಮ ಅನುಭವ ಹಂಚಿಕೊಂಡಿದ್ದಾರೆ.

ಯಶ್​​ ಅಸಲಿ ಹೀರೋ, ಶಾರುಖ್​​ ಜಿರೋ: ಕನ್ನಡದ ಸೂಪರ್​​ ಸ್ಟಾರ್​​ ನಮಗೆ ಅಸಲಿ ಹೀರೋ, ಬಾಲಿವುಡ್​​ನ ಶಾರುಖ್​​ ಈಗ ಜೀರೋ ಹೀಗೆ ಮಾತುಗಳು ಕೇಳಿ ಬಂದಿದ್ದು ಮುಂಬೈನಲ್ಲಿ. ನಾವು ಸೌತ್​ ಇಂಡಿಯಾ ಸಿನಿಮಾ ಸಾಮಾನ್ಯವಾಗಿ ನೋಡುವುದಿಲ್ಲ. ಆದರೆ. ಮೊದಲ ಬಾರಿಗೆ ನೋಡಿದ್ದೇವೆ. ಕನ್ನಡ ಸಿನಿಮಾ ಹೀಗೆ ಕೂಡ ಮಾಡುತ್ತಾರೆಂದು ಎಂದೂ ಭಾವಿಸಿರಲಿಲ್ಲ. ಯಶ್​​ ಬಾಲಿವುಡ್​ಗೆ ಬರಬೇಕೆಂದು ತಮ್ಮ ಇಂಗಿತ ವ್ಯಕ್ತಪಡಿಸಿದ್ದಾರೆ ಬಿ-ಟೌನ್ ಪ್ರೇಕ್ಷಕರು.

Comments are closed.