ಬೆಂಗಳೂರು: ರಾಜ್ಯ ರಾಜಧಾನಿಯಲ್ಲಿ ಮತ್ತೆ ಹನಿಟ್ರ್ಯಾಪ್ ಸದ್ದು ಕೇಳಿ ಬಂದಿದೆ. ಬಲವಂತವಾಗಿ ಯವತಿ ಜೊತೆ ಫೋಟೋ ಕ್ಲಿಕ್ಕಿಸಿ ಹುಡುಗರನ್ನು ಖೆಡ್ಡಾಕ್ಕೆ ಕೆಡವಿದ್ದಾರೆ. ಇದೇ ರೀತಿ ಸುಂದರವಾದ ಹುಡುಗಿಯರ ಆಸೆ ತೋರಿಸಿ ಖೆಡ್ಡಾಗೆ ಬೀಳಿಸಿರುವ ಘಟನೆ ಬೆಂಗಳೂರಿನ ಕಾಡುಗೊಂಡನಹಳ್ಳಿಯಲ್ಲಿ ನಡೆದಿದೆ.
27 ವರ್ಷದ ಅಡುಗೆ ಕೆಲಸ ಮಾಡುತ್ತಿದ್ದವ ಹನಿಟ್ರಾಪ್ ಬಲೆಗೆ ಬಿದ್ದಿದ್ದಾನೆ. ಹನಿಟ್ರಾಪ್ ರೂವಾರಿ ಅಮ್ರಿನ್, ಪರಿಚಯಸ್ಥನಾಗಿದ್ದ ಸಂತ್ರಸ್ತ ಯುವಕನ ಜೊತೆ ಜ.22 ರಂದು ಮೂರ್ನಾಲ್ಕು ಸುಂದರ ಯುವತಿಯರ ಬಗ್ಗೆ ಮಾಹಿತಿಯನ್ನು ಕೇಳಿದ್ದಳಂತೆ. ಅಲ್ಲದೆ ಸುಂದರ ಯುವತಿಯರನ್ನು ಕಳುಹಿಸಿಕೊಡುತ್ತೇನೆಂದು ಕೂಡ ಹೇಳಿದ್ದಳು.
ಸ್ವಲ್ಪ ಹೊತ್ತಲ್ಲೆ ಅದೇ ಮನೆಗೆ ಅಮ್ರಿನ್ ಸಹಚರರಾದ ಬೆಂಡ್ ಜಾವೇದ್, ಶಾಹಿದ್ ಹಾಗೂ ಸಮೀರ್ ಎಂಟ್ರಿ ಕೊಟ್ಟಿದ್ದಾರೆ. ಏಕಾಏಕಿ ಸಂತ್ರಸ್ತ ಯುವಕನ ತರಾಟೆಗೆ ತೆಗೆದುಕೊಂಡ ಅಮ್ರಿನ್ ಸಹಚರರು, ನೀನು ಅಮ್ರಿನ್ ಜೊತೆ ಸಂಬಂಧ ಇಟ್ಟುಕೊಂಡಿದ್ದಿಯಾ. ನೀನು ಅಮ್ರಿನ್ ಜೊತೆ ಮಾತನಾಡಿರುವ ಆಡಿಯೋ ರೆಕಾರ್ಡಿಂಗ್ ಇದೆ ಎಂದು ಸಂತ್ರಸ್ತ ಯವಕನಿಗೆ ಬೆದರಿಸಿದ್ದಾರೆ.
ಅಮ್ರಿನ್ ಸಹಚರರು ಅಮ್ರಿನ್ ಜೊತೆ ಸಂತ್ರಸ್ತ ಯುವಕನನ್ನು ಅಶ್ಲೀಲ ಭಂಗಿಯಲ್ಲಿ ನಿಲ್ಲಿಸಿ ಫೊಟೋ ಕ್ಲಿಕ್ಕಿಸಿಕೊಂಡ ಆರೋಪಿಗಳು ಬಲವಂತವಾಗಿ ಫೋಟೋ ತೆಗೆದುಕೊಂಡು ಬ್ಲಾಕ್ ಮೇಲ್ ಮಾಡಿದ್ದಾರೆ. ಹಣ ಕೊಡದೇ ಇದ್ದರೆ ಅಮ್ರಿನ್ ಜೊತೆಗಿನ ಫೋಟೊಗಳು ವೈರಲ್ ಮಾಡುವುದಾಗಿ ಧಮ್ಕಿ ಹಾಕಿದ್ದಾರೆ. ಕೊನೆಗೆ ಮನೆಯಲ್ಲಿದ್ದ 2.25 ಲಕ್ಷ ಹಣ ದೋಚಿ ಎಸ್ಕೇಪ್ ಆಗಿದ್ದಾರೆ.
ಪ್ರಕರಣ ಸಂಬಂಧ ಆರೋಪಿಗಳನ್ನು ಕಾಡುಗೊಂಡನಹಳ್ಳಿ ಪೊಲೀಸರು ಬಂಧಿಸಿದ್ದಾರೆ.
Comments are closed.