ಇದು ರಾಜ್ಯ ರಾಜಕಾರಣದ ದೊಡ್ಡ ಪ್ರೇಮ ಕಥೆ…!

ಬೆಂಗಳೂರು: ರಾಜ್ಯ ರಾಜಕಾರಣದಲ್ಲಿ ಭಾರೀ ಬೆಳವಣಿಗೆಯಾಗಿದೆ. ಬದ್ಧ ರಾಜಕೀಯ ಶತ್ರು ಮನೆತನಗಳ ನಡುವೆ ಈಗ ಪ್ರೀತಿಯ ಗಾಳಿ ಬಿಸುತ್ತಿದೆ. ಯಡಿಯೂರಪ್ಪ-ದೇವೇಗೌಡ ಮನೆತನಗಳ ಮಧ್ಯೆ ಗೆಳೆತನ ಬೆಳೆಯುತ್ತಿದೆ.

ದೋಸ್ತಿ ಭಾಗವಾಗಿಯೇ ದೇವೇಗೌಡರಿಗೆ ಸರ್ಕಾರದಿಂದ 60 ಲಕ್ಷದ ಕಾರ್ ಗಿಫ್ಟ್ ನೀಡಿದ್ದಾರೆ. 30 ಲಕ್ಷದ ಕಾರ್​ಗಾಗಿ ವಿಪಕ್ಷ ನಾಯಕ ಸಿದ್ದರಾಮಯ್ಯ ಒಂದು ವರ್ಷ ಕಾದಿದ್ದರು. ದಿಢೀರ ದೊಡ್ಡಗೌಡರಿಗೆ ದುಬಾರಿ ಕಾರ್​ ಗಿಫ್ಟ್​ ಕೊಟ್ಟಿರೋದ್ರಿಂದ ರಾಜಕೀಯ ವಲಯದಲ್ಲಿ ದೊಡ್ಡ ಮಟ್ಟದ ಚರ್ಚೆಯಾಗುತ್ತಿದೆ.

ಈ ಬಾರಿ ಸದನದಲ್ಲೂ ಕುಮಾರಸ್ವಾಮಿ ಸರ್ಕಾರದ ಪರ ಮೃದು ಧೋರಣೆ ತೋರಿದ್ರು. ಅಲ್ದೆ ಸರ್ಕಾರ ವಿರುದ್ಧ ಹೆಚ್​ಡಿಕೆ ಒಂದೇ ಒಂದು ಮಾತಡಿಲ್ಲ. ಅಲ್ದೆ ಈ ಬಾರಿ ಬಿಜೆಪಿ ಹಿರಿಯರ ಕ್ಷೇತ್ರಗಳಿಗಿಂತಲೂ HDK ಕ್ಷೇತ್ರಕ್ಕೆ ಹೆಚ್ಚಿನ ಅನುದಾನ ನೀಡಿದ್ರು.

ನಾಯಕತ್ವ ಬದಲಾವಣೆ ಸುದ್ದಿ ಮಧ್ಯೆಯೂ ಹೆಚ್​ಡಿಕೆ, ಯಡಿಯೂರಪ್ಪ ಅವರನ್ನು ಭೇಟಿಯಾ ಸಮಾಧಾನ ಹೇಳಿ ಬಂದಿದ್ರು. ಇದೀಗ ಈ ರೀ-ಕನೆಕ್ಟ್ ಆದ ಫ್ರೆಂಡ್​ಶಿಪ್ ಹಿಂದಿದ್ಯಾ ರಾಜಕಾರಣದ ಸ್ಫೋಟಕ ರಹಸ್ಯ? ಎಂಬ ಅನುಮಾನ ಶುರುವಾಗಿದೆ. ಹೊಸ ಫ್ರೆಂಡ್​ಶಿಪ್ ಮೂಲಕ ಹೈಕಮಾಂಡ್​ಗೆ ಮೆಸೇಜ್ ಕೊಟ್ರಾ ಬಿಎಸ್​ವೈ? ನಾಯಕತ್ವ ಬದಲಾವಣೆ ಚರ್ಚೆ ಮಧ್ಯೆಯೇ ಗೌಡರ ಜೊತೆ ಕೈ ಕುಲುಕಿದ್ರಾ ಸಿಎಂ? ಅಗತ್ಯ ಬಿದ್ದರೆ ಬಿಜೆಪಿ-ಜೆಡಿಎಸ್​ ಮೈತ್ರಿಗೂ ಯಡಿಯೂರಪ್ಪ ಸೈ ? ಅಂತಾರಾ ಎಂಬ ಪ್ರಶ್ನೆ ಎದುರಾಗಿದೆ.