ಮನೋರಂಜನೆ

‘ಬಾಹುಬಲಿ’ಯನ್ನು ಹಿಂದಿಕ್ಕಿದ ಸಲ್ಮಾನ್ ಖಾನ್ ಚಿತ್ರ

Pinterest LinkedIn Tumblr


ಸಲ್ಮಾನ್ ಖಾನ್ ನಾಯಕನಟನಾಗಿ ಅಭಿನಯಿಸುತ್ತಿರುವ ಆಕ್ಷನ್ ಪ್ರಧಾನ ಚಿತ್ರ ‘ಟೈಗರ್ ಜಿಂದಾ ಹೈ’. ಈ ಚಿತ್ರದ ನಾಯಕಿ ಕತ್ರಿನಾ ಕೈಫ್. ಅಲಿ ಅಬ್ಬಾಸ್ ಜಾಫರ್ ನಿರ್ದೇಶನವಿರುವ ಚಿತ್ರ. ಇತ್ತೀಚೆಗೆ ಬಿಡುಗಡೆಯಾದ ಈ ಸಿನಿಮಾದ ಟ್ರೇಲರ್‌ಗೆ ಅಭಿಮಾನಿಗಳಿಂದ ಒಳ್ಳೆಯ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.

ಅದು ಯಾವ ಮಟ್ಟದಲ್ಲಿ ಎಂದರೆ ಹಿಂದಿಯಲ್ಲಿ ‘ಬಾಹುಬಲಿ 2’ ಟ್ರೇಲರ್ ದಾಖಲೆಯನ್ನು ಮೀರಿ ಲೈಕ್‌ಗಳನ್ನು ಪಡೆದುಕೊಂಡಿದೆ. ಇತ್ತೀಚೆಗಿನ ಅಂಕಿಅಂಶಗಳ ಪ್ರಕಾರ ‘ಟೈಗರ್ ಜಿಂದಾ ಹೈ’ ಟ್ರೇಲರನ್ನು 7,22,000 ಮಂದಿ ಲೈಕ್ ಮಾಡಿದ್ದಾರೆ. ‘ಬಾಹುಬಲಿ 2’ ಹಿಂದಿ ಚಿತ್ರಕ್ಕೆ ಇದುವರೆಗೆ ಇದ್ದ ಲೈಕ್ಸ್ 5,41,000 ಮಾತ್ರ.

ಇದಕ್ಕೂ ಮುನ್ನ ತುಂಬಾ ನಿರೀಕ್ಷೆಗಳಿಂದ ಬಿಡುಗಡೆಯಾದ ಸಲ್ಮಾನ್ ಅಭಿನಯದ ‘ಟ್ಯೂಬ್‌ಲೈಟ್’ ಚಿತ್ರ ಬಾಕ್ಸ್ ಆಫೀಸಲ್ಲಿ ಗೋತಾ ಹೊಡೆದದ್ದು ಗೊತ್ತೇ ಇದೆ. ಆ ಸಂದರ್ಭದಲ್ಲಿ ಬಾಹುಬಲಿ ದಾಖಲೆಗಳನ್ನು ಟ್ಯೂಬ್‌ಲೈಟ್ ಮುರಿಯುತ್ತಾ ಎಂದು ಕೇಳಿದ್ದಕ್ಕೆ ‘ಅನುಮಾನ’ ಎಂದಿದ್ದರು ಸಲ್ಲು.

‘ಟೈಗರ್ ಜಿಂದಾ ಹೈ’ ಚಿತ್ರಕ್ಕೆ ಯಶ್ ರಾಜ್ ಫಿಲಂಸ್ ಲಾಂಛನದಲ್ಲಿ ಆದಿತ್ಯ ಚೋಪ್ರಾ ನಿರ್ಮಿಸುತ್ತಿದ್ದಾರೆ. ಬಹುತೇಕ ಚಿತ್ರೀಕರಣ ಮುಗಿದಿದ್ದು ಈ ಸಿನಿಮಾವನ್ನು ಕ್ರಿಸ್ಮಸ್ ವೇಳೆಗೆ ಅಂದರೆ ಡಿಸೆಂಬರ್ 22ರಂದು ಪ್ರೇಕ್ಷಕರ ಮುಂದೆ ತರಲು ಚಿತ್ರತಂಡ ಶ್ರಮಿಸುತ್ತಿದೆ.

Comments are closed.