ಇಂಟರ್‌ನೆಟ್‌ನಲ್ಲಿ ಕೂಲ್ ಅಂಕಲ್ ಅಥವಾ ಡಾನ್ಸಿಂಗ್ ಅಂಕಲ್ ಎಂದೇ ಕರೆಸಿಕೊಂಡಿರುವ ಪ್ರೊಫೆಸರ್ ಸಂಜೀವ್ ಶ್ರೀವಾಸ್ತವ್ ತಮ್ಮ ವಯಸ್ಸಿಗೆ ಮೀರಿ ಸ್ಟೆಪ್ ಹಾಕಿದ್ದು, ತಮ್ಮ ಮೈ ಕೈ ಕುಣಿಸುವ ಮೂಲಕ ಸಾಮಾಜಿಕ ಮಾಧ್ಯಮಗಳಲ್ಲಿ ಸಂಚಲನ ಸೃಷ್ಟಿಸಿದ್ದು ಗೊತ್ತೇ ಇದೆ. ಬಾಲಿವುಡ್ ನಟ ಗೋವಿಂದ ಅವರ ಸ್ಟೆಪ್ಸ್‌ಗೆ ಹೆಜ್ಜೆ ಹಾಕುವ ಮೂಲಕ ಡಾನ್ಸಿಂಗ್ ಅಂಕಲ್ ಗಮನಸೆಳೆದಿದ್ದರು.
ಇದೀಗ ಸಾಮಾಜಿಕ ಮಾಧ್ಯಮಗಳಲ್ಲಿ ’ಡಾನ್ಸಿಂಗ್ ಆಂಟಿ’ಯೊಬ್ಬರು ಅದೇ ದಾರಿಯಲ್ಲಿ ಹೆಜ್ಜೆ ಹಾಕುತ್ತಿದ್ದಾರೆ. ಹಾಡೊಂದಕ್ಕೆ ಕುಣಿದಿರುವ ಅವರ ವೀಡಿಯೋ ಸಹ ಈಗ ವೈರಲ್ ಆಗಿದೆ. ಭಾರತದ ಪಾಪ್ ಗಾಯಕ ಯೋ ಯೋ ಹನಿ ಸಿಂಗ್ ಅವರ ’ಪಾರ್ಟಿ ಆಲ್‍ ನೈಟ್’ ಹಾಡಿಗೆ ಹೆಜ್ಜೆ ಹಾಕಿದ್ದು ಸಾಮಾಜಿಕ ಮಾಧ್ಯಮಗಳಲ್ಲಿ ಎಲ್ಲರ ಗಮನಸೆಳೆದಿದೆ.
ವೈರಲ್ ಗುಜರಾತ್ ಎಂಬ ಫೇಸ್‍ಬುಕ್ ಪುಟದಲ್ಲಿ ಡಾನ್ಸಿಂಗ್ ಆಂಟಿ ವೀಡಿಯೋ ವೈರಲ್ ಆಗಿದ್ದು ಇದುವರೆಗೆ 25 ಲಕ್ಷಕ್ಕೂ ಅಧಿಕ ಸಲ ವೀಕ್ಷಿಸಲ್ಪಟ್ಟಿದೆ. ಈ ವೀಡಿಯೋಗೆ ಕಾಮೆಂಟ್‌ಗಳೂ ಹರಿದುಬಂದಿದ್ದು, “ರಾಕ್ ಹಾಡುಗಳಿಗೆ ಸೀರೆಯಲ್ಲಿ ಡಾನ್ಸ್ ಮಾಡುವುದು ಅಷ್ಟು ಸುಲಭವಲ್ಲ. ಇವರ ಡಾನ್ಸ್ ಅಮೇಜಿಂಗ್”. “ಭಾರತೀಯ ಕಾಸ್ಟ್ಯೂಮ್‌ನಲ್ಲಿ ಸೂಪರ್ ಡಾನ್ಸ್ ಮಾಡಿದ್ದಾರೆ” ಎಂದಿದ್ದಾರೆ.
ಇದೀಗ ಡಾನ್ಸಿಂಗ್ ಅಂಕಲ್‌ಗೆ ಪ್ರಬಲ ಸ್ಪರ್ಧಿ ಸಿಕ್ಕಂತಾಗಿದೆ. ಸಾಮಾಜಿಕ ಮಾಧ್ಯಮಗಳಲ್ಲಿ ಜನಸಾಮಾನ್ಯರು ಸಹ ರಾತ್ರೋ ರಾತ್ರಿ ಖ್ಯಾತಿಯ ಉತ್ತುಂಗಕ್ಕೇರುತ್ತಿದ್ದಾರೆ. ನೋಡೋಣ ಇವರ ನಸೀಬು ಹೇಗಿದೆ ಎಂದು. ಈ ಆಂಟಿಯನ್ನು ’ಯೋ ಯೋ ಆಂಟಿ’ ಎಂದು ಕರೆಯಬಹುದೇನೋ?
Comments are closed.