ಮುಂಬೈ: ಬಾಲಿವುಡ್ನ ಸ್ಟಾರ್ ನಿರ್ದೇಶಕ ಅನುರಾಗ್ ಕಶ್ಯಪ್ ತನಗಿಂತಲೂ 20 ವರ್ಷ ಚಿಕ್ಕವಳಾದ ಹುಡುಗಿಯೊಂದಿಗೆ ಮೂರನೇ ಮದುವೆಗೆ ಸಿದ್ಧರಾಗುತ್ತಿದ್ದಾರೆ.
ಹೌದು 45 ವರ್ಷದ ಅನುರಾಗ್ ಕಶ್ಯಪ್ ತಮ್ಮ ಪ್ರೊಡಕ್ಷನ್ ಕಂಪನಿಯಲ್ಲಿ ಕೆಲಸ ಮಾಡುತ್ತಿರುವ 23 ವರ್ಷದ ಶುಭ್ರಾ ಶೆಟ್ಟಿಯೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ. ಇಷ್ಟೇ ಅಲ್ಲದೆ ಇಬ್ಬರೂ ತಮ್ಮ ಇನ್ಸ್ಟಾಗ್ರಾಮ್ ಖಾತೆಗಳಲ್ಲಿ ಫೋಟೋಗಳನ್ನು ಶೇರ್ ಮಾಡಿದ್ದು, ಲವ್ನಲ್ಲಿ ಇರುವುದಾಗಿ ಹೇಳಿಕೊಂಡಿದ್ದಾರೆ.
ಈ ಮೊದಲೇ ಅನುರಾಗ್ ಕಶ್ಯಪ್ಗೆ 2 ಬಾರಿ ಮದುವೆಯಾಗಿದ್ದು, ಇಬ್ಬರೂ ಪತ್ನಿಯರಿಂದ ವಿಚ್ಛೇದನ ಪಡೆದುಕೊಂಡಿದ್ದಾರೆ. ಅನುರಾಗ್ ಮೊದಲ ಪತ್ನಿ ಆರತಿ ಬಜಾಜ್ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದರು. ಈ ಜೋಡಿಗೆ ಆಲಿಯಾ ಎಂಬ ಮಗಳೂ ಕೂಡ ಇದ್ದಾಳೆ. ಆರತಿಯಿಂದ ಡಿವೋರ್ಸ್ ಪಡೆದ ನಂತರ ಅನುರಾಗ್ ನಟಿ ಕಲ್ಕಿ ಕೊಚ್ಲಿನ್ ಅವರೊಂದಿಗೆ ಸ್ವಲ್ಪ ದಿನಗಳ ಕಾಲ ಲೀವಿಂಗ್ ಟುಗೆದರ್ನಲ್ಲಿದ್ದರು. ಆ ನಂತರ ಇಬ್ಬರೂ ಮದುವೆ ಮಾಡಿಕೊಂಡಿದ್ದರು. ಆದರೆ ಇಬ್ಬರ ನಡುವಿನ ಬಂಧನ ಹೆಚ್ಚು ದಿನ ಉಳಿಯದೆ ವಿಚ್ಛೇದನ ಪಡೆದಿದ್ದರು.
ಇದೀನ ಅನುರಾಗ್ಗೆ ಮೂರನೇ ಬಾರಿ ಲವ್ ಆಗಿದೆ. ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಅನುರಾಗ್ ನಾನು ಮುದುಕನಾದರೂ ಲವ್ ಮಾಡುತ್ತಲೇ ಇರುತ್ತೇನೆ ಎಂದು ತಿಳಿಸಿದ್ದಾರೆ. ಸದ್ಯದಲ್ಲೇ ಶುಭ್ರಾ ಶೆಟ್ಟಿಯೊಂದಿಗೆ ಸಪ್ತಪಡಿ ತುಳಿಯುವುದಾಗಿ ಅನುರಾಗ್ ಹೇಳಿಕೊಂಡಿರುವುದಾಗಿ ಸುದ್ದಿಯಾಗಿದೆ.
Comments are closed.