*ಪದ್ಮಾ ಶಿವಮೊಗ್ಗ
ಆರ್ಮಿಯ ಲೆಫ್ಟನೆಂಟ್‌ ಕರ್ನಲ್‌ ಪುತ್ರಿ ನವನೀತ್‌, ‘ಕೆಂಪೇಗೌಡ -2’ ಸಿನಿಮಾದ ಮೂಲಕ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ ಕೊಡುತ್ತಿದ್ದಾರೆ. ಕೋಮಲ್‌ ಮುಖ್ಯ ಭೂಮಿಕೆಯ ಈ ಸಿನಿಮಾದಲ್ಲಿ ನವನೀತ್‌ ನೆಗೆಟಿವ್‌ ಶೇಡ್‌ ಇರುವ ಪಾತ್ರವನ್ನು ಮಾಡುತ್ತಿದ್ದಾರೆ. ಅದಕ್ಕಾಗಿ ಅವರು, ಬೆಂಗಳೂರಿನ ಜಿಮ್‌ ಒಂದರಲ್ಲಿ ಭರ್ಜರಿ ವ್ಯಾಯಾಮ ಮಾಡುತ್ತಿದ್ದಾರೆ.
ಬ್ಲಾಗ್‌ ಜಗತ್ತಿನಲ್ಲಿ ನವನೀತ್‌ ಕೌರ್‌ ಬಹಳ ಖ್ಯಾತಿ. ಅಲ್ಲದೆ, ದೇಶದ ಪ್ರತಿಷ್ಠಿತ ಕಂಪನಿಗಳ ಪ್ರಮೋಟರ್‌ ಆಗಿಯೂ ಇವರು ಕೆಲಸ ಮಾಡುತ್ತಿದ್ದಇವರು ಆಸ್ಪ್ರೇಲಿಯಾದಲ್ಲಿ ಬಿಸ್ನೆಸ್‌ ಮ್ಯಾನೇಜ್‌ಮೆಂಟ್‌ ಕೋರ್ಸ್‌ ಮುಗಿಸಿದ ಮೇಲೆ ಬೆಂಗಳೂರಿನಲ್ಲೇ ನೆಲೆಸಿದ್ದಾರೆ. ನಟನೆಯಲ್ಲಿ ತರಬೇತಿ ಪಡೆಯುವುದರ ಜತೆಗೆ ದೇಹವನ್ನು ಫಿಟ್‌ ಆಗಿ ಇಟ್ಟುಕೊಳ್ಳಲು ಕಸರತ್ತು ನಡೆಸುತ್ತಿದ್ದಾರೆ.
—
‘ಉತ್ತಮ ಆರೋಗ್ಯ ಕಾಪಾಡಿಕೊಳ್ಳಲು ಪೂರಕವಾದ ಆಹಾರ ಪದ್ಧತಿ, ವ್ಯಾಯಾಮ, ಜಾಗಿಂಗ್‌ ಅಗತ್ಯ. ಅಲ್ಲದೆ ನನ್ನ ಸೌಂದರ್ಯ ವೃದ್ಧಿಗೆ ಮತ್ತು ಆರೋಗ್ಯವನ್ನು ಕಾಪಾಡಿಕೊಳ್ಳಲು ನಾನು ಬೈಕ್‌ ರೈಡಿಂಗ್‌, ಸೈಕ್ಲಿಂಗ್‌, ಜಾಗಿಂಗ್‌, ಜಂಪಿಂಗ್‌ ಜಾಕ್ಸ್‌ ಮತ್ತು ಜಂಪಿಂಗ್‌ ರೋಪ್‌ನಂತಹ ಕಸರತ್ತುಗಳಲ್ಲಿ ತೊಡಗಿಸಿಕೊಳ್ಳುತ್ತಿದ್ದೇನೆ. ವರ್ಕೌಟ್‌ ಮಾಡಲು ದೈಹಿಕ ಸಾಮರ್ಥ್ಯಕ್ಕಿಂತ ಮಾನಸಿಕ ಸ್ಥೈರ್ಯ ಅಗತ್ಯ.’
-ನವನೀತ್‌ ಕೌರ್‌, ನಟಿ
Comments are closed.