ಬಾಗಲಕೋಟೆ: ಈರುಳ್ಳಿ ಬೆಲೆ ಗಗನಕ್ಕೇರಿದೆ. ಹೋಲ್ಸೇಲ್ನಲ್ಲಿ ಕೆಜಿಗೆ 150 ರೂಪಾಯಿಯಂತೆ ಈರುಳ್ಳಿ ಮಾರಾಟವಾಗುತ್ತಿದ್ದು, ಹಾಪ್ಕಾಮ್ಸ್ನಲ್ಲಿ 165-170 ರೂ.ಗೆ ಕೆಜಿ ಈರುಳ್ಳಿ ದೊರೆಯುತ್ತಿದೆ. ಈರುಳ್ಳಿ ತೋಟಕ್ಕೆ ರೈತರು ಕಾವಲು ಕಾಯುತ್ತಿರುವ ವಿಡಿಯೋ ಇತ್ತೀಚೆಗೆ ವೈರಲ್ ಆಗಿತ್ತು. ಮದುವೆಗೆ ಈ ದುಬಾರಿ ತರಕಾರಿ ಗಿಫ್ಟ್ ನೀಡಿದ ವಿಡಿಯೋ ಈಗ ಸದ್ದು ಮಾಡಿದೆ.
ಘಟನೆ ನಡೆದಿದ್ದು ಬಾಗಲಕೋಟೆಯಲ್ಲಿ. ಹುಡುಗ-ಹುಡುಗಿ ಮದುವೆ ಸಂಭ್ರಮದಲ್ಲಿದ್ದರು. ವಿವಾಹ ಎಂದಮೇಲೆ ನೆಂಟರಿಷ್ಟರಿಂದ ಒಂದಷ್ಟು ಉಡುಗೊರೆ ಬುರುವುದು ಸಾಮಾನ್ಯ. ಅದೇ ರೀತಿ ಈ ಜೋಡಿಯ ಮದುವೆಗೂ ಅನೇಕರು ಉಡುಗೊರೆಗಳನ್ನು ನೀಡಿದ್ದರು.
ದಂಪತಿಗೆ ಒಂದು ಗಿಫ್ಟ್ ಬಾಕ್ಸ್ ಕೊಟ್ಟ ಗೆಳೆಯರು ಬಾಕ್ಸ್ ತೆಗೆದು ನೋಡುವಂತೆ ಸೂಚಿಸಿದ್ದಾರೆ. ತೆಗೆದು ನೋಡಿದರೆ ದುಬಾರಿ ಈರುಳ್ಳಿ. ಈ ದುಬಾರಿ ಗಿಫ್ಟ್ ನೋಡಿ ಎಲ್ಲರೂ ನಸು ನಕ್ಕಿದ್ದಾರೆ. ಮದುವೆಯಲ್ಲಿ ಈರುಳ್ಳಿ ಬಾಕ್ಸ್ ಕೊಟ್ಟ ವಿಡಿಯೋ ಫುಲ್ ವೈರಲ್ ಆಗಿದೆ.
ಅನೇಕರು ವಧುವರರಿಗೆ ಎಂಥಾ ದುಬಾರಿ ಗಿಫ್ಟ್ ಸಿಕ್ಕಿದೆ ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಇನ್ನೂ ಕೆಲವರು, ನಮ್ಮ ಮದುವೆಗೆ ಯಾರೂ ಇಷ್ಟು ದುಬಾರಿ ಗಿಫ್ಟ್ ಕೊಟ್ಟಿಲ್ಲ ಎಂದು ನಕ್ಕಿದ್ದಾರೆ.
Comments are closed.