ಆನ್ಲೈನ್ ಶಾಪಿಂಗ್ ಮಾಡಿ ಮೋಸ ಹೋದವರು ಕಡಿಮೆ ಇಲ್ಲ. ತಾವು ಇಷ್ಟ ಪಟ್ಟು ಕೊಂಡ ವಸ್ತು ಒಮ್ಮೊಮ್ಮೆ ಕಲ್ಲು, ಇಟ್ಟಿಗೆಗಳಾಗಿ ಮನೆಗೆ ಬಂದಿದ್ದು ಉಂಟು. ಈ ರೀತಿ ಕಂಪನಿಗಳು ಮೋಸ ಮಾಡುವ ಕ್ರಮದ ಬಗ್ಗೆ ಈಗಾಗಲೇ ಅನೇಕರು ಧ್ವನಿ ಎತ್ತಿದ್ದಾರೆ ಕೂಡ. ಈಗ ಈ ಸರದಿ ಬಾಲಿವುಡ್ ನಟಿ ಸೋನಾಕ್ಷಿ ಸಿನ್ಹಾ ಅವರದು.
ದಿ ಗ್ರೇಟ್ ಇಂಡಿಯನ್ ಶಾಪಿಂಗ್ ತಾಣವಾದ ಅಮೆಜಾನ್ನಲ್ಲಿ ಬಾಲಿವುಡ್ ನಟಿ ಸೋನಾಕ್ಷಿ ಸಿನ್ಹಾ ತಮ್ಮ ಮೆಚ್ಚಿನ ‘ಬಾಸ್’ ಕಂಪನಿಯ ಹೆಡ್ಫೋನ್ ಅನ್ನು ಆರ್ಡರ್ ಮಾಡಿದ್ದಾರೆ. ಅದು 18 ಸಾವಿರ ಮೊತ್ತ ನೀಡಿ. ತನ್ನ ದುಬಾರಿ ಬೆಲೆಯ ಹೆಡ್ಪೋನ್ಗಾಗಿ ಕಾದು ಕುಳಿತ ಅವರಿಗೆ ಸಿಕ್ಕಿದ್ದು, ಕಬ್ಬಿಣದ ತುಂಡು.
ಹೆಡ್ ಪೋನ್ ಬದಲಿಗೆ ಕಬ್ಬಿಣದ ತುಂಡು ಬಂದ ಹಿನ್ನಲೆ ಶಾಕ್ಗೆ ಒಳಗಾದ ನಟಿ ಸೋನಾಕ್ಷಿ ಅಮೆಜಾನ್ ಕಂಪನಿಯ ವಂಚನೆಯನ್ನು ಟ್ವೀಟರ್ನಲ್ಲಿ ಬಯಲು ಮಾಡಿದ್ದಾರೆ.
ಓಪನ್ ಆಗದೇ ಇರುವ ಸೀಲ್ ಬಾಕ್ಸ್ನಲ್ಲಿ ಹೆಡ್ ಫೋನ್ ಇದೆ ಎಂದು ಕಾದು ಕುಳಿತ ನನಗೆ ನಿಜಕ್ಕೂ ಆಶ್ಚರ್ಯವಾಯಿತು. ಅಮೆಜಾನ್ ಕಂಪನಿ ಈ ರೀತಿ ಮೋಸ ಮಾಡುತ್ತಿದೆ ಎಂದು ಟೀಕಿಸಿದ್ದಾರೆ. ಅಷ್ಟೇ ಅಲ್ಲದೇ ಈ ಕಬ್ಬಿಣದ ತುಂಡು ಯಾರಿಗೆ ಬೇಕು ಹೇಳಿ 18 ಸಾವಿರ ರೂಗೆ ನಾನು ಮಾರಲು ಸಿದ್ದವಿದ್ದೇನೆ. ಅಮೆಜಾನ್ ರೀತಿ ಹೇಳಿದ ವಸ್ತುವೊಂದು ಕಳುಹಿಸುವ ವಸ್ತುವನ್ನು ನಾನು ಮಾಡುವುದಿಲ್ಲ ಎಂದರು.
ಅನೇಕ ಸಾಮಾನ್ಯ ಜನರಿಗೆ ಆನ್ಲೈನ್ನಲ್ಲಿ ವಂಚನೆ ಮಾಡುತ್ತಿದ್ದ ಕಂಪನಿ ಈಗ ನಟಿಗೂ ವಂಚನೆ ಮಾಡಿರುವುದರಿಂದಾವಾದರೂ ಎಚ್ಚೆತ್ತು ಕಂಪನಿ ಈ ಬಗ್ಗೆ ಕ್ರಮ ಕೈಗೊಳ್ಳುತ್ತದೆಯಾ ಕಾದು ನೋಡಬೇಕು.
Comments are closed.