ರಾಜ್ಯದಲ್ಲಿ 37 ಹೊಸ ಕೊರೋನಾ ಪ್ರಕರಣಗಳು​ ಪತ್ತೆ: ಇಬ್ಬರು ಸಾವು

ಬೆಂಗಳೂರು(ಮೇ.04): ಕಳೆದ 24 ಗಂಟೆಗಳಲ್ಲಿ 37 ಹೊಸ ಕೋವಿಡ್​​​-19 ಪಾಸಿಟಿವ್​ ಕೇಸುಗಳು ಪತ್ತೆಯಾದ ಪರಿಣಾಮ ರಾಜ್ಯದಲ್ಲಿ ಸೋಂಕಿತರ ಸಂಖ್ಯೆ 651ಕ್ಕೇರಿಕೆ ಆಗಿದೆ. ಇಂದು ದಾವಣಗೆರೆ 22, ಬೀದರ್​ 7, ಮಂಡ್ಯ 2, ಕಲ್ಬುರ್ಗಿ 2, ಚಿಕ್ಕಬಳ್ಳಾಪುರ 1, ಹಾವೇರಿ 1, ವಿಜಯಪುರ 1, ಬೆಂಗಳೂರಿನಲ್ಲಿ ಒಂದು ಕೊರೋನಾ ಕೇಸ್​ ದಾಖಲಾಗಿದೆ. ಜತೆಗೆ ಈ ಮಾರಕ ಸೋಂಕಿಗೆ ಇಬ್ಬರು ಬಲಿಯಾಗಿದ್ದು, ಮೃತರ ಸಂಖ್ಯೆ 27ಕ್ಕೆ ಏರಿಕೆಯಾಗಿದೆ ಎಂದು ರಾಜ್ಯ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿದ ಹೆಲ್ತ್​​ ಬುಲೆಟಿನ್​​ನಲ್ಲಿ ತಿಳಿದು ಬಂದಿದೆ.

ಇನ್ನು, ಕಲಬುರ್ಗಿ ಮೂಲದ 56 ವರ್ಷದ ವ್ಯಕ್ತಿ ಸೋಂಕಿನಿಂದ ಮೃತಪಟ್ಟಿದ್ದಾರೆ. ಈ ಬೆನ್ನಲ್ಲೇ ದಾವಣಗೆರೆಯ 48 ವರ್ಷದ ನಿವಾಸಿ ಕೂಡ ಚಿಕಿತ್ಸೆ ಫಲಿಸದೇ ಮೃತಪಟ್ಟಿದ್ದಾರೆ. ಒಟ್ಟು 651 ಸೋಂಕಿತರ ಪೈಕಿ 321 ಜನ ಗುಣಮುಖರಾಗಿದ್ದಾರೆ. ಹಾಗಾಗಿ ಸದ್ಯ 302 ಆ್ಯಕ್ಟೀವ್​​ ಕೇಸುಗಳು ಇವೆ.

ರಾಜ್ಯದ ಒಟ್ಟು 295 ಕೊರೋನಾ ಆಕ್ಟಿವ್ ಪ್ರಕರಣಗಳ ಪಟ್ಟಿ ಹೀಗಿದೆ:

ಬೆಂಗಳೂರು: 68
ಬೆಳಗಾವಿ: 44
ಕಲಬುರ್ಗಿ: 36
ವಿಜಯಪುರ: 26
ಬಾಗಲಕೋಟೆ: 22
ಮಂಡ್ಯ: 21
ದಕ್ಷಿಣ ಕನ್ನಡ: 9
ದಾವಣಗೆರೆ: 28
ಚಿಕ್ಕಬಳ್ಳಾಪುರ: 7
ಧಾರವಾಡ: 4
ಬಳ್ಳಾರಿ: 5
ತುಮಕೂರು: 4
ಗದಗ: 3
ಇತರೆ: 2

ದೇಶದಲ್ಲಿ ಕಳೆದ 24 ಗಂಟೆಯಲ್ಲಿ 1,074 ಮಂದಿ ಕೊರೋನಾ ಸೋಂಕಿನಿಂದ ಗುಣಮುಖರಾಗಿ, ಆಸ್ಪತ್ರೆಯಿಂದ ಡಿಸ್​ಚಾರ್ಜ್​ ಆಗಿದ್ದಾರೆ. ಈವರೆಗೂ 11,706 ಸೋಂಕಿಯರು ಸಂಪೂರ್ಣವಾಗಿ ಗುಣಮುಖರಾಗಿದ್ದಾರೆ. ಇದರೊಂದಿಗೆ ಮಾರಕ ಸೋಂಕಿನಿಂದ ಗುಣವಾಗುವ ಪ್ರಮಾಣ ಶೇ.27.52ಕ್ಕೆ ಏರಿಕೆಯಾಗಿದೆ. ದೇಶದಲ್ಲಿ ಒಟ್ಟು 42,533 ಪ್ರಕರಣಗಳು ಈವರೆಗೆ ದಾಖಲಾಗಿವೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ ಜಂಟಿ ಕಾರ್ಯದರ್ಶಿ ಲವ ಅಗರವಾಲ್ ಮಾಹಿತಿ ನೀಡಿದ್ದಾರೆ.