ನಾನು ನಟ-ನಿರ್ದೇಶಕ ವಿಘ್ನೇಶ್‌ ಶಿವನ್‌ ಅವರನ್ನು ಪ್ರೀತಿಸುತ್ತಿದ್ದು, ಶೀಘ್ರದಲ್ಲೇ ಅವರನ್ನು ಮದುವೆಯಾಗುವುದಾಗಿ ನಟಿ ನಯನತಾರಾ ಪ್ರಕಟಿಸಿದ್ದಾರೆ. ಚೆನ್ನೈನಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಪಾಲ್ಗೊಂಡು ಮಾತನಾಡುವಾಗ ತಮ್ಮ ವೈಯಕ್ತಿಕ ವಿಷಯಗಳನ್ನೂ ಮುಕ್ತವಾಗಿ ಹಂಚಿಕೊಂಡಿದ್ದಾರೆ.
ವಿಘ್ನೇಶ್‌ ಮತ್ತು ನಾನು ಆತ್ಮೀಯರಾಗಿರುವುದು ನಿಜ. ನಮ್ಮ ನಡುವೆ ಪ್ರೀತಿ ಇರುವುದೂ ನಿಜ. ಶೀಘ್ರದಲ್ಲಿಯೇ ನಿಮಗೆಲ್ಲರಿಗೂ ಒಳ್ಳೆಯ ಸುದ್ದಿ ಕೊಡುತ್ತೇವೆ. ಕೆಲ ದಿನಗಳಿಂದಲೂ ನಮ್ಮ ನಡುವೆ ಇದ್ದ ಪ್ರೇಮ ವ್ಯವಹಾರ ಕೇವಲ ಗಾಸಿಪ್‌ ಕಾಲಂಗಳಿಗಷ್ಟೇ ಆಹಾರವಾಗಿತ್ತು. ಇನ್ನು ಮುಂದೆ ಹೀಗೆ ಆಗಲು ಬಿಡುವುದಿಲ್ಲ ಎಂದಿದ್ದಾರೆ ಅವರು.
ನಟಿಯಾದ ಮೇಲೆ ನಾನು ನಿಜಕ್ಕೂ ಅನೇಕ ಸವಾಲುಗಳನ್ನು ಎದುರಿಸಿದ್ದೇನೆ. ಕಣ್ಣೀರು ಹಾಕಿದ್ದೇನೆ. ಆದರೆ ಎಂದೂ ನಾಳೆಯ ಬಗ್ಗೆ ಭರವಸೆ ಕಳೆದುಕೊಳ್ಳಲಿಲ್ಲ. ಭವಿಷ್ಯದ ಬಗ್ಗೆ ನಂಬಿಕೆಯನ್ನೂ ಕಳೆದುಕೊಳ್ಳಲಿಲ್ಲ. ಹೀಗಾಗಿ ಇವತ್ತು ಧೈರ್ಯವಾಗಿ ನಿಮ್ಮ ಮುಂದೆ ಮಾತನಾಡುತ್ತಿದ್ದೇನೆಂದು ನಯನ ತಾರಾ ಹೇಳಿದ್ದಾರೆ.
Comments are closed.