ಬೆಂಗಳೂರು: ಬಾಲಿವುಡ್ ನಟಿ ಸನ್ನಿ ಲಿಯೋನ್ ಅವರ ಜೀವನ ಚರಿತ್ರೆ ವೆಬ್ ಸೀರಿಸ್ಗೆ ಆರಂಭದಲ್ಲೇ ಸಂಕಷ್ಟ ಎದುರಾಗಿದೆ. ಸನ್ನಿಯ ಜೀವನ ಚರಿತ್ರೆ ಬಗ್ಗೆ ಕರೆನ್ಜಿತ್ ಕೌರ್-ದಿ ಅನ್ಟೋಲ್ಡ್ ಸ್ಟೋರಿ ಆಫ್ ಸನ್ನಿ ಲಿಯೋನ್’ ಎನ್ನುವ ಶೀರ್ಷಿಕೆಯಲ್ಲಿ ಬರುತ್ತಿದ್ದು, ಸಿಖ್ ಸಮುದಾಯದ ಮುಖಂಡರು ‘ಕೌರ್’ ಎನ್ನುವ ಪದವನ್ನು ಶೀರ್ಷಿಕೆಯಿಂದ ತೆಗೆದು ಹಾಕುವಂತೆ ಆಗ್ರಹಿಸಿದ್ದಾರೆ.
ಕೌರ್ ಎನ್ನುವ ಪದವನ್ನು ಸಿಖ್ ಧರ್ಮವನ್ನ ಪ್ರತಿನಿಧಿಸುವ ಮಹಿಳೆಯರಿಗೆ ನಾಮಕರಣ ಮಾಡಲಾಗುತ್ತದೆ ಎನ್ನಲಾಗಿದೆ. ಹೀಗಾಗಿ, ಸನ್ನಲಿಯೋನ್ ಜೀವನ ಚರಿತ್ರೆ ವೆಬ್ ಸೀರಿಸ್ಗೆ ಅವರ ನಾಮವನ್ನು ಶೀರ್ಷೆಕೆಯಾಗಿಟ್ಟರೆ ಧರ್ಮಕ್ಕೆ ಅವಮಾನವಾಗುತ್ತದೆ ಎಂದು ಮುಖಂಡರು ಭಾವಿಸಿದ್ದಾರೆ ಎನ್ನುತ್ತಿವೆ ಮೂಲಗಳು.
ಸನ್ನಿ ವೆಬ್ ಸೀರಿಸ್ ತೆರೆಗೆ ಸಿದ್ದವಾಗಿದೆ. ಕಿರಿಯ ಹಾಲಿವುಡ್ ನಟಿ ರೈಸಾನಾಜಾನಿಯವರು ಸನ್ನಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸನ್ನಿ ಲಿಯೋನ್ ಅವರ ನಿಜ ಹೆಸರಾದ ‘ಕರನ್ಜಿತ್’ ಕೌರ್ ಎಂಬ ಶೀರ್ಷಿಕೆಯೊಂದಿಗೆ ವೆಬ್ ತಾಣವಾದ ಝೀ5 ನಲ್ಲಿ ಈ ವೆಬ್ ಸೀರಿಸ್ ಮೂಡಿಬರಲಿದೆ.
ಸನ್ನಿ ತನ್ನ ವೈಯಕ್ತಿಕ ಕಾರಣಗಳಿಂದಾಗಿಯೇ 19ನೇ ವಯಸ್ಸಿಗೆ ಪೋರ್ನ್ ಜಗತ್ತಿಗೆ ಕಾಲಿಟ್ಟರು. ಮಾಡೆಲ್ ಆಗಿ ವೃತ್ತಿ ಶುರು ಮಾಡಿದ್ದ ಸನ್ನಿ 41ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿ, 25 ಚಿತ್ರಗಳಿಗೆ ನಿರ್ದೇಶನ ಮಾಡಿದ್ದಾರೆ ಎನ್ನಲಾಗಿದೆ. ಓರ್ವ ಮಹಿಳೆ ಈ ನೆಲೆಗಟ್ಟಿನ ಮೇಲೆ ಅವಮಾನಗಳನ್ನು ಸಹಿಸಿ ಸಾಧನೆ ಮೆಟ್ಟಿಲೇರಿರುವುದು ವಿಮರ್ಶಾತ್ಮಕ ಎಂಬ ಚರ್ಚೆಗಳು ನಡೆಯುತ್ತಿವೆ.
Comments are closed.