ಮುಂಬೈ: ಎಂಬಿಎ ಪದವೀಧರರಾಗಿರುವ ಮುಂಬೈನ ಈ ದಂಪತಿ ಕೈತುಂಬ ಸಂಬಳ ಬರುವ ಉದ್ಯೋಗದಲ್ಲಿದ್ದರೂ ಮುಂಬೈನ ಕಂಡಿವಲಿ ನಿಲ್ದಾಣ ಬಳಿ ಪ್ರತಿದಿನ ಬೆಳಗ್ಗೆ ಹೋಟೆಲ್ ತೆರೆಯುತ್ತಾರೆ. ಕೆಲಸಕ್ಕೆ ತೆರಳುವ ಮುನ್ನ ಬೆಳಗ್ಗೆ 4 ಗಂಟೆಯಿಂದ 10 ಗಂಟೆವರೆಗೆ ಹೋಟೆಲ್ ತೆರೆಯುವ ದಂಪತಿ ಹಿಂದಿನ ಉದ್ದೇಶ ಕೇಳಿ ಸಾಕಷ್ಟು ಮಂದಿ ಫಿದಾ ಆಗಿದ್ದಾರೆ.
ಫೇಸ್ಬುಕ್ ಬಳಕೆದಾರ ದೀಪಾಲಿ ಭಾಟಿಯಾ ಎಂಬುವರು ಬುಧವಾರ ಎಂಬಿಎ ದಂಪತಿ ಅಶ್ವಿನಿ ಶೆನಾಯ್ ಮತ್ತವರ ಪತಿಯ ಫೋಟೋ ಶೇರ್ ಮಾಡಿ ಅವರ ಬಗ್ಗೆ ಬರೆದುಕೊಂಡಿದ್ದಾರೆ.
ಗಾಂಧಿ ಜಯಂತಿ ದಿನದಂದು ಒಳ್ಳೆಯ ಆಹಾರಕ್ಕಾಗಿ ಹುಡುಕಾಡುತ್ತಿದ್ದೆ, ಈ ವೇಳೆ ಅಶ್ವಿನಿ ಶೇನಾಯ್ ದಂಪತಿಯ ಹೋಟೆಲ್ ಕಣ್ಣಿಗೆ ಬಿತ್ತು. ದಂಪತಿ ಪೋಹಾ, ಉಪ್ಮಾ, ಪರಾಂಥಸ್ ಮತ್ತು ಇಡ್ಲಿಯಂತಹ ಸ್ನ್ಯಾಕ್ಸ್ಗಳನ್ನು ಮಾರಾಟ ಮಾಡುತ್ತಿದ್ದರು. ಆಹಾರದ ರುಚಿಯನ್ನು ಟೇಸ್ಟ್ ಮಾಡಿದ ಬಳಿಕ ರಸ್ತಬದಿಯಲ್ಲಿ ಹೋಟೆಲ್ ಏಕೆ ಸ್ಥಾಪಿಸಿದ್ದೀರಿ ಎಂದು ಪ್ರಶ್ನಿಸಿದೆ. ಅದಕ್ಕೆ ಅವರಿಂದ ಬಂದ ಉತ್ತರ ನನ್ನ ಹೃದಯ ಸ್ಪರ್ಶಿಸಿತು ಎಂದು ಭಾಟಿಯಾ ತಿಳಿಸಿದ್ದಾರೆ.
55 ವರ್ಷದ ತನ್ನ ಮನೆಕೆಲಸದಾಕೆಗೆ ನೆರವಾಗಲೆಂದು ಪ್ರತಿದಿನ ಬೆಳಗ್ಗೆ ದಂಪತಿ ಹೋಟೆಲ್ನ್ನು ತೆರೆಯುತ್ತಾರೆ. ಮನೆಕೆಲಸದಾಕೆಯ ಪತಿಗೆ ಲಕ್ವ ಹೊಡೆದಿದ್ದು, ಆಕೆ ಪ್ರತಿದಿನ ತಯಾರಿಸಿದ ಆಹಾರವನ್ನು ಎಂಬಿಎ ದಂಪತಿ ಮಾರಾಟ ಮಾಡಿ ಅದರಿಂದ ಬಂದ ಹಣವನ್ನು ಆಕೆ ನೀಡುತ್ತಾರೆ ಎಂದು ಭಾಟಿಯಾ ಹೇಳಿದ್ದಾರೆ.
ದಂಪತಿಯನ್ನು ಸೂಪರ್ ಹೀರೋಸ್ ಎಂದಿರುವ ಭಾಟಿಯಾ, ಅವರನ್ನು ಮನಸಾರೆ ಹೊಗಳಿದ್ದಾರೆ. ಅವರ ಮನೆಯ ಸೇವಕಿಗೆ ಬೆಂಬಲವಾಗಿ ನಿಂತು ಕೆಲಸ ಮಾಡುತ್ತಿರುವುದು ನಿಜಕ್ಕೂ ಸ್ಫೂರ್ತಿಯ ಕೆಲಸ ಎಂದು ಬರೆದುಕೊಂಡಿದ್ದಾರೆ.
ಸದ್ಯ ಸಾಮಾಜಿಕ ಜಾಲತಾಣದಲ್ಲ ಫೋಸ್ಟ್ ವೈರಲ್ ಆಗಿದ್ದು, ಈವರೆಗೂ 12,000 ಮಂದಿ ಲೈಕ್ ಮಾಡಿದ್ದಾರೆ. ದಂಪತಿ ಕಾರ್ಯವನ್ನು ಮೆಚ್ಚಿ ಹಲವರು ಕಮೆಂಟ್ ಮಾಡುವ ಮೂಲಕ ಅಭಿನಂದನೆ ಮಹಾಪೂರ ಹರಿಸುತ್ತಿದ್ದಾರೆ. ದೇವರು ನಿಮಗೆ ಒಳ್ಳೆಯದು ಮಾಡಲಿ ಎಂದು ಹಾರೈಸುತ್ತಿದ್ದಾರೆ.
Comments are closed.