ನವದೆಹಲಿ: ವಿಶ್ವ ಕ್ರಿಕೆಟ್ ಪ್ರಮುಖ ಆಲ್ರೌಂಡರ್ ಪಾಕಿಸ್ತಾನದ ಶಾಹಿದ್ ಅಫ್ರಿದಿ ಅಂತರಾಷ್ಟ್ರೀಯ ಕ್ರಿಕೆಟ್ಗೆ ಗುಡ್ಬೈ ಹೇಳಿದ್ದಾರೆ. 2010ರಲ್ಲಿ ಟೆಸ್ಟ್ ಹಾಗೂ 2015ರಲ್ಲಿ ಏಕದಿನ ಪಂದ್ಯದಿಂದ ನಿವೃತ್ತಿಯಾಗಿದ್ದ ಅಫ್ರಿದಿ ಈಗ ನಡೆಯುತ್ತಿರುವ ಟಿ-20 ವಿಶ್ವಕಪ್ ಬಳಿಕ ಚುಟುಕು ಕ್ರಿಕೆಟ್ಗೂ ವಿದಾಯ ಹೇಳಿದ್ದಾರೆ.
ನಿನ್ನೆ ನಡೆದ ನ್ಯೂಜಿಲ್ಯಾಂಡ್ ವಿರುದ್ಧದ ಪಂದ್ಯದ ಸೋಲಿನ ನಂತರ ಪಾಕ್ ಟಿ-20 ಕ್ಯಾಪ್ಟನ್ ಅಫ್ರಿದಿ ತನ್ನ ತೀರ್ಮಾನವನ್ನು ತಿಳಿಸಿದ್ರು. ಟಿ-20 ವಿಶ್ವಕಪ್ನ ಆಸ್ಟ್ರೇಲಿಯಾ ವಿರುದ್ಧದ ಮ್ಯಾಚ್ ಅಫ್ರಿದಿ ಪಾಲಿನ ಕೊನೆಯ ಪಂದ್ಯವಾಗಲಿದೆ ಎಂದಿದ್ದಾರೆ.
ಬೂಮ್ ಬೂಮ್ ಖ್ಯಾತಿಯ ಅಫ್ರಿದಿ ವಿಶ್ವದ ಬೆಸ್ಟ್ ಅಲ್ರೌಂಡರ್. 398 ಏಕದಿನ ಪಂದ್ಯದಲ್ಲಿ 8 ಸಾವಿರಕ್ಕೂ ಅಧಿಕ ರನ್ ಹಾಗೂ 395 ವಿಕೆಟ್ ಪಡೆದಿದ್ದಾರೆ. 27 ಟೆಸ್ಟ್ ಆಡಿ ಸಾವಿರದ ಏಳುನೂರಕ್ಕೂ ಅಧಿಕ ರನ್ ಹಾಗೂ 48 ವಿಕೆಟ್ ಪಡೆದಿದ್ದಾರೆ. ಏಕದಿನದಲ್ಲಿ 6 ಹಾಗೂ ಟೆಸ್ಟ್ನಲ್ಲಿ 5 ಸೆಂಚುರಿ ಭಾರಿಸಿದ್ದಾರೆ. ಟಿ-20ಯಲ್ಲಿ 97 ಪಂದ್ಯಗಳನ್ನಾಡಿ ಸಾವಿರದ ಮುನ್ನೂರಕ್ಕೂ ಹೆಚ್ಚು ರನ್ ಹಾಗೂ 97 ವಿಕೆಟ್ ಕಬಳಿಸಿರೋದು ಅಫ್ರಿದಿ ಟ್ರ್ಯಾಕ್ ರೆಕಾರ್ಡ್.
ಇತ್ತ ನಿನ್ನೆ ನಡೆದ ಪಂದ್ಯದಲ್ಲಿ ಪಾಕಿಸ್ತಾನವನ್ನು 22 ರನ್ಗಳಿಂದ ಮಣಿಸಿರುವ ನ್ಯೂಜಿಲ್ಯಾಂಡ್ ತಂಡ ನಾಕೌಟ್ ಹಂತಕ್ಕೆ ಮೊದಲ ತಂಡವಾಗಿ ಎಂಟ್ರಿ ಕೊಟ್ಟಿದೆ.