ಸದಾ ಒಂದಿಲ್ಲೊಂದು ಕಿರಿಕ್ ಮೂಲಕವೇ ಸುದ್ದಿಯಾಗುವುದು ನಟ ಸಿಂಬು ಗುಣವಿಶೇಷ. ನಯನತಾರ ಜತೆಗೆ ಪ್ರೀತಿ-ಪ್ರೇಮ ಅಂತ ಓಡಾಡಿಕೊಂಡಿದ್ದ ಈ ಬ್ಯಾಚುಲರ್ ನಟ ನಂತರ ಹಂಸಿಕಾ ಮೋಟ್ವಾನಿ ಜತೆಗೂ ಪ್ರೇಮಲೋಕ ಸುತ್ತುವ ಕಾರ್ಯಕ್ರಮ ಇಟ್ಟುಕೊಂಡಿದ್ದರು. ಅಂತಿಮವಾಗಿ ಈ ಎರಡೂ ಪ್ರೇಮ ಪ್ರಕರಣಗಳಿಂದ ದೂರಾಗಿರುವ ‘ಯಂಗ್ ಸೂಪರ್ ಸ್ಟಾರ್’ ಸದ್ಯ ವೃತ್ತಿ ಜೀವನದ ಕಡೆಗೆ ಗಂಭೀರವಾಗಿ ಯೋಚಿಸುತ್ತಿದ್ದಾರೆ. ಅವರ ನಟನೆಯ ‘ವಾಲು’ ಇನ್ನೇನು ಬಿಡುಗಡೆಗೆ ಕ್ಷಣಗಣನೆಯಲ್ಲಿದೆ. ಅದರೊಟ್ಟಿಗೆ ಮತ್ತೆರಡು ಸಿನಿಮಾಗಳು ಕೈಯಲ್ಲಿವೆ. ಈ ಎಲ್ಲದರ ಮಧ್ಯೆ ತಮಿಳಿನ ಸ್ಟಾರ್ ನಿರ್ದೇಶಕ ಗೌತಮ್ವೆುನನ್ ನಿರ್ದೇಶನದ ‘ಅಚ್ಚಂ ಎಂಬಧು ಮಾಡಮೈಡಾ’ ಚಿತ್ರದಲ್ಲೂ ಸಿಂಬು ಈಗ ಹೀರೋ!
ಗೌತಮ್ವುತ್ತು ಸಿಂಬು ಅವರದು ಯಶಸ್ವಿ ಜತೆಯಾಟ. ಈ ಹಿಂದೆ ‘ವಿನ್ನೈಥಾಂಡಿ ವರುವಾಯ’ ಮೂಲಕ ಸಕ್ಸಸ್ ಸವಿಯುಂಡ ಜೋಡಿ ಇದು. ಇದೀಗ ಮತ್ತೆ ಒಂದಾಗಿರುವ ಇವರಿಬ್ಬರು ಹೊಸ ಚಿತ್ರದ ಬಗ್ಗೆ ಭಾರಿ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಗೌತಮ್ಅಂತೂ ಸಿಂಬು ಮೇಲೆ ಹೊಗಳಿಕೆಯ ಮಳೆ ಸುರಿಸಿದ್ದಾರೆ. ‘ಈ ಹಿಂದೆ ನಾವಿಬ್ಬರು ಒಂದು ರೋಮ್ಯಾಂಟಿಕ್ ಪ್ರೇಮಕಥೆಯನ್ನು ಆಯ್ದುಕೊಂಡಿದ್ದೆವು. ಈ ಬಾರಿ ಆಕ್ಷನ್ ಚಿತ್ರದತ್ತ ಹೊರಳಿದ್ದೇವೆ. ಸಿಂಬು ಯಾವ ಪಾತ್ರಕ್ಕಾದರೂ ಸಲ್ಲುವ ನಟ. ಆತ ‘ದಕ್ಷಿಣ ಭಾರತದ ರಣಬೀರ್ ಕಪೂರ್’ ಅಂತ ಹೇಳಿದ್ದಾರೆ’ ಗೌತಮ್
ಗೌತಮ್ಹೀಗೆ ಹೋಲಿಕೆ ಮಾಡಿದ್ದೇ, ಕೆಲ ಕುಹಕಿಗಳು, ‘ಪ್ರೀತಿ ಪ್ರೇಮದ ವಿಚಾರದಲ್ಲಿ ರಣಬೀರ್ ಹೆಸರು ಭಾರಿ ಸದ್ದು ಮಾಡುತ್ತಿದೆ. ಅಂತೆಯೇ ಸಿಂಬು ಅವರನ್ನು ರಣಬೀರ್ಗೆ ಹೋಲಿಸಿದ್ದಾರೆ’ ಅಂತ ಕಾಲೆಳೆದಿದ್ದಾರೆ.
