15ರ ಬಾಲಕಿಯ ಮದುವೆಯಾಗಿ ಅತ್ಯಾಚಾರ ಎಸಿಗಿದ ಹೈಕೋರ್ಟ್‌ ವಕೀಲ

ಮುಂಬಯಿ: ಅಪ್ರಾಪ್ತ ಬಾಲಕಿಯನ್ನು ಮದುವೆಯಾಗಿ ಅತ್ಯಾಚಾರ ಎಸಗಿರುವ ಆರೋಪದಡಿ ಮುಂಬಿ ಹೈಕೋರ್ಟ್‌ ವಕೀಲನನ್ನು ನಗರ ಪೊಲೀಸರು ಬಂಧಿಸಿದ್ದಾರೆ.

ಎರಡು ವರ್ಷಗಳ ಹಿಂದೆ 55 ವರ್ಷದ ವಕೀಲ 15ರ ಬಾಲಕಿಯನ್ನು ಮದುವೆಯಾಗಿದ್ದಾನೆ. ಬಳಿಕ ಆಕೆಯ ಮೇಲೆ ಅತ್ಯಾಚಾರ ನಡೆಸಿದ್ದಾನೆ. ವಕೀಲನ ಹೆಂಡತಿ 2015ರಲ್ಲಿ ಮೃತಪಟ್ಟಿದ್ದು ಈತನಿಗೆ 15 ವರ್ಷದ ಮಗಳಿದ್ದಾಳೆ. ಸಂತ್ರಸ್ತ ಬಾಲಕಿಯ ಅಜ್ಜ-ಅಜ್ಜಿ ಸೇರಿ ಪತ್ನಿ ಕಳೆದುಕೊಂಡಿದ್ದ ವಕೀಲನಿಗೆ ಅಪ್ರಾಪ್ತೆಯನ್ನು ಮದುವೆ ಮಾಡಿಸಿದ್ದಾರೆ ಎಂದು ಬಾಲಕಿ ದೂರಿನಲ್ಲಿ ಉಲ್ಲೇಖಿಸಿದ್ದಾಳೆ.

ಅಪ್ರಾಪ್ತೆಯನ್ನು ಮದುವೆಯಾಗಿ ಹಾಗೂ ಅತ್ಯಾಚಾರ ಎಸಗಿದ ಆರೋಪದಡಿಯಲ್ಲಿ ಪೋಸ್ಕೋ ಕಾಯ್ದೆ ಅಡಿ ಮುಂಬಯಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಕಳೆದ ವಾರ ಪೊಲೀಸರು ವಕೀಲರನ್ನು ಬಂಧಿಸಿ, ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದರು. ವಿಶೇಷ ಕೋರ್ಟ್ ಗುರುವಾರ ನ್ಯಾಯಾಂಗ ಬಂಧನಕ್ಕೊಪ್ಪಿಸಿ ಆದೇಶ ನೀಡಿತ್ತು.

ಮದುವೆಯಾಗಿ 17 ವರ್ಷವಾಗಿರುವ ಬಾಲಕಿ ಆತನ ವಿರುದ್ಧ ಡಿಸೆಂಬರ್ 13ರಂದು ದೂರು ದಾಖಲಿಸಿದ್ದು, ಬಾಲಕಿಯ ತೀವ್ರ ವಿರೋಧದ ನಡುವೆಯೂ ಅಜ್ಜ, ಅಜ್ಜಿ ವಕೀಲನ ಜತೆ ಮದುವೆ ಮಾಡಿಸಿದ್ದರು. ಅಲ್ಲದೇ ಆಕೆಗೆ ಯುವಕನೊಂದಿಗೆ ಮದುವೆ ಮಾಡುವುದಾಗಿ ಹೇಳಿ ವಕೀಲನಿಗೆ ಮದುವೆ ಮಾಡಿಕೊಟ್ಟಿದ್ದರು. ಮೊದಲ ಬಾರಿಗೆ ವಕೀಲನನ್ನು ಕಂಡ ಬಾಲಕಿ ಬೆಚ್ಚಿಬಿದ್ದಿದ್ದಳು.

ಬಾಲಕಿಯ ತಾಯಿ ಅನಾರೋಗ್ಯದಿಂದ ಬಳಲುತ್ತಿದ್ದು, ಇದೇ ನೆಪಮಾಡಿದ್ದ ಅಜ್ಜ-ಅಜ್ಜಿ ಬಾಲಕಿಯನ್ನು ಮದುವೆಗೆ ಒಪ್ಪಿಸಿದ್ದಾರೆ. ಈ ವೇಳೆ ವಕೀಲ ಆಕೆಗೆ ಗ್ರಾಮದಲ್ಲಿ ಆರು ಎಕರೆಯಷ್ಟು ಜಾಗವನ್ನು ನೀಡುವುದಾಗಿ ಒಪ್ಪಿಗೆ ನೀಡಿದ್ದ. ಮಗಳ ಮದುವೆಗೆ ಅಪ್ಪನ ವಿರೋಧವಿದ್ದರೂ ಹೆಂಡತಿ ಮುಖ ಕಂಡು ಆತನೂ ಸುಮ್ಮನಿದ್ದ. ಅಷ್ಟೇ ಅಲ್ಲ ಆಕೆಯ ವಿರೋಧದ ನಡುವೆಯೂ ಬಾಲಕಿಗೆ ಲೈಂಗಿಕವಾಗಿ ಹಿಂಸೆ ನೀಡಿರುವುದಾಗಿ ಆರೋಪಿಸಿದ್ದಾಳೆ.