ನಟಿ ಭಾಗ್ಯಶ್ರೀ ನೆನಪಿದೆಯೇ? ಸಲ್ಮಾನ್ ಖಾನ್ ಜತೆಗೆ ’ಮೈನೆ ಪ್ಯಾರ್ ಕಿಯಾ’ ಸೂಪರ್ ಹಿಟ್ ಸಿನಿಮಾದಲ್ಲಿ ಅಭಿನಯಿಸಿದ್ದ ಭಾಗ್ಯಶ್ರೀ ತಮ್ಮ ಅಪೂರ್ವ ಚೆಲುವಿನ ಮೂಲಕ ಚಿತ್ರರಸಿಕರ ಮನಸ್ಸಿನಲ್ಲಿ ಅಚ್ಚಳಿಯದ ಮುದ್ರೆ ಒತ್ತಿದ ಬೆಡಗಿ. ಆ ಚಿತ್ರದಲ್ಲಿನ ಅಭಿನಯಕ್ಕಾಗಿ ಅವರು ಫಿಲಂಫೇರ್ ಪ್ರಶಸ್ತಿಗೂ ಪಾತ್ರರಾದರು. ಬಳಿಕ ಕನ್ನಡ, ತೆಲುಗು, ತಮಿಳು ಮತ್ತು ಭೋಜ್‌ಪುರಿ ಚಿತ್ರಗಳಲ್ಲೂ ಅಭಿನಯಿಸಿದ್ದಾರೆ.
ಮಹಾರಾಷ್ಟ್ರದ ಸಾಂಗ್ಲಿಯ ರಾಯಲ್ ಕುಟುಂಬದ ಹಿನ್ನೆಲೆಯುಳ್ಳ ಭಾಗ್ಯಶ್ರೀ ಇದೀಗ ಎರಡು ದಶಕಗಳ ಬಳಿಕ ಮತ್ತೆ ತೆಲುಗಿನಲ್ಲಿ ಬಣ್ಣ ಹಚ್ಚುತ್ತಿದ್ದಾರೆ. ತೆಲುಗಿನಲ್ಲಿ ಅವರು ಕೊನೆಯದಾಗಿ ಬಣ್ಣ ಹಚ್ಚಿದ ಸಿನಿಮಾ ’ರಾಣಾ’ (1998). ಅದಾದ ಬಳಿಕ ಭೋಜ್‌ಪುರಿ, ಮರಾಠಿ, ಕನ್ನಡ ಚಿತ್ರಗಳಲ್ಲಿ ತೊಡಗಿಕೊಂಡರು.
ಕನ್ನಡದ ಅಮ್ಮಾವ್ರ ಗಂಡ, ಗಂಡುಗಲಿ ಕುಮಾರರಾಮ ಚಿತ್ರಗಳಲ್ಲಿ ಭಾಗ್ಯಶ್ರೀ ಅಭಿನಯಿಸಿದ್ದಾರೆ. ಇದೀಗ ಚೇತನ್‌ ಭಗತ್‌ ಅವರ ಹಿಂದಿ ಚಿತ್ರ ’2 ಸ್ಟೇಟ್ಸ್’ ನ ತೆಲುಗು ಅವತರಣಿಕೆಯಲ್ಲಿ ಅವರು ನಟಿಸುತ್ತಿದ್ದಾರೆ. ಹಿಂದಿಯಲ್ಲಿ ರೇವತಿ ಅಭಿನಯಿಸಿದ ಪಾತ್ರವನ್ನು ಭಾಗ್ಯಶ್ರೀ ನಿರ್ವಹಿಸುತ್ತಿದ್ದಾರೆ. ಈ ಮೂಲಕ ಎರಡು ದಶಕಗಳ ಬಳಿಕ ಮತ್ತೆ ಅವರು ಬೆಳ್ಳಿ ತೆರೆಗೆ ಹಿಂತಿರುಗುತ್ತಿದ್ದಾರೆ.
Comments are closed.