ಇದು ಖ್ಯಾತ ಪತ್ರಕರ್ತ ರವಿ ಬೆಳಗೆರೆ ಹಾಕಿರುವ ಫೇಸ್‌ಬುಕ್ ಸ್ಟೇಟಸ್

ಖ್ಯಾತ ಪತ್ರಕರ್ತ ರವಿ ಬೆಳಗೆರೆ ಹಾಕಿರುವ ಫೇಸ್‌ಬುಕ್ ಸ್ಟೇಟಸ್ ಹಲವಾರು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ.
“ಪ್ರಿಯರೆ, ನಾನು ಕೆಲವಷ್ಟು ದಿನಗಳ ತನಕ ನಿಗೂಢ ಲೋಕಕ್ಕೆ ಹೋಗುತ್ತಿದ್ದೇನೆ, ಹೀಗಾಗಿ ಕೆಲಕಾಲ ನಾನು ಫೋನ್‌ಗೆ, ಫೇಸ್‌ಬುಕ್‌ಗೆ ಆಫೀಸಿನಲ್ಲಿನ ಭೇಟಿಗೆ ಸಿಗುವುದಿಲ್ಲ. ನಿಗೂಢವಾಸ ಮುಗಿದಮೇಲೆ ಸಿಗುತ್ತೇನೆ” ಎಂದಿದ್ದಾರೆ ರವಿ ಬೆಳಗೆರೆ. ಅಷ್ಟೇ ಅಲ್ಲದೆ ಈ ಪೋಸ್ಟ್ ಈಗ ಡಿಲೀಟ್ ಮಾಡಿದ್ದಾರೆ ರವಿ.

ಅಷ್ಟಕ್ಕೂ ರವಿ ಬೆಳಗೆರೆ ಹೋಗುತ್ತಿರುವುದೆಲ್ಲಿಗೆ? ಜೋಯಿಡಾದ ಎಸ್ಟೇಟ್‌ಗೆ ರವಿ ಹೋಗುತ್ತಿದ್ದಾರಾ? ಗೊತ್ತಿಲ್ಲ. ಕೆಲ ದಿನಗಳಿಂದ ರವಿ ಬೆಳಗೆರೆ ಬಿಗ್‌ ಬಾಸ್‌ ಕನ್ನಡ ಸೀಸನ್‌ 7ಗೆ ಹೋಗುತ್ತಾರೆ ಎಂದು ಸುದ್ದಿಯಾಗಿತ್ತು. ಅಷ್ಟೇ ಅಲ್ಲದೆ ಸಾಕಷ್ಟು ಚರ್ಚೆಗಳಾಗಿದ್ದವು. ಈ ಫೇಸ್‌ಬುಕ್ ಪೋಸ್ಟ್ ನೋಡಿದಮೇಲೆ ರವಿ ಬೆಳಗೆರೆ ಬಿಗ್‌ಬಾಸ್‌ಗೆ ಹೋಗೋದು ಪಕ್ಕಾ ಎಂಬ ಲೆಕ್ಕಾಚಾರ ನಡೆಯುತ್ತಿದೆ. ಈ ಎಲ್ಲ ಕುತೂಹಲಕ್ಕೆ ನಾಳೆ ತೆರೆ ಬೀಳಲಿದೆ. ಅಕ್ಟೋಬರ್ 13ರಂದು ಸಂಜೆ ಆರು ಗಂಟೆಗೆ ಬಿಗ್‌ಬಾಸ್‌ ಈ ಬಾರಿಯ ಸೀಸನ್‌ನ ಗ್ರ್ಯಾಂಡ್ ಓಪನಿಂಗ್ ಶುರುವಾಗಲಿದೆ. ಎಂದಿನಂತೆ ಸುದೀಪ್ ಕೂಡ ಈ ಬಾರಿ ನಿರೂಪಕರಾಗಿತ್ತಾರೆ. ಬಿಗ್‌ ಮನೆಯೊಳಗಡೆ 17ಮಂದಿ ಸೆಲೆಬ್ರಿಟಿಗಳು ಪ್ರವೇಶ ಮಾಡುತ್ತಾರೆ. ಬಿಡದಿ ಬಳಿಯಿರುವ ಇನೋವೇಟಿವ್ ಫಿಲ್ಮ್ ಸಿಟಿಯಲ್ಲಿ ಬಿಗ್‌ಬಾಸ್ ಮನೆಯಿದೆ. ಆ 17ಸ್ಪರ್ಧಿಗಳಾರು ಎಂಬ ಬಗ್ಗೆ ಸಾಕಷ್ಟು ಚರ್ಚೆ ನಡೆಯುತ್ತಿದೆ, ಅಷ್ಟೇ ಅಲ್ಲದೆ ಕೆಲ ಸಂಭಾವ್ಯ ಅಭ್ಯರ್ಥಿಗಳ ಹೆಸರು ಕೂಡ ಕೇಳಿಬರುತ್ತಿದೆ.