144 ಸೆಕ್ಷನ್​ ಜಾರಿ ಮಾಡಲು ನಾವು ಯಾರು’ – ಶಾಸಕ ಶಿವಲಿಂಗೇಗೌಡ

ಬೆಂಗಳೂರು: ನಾವೇನು ಪ್ರಜಾಪ್ರಭುತ್ವದಲ್ಲಿದ್ದೇವಾ(?) ಎಂದು ಅರಸೀಕೆರೆ ಜೆಡಿಎಸ್ ಶಾಸಕ ಶಿವಲಿಂಗೇಗೌಡ ಅವರು ಸದನದಲ್ಲಿ ಪ್ರಶ್ನೆ ಮಾಡುವ ಮೂಲಕ ಬಿಜೆಪಿ ನಾಯಕರಿಗೆ ಟಾಂಗ್​ ಕೊಟ್ಟಿದ್ದಾರೆ.

ವಿಧಾನಸೌಧದಲ್ಲಿ ಶುಕ್ರವಾರ ನಡೆದ ಸದನದಲ್ಲಿ ಮಾತನಾಡಿದ ಅವರು, ನಾವು ಹೋಟೆಲ್​​ನಲ್ಲಿ ಕೊಠಡಿ ಬುಕ್​ ಮಾಡಿದ್ದರು. ನಮಗೆ ಕೊಠಡಿಗೆ ಹೋಗಿ ಸ್ನಾನ ಮಾಡುವುದಕ್ಕೂ ಅವಕಾಶ ನೀಡಲಿಲ್ಲ, ಅಲ್ಲಿ ನಮ್ಮನ್ನು ಬಹಳ ನಿಷ್ಠುರವಾಗಿ ನಡೆಸಿಕೊಂಡರು ಎಂದು ಅವರು ನಡೆದ ಘಟನೆಯನ್ನು ಪ್ರಸ್ತಾಪಿಸಿದರು.

ಅಲ್ಲದೇ ನಮ್ಮ ಮೇಲೆ 144 ಸೆಕ್ಷನ್​​ ಜಾರಿ ಮಾಡಿದರು. ಅಲ್ಲಿ ಬಿಜೆಪಿ ಸರ್ಕಾರ ಇರುವುದಕ್ಕೆ ತಲಾ ಇಬ್ಬರು ಸಚಿವರು ಮತ್ತು ಶಾಸಕರನ್ನು ಹೀಗೆನಾ ನಡೆಸುಕೊಳ್ಳೋದು ಇದನ್ನ ನಾವು ಯಾರ ಬಳಿ ಕೇಳಬೇಕು ಎಂದು ಶಾಸಕ ಶಿವಲಿಂಗೇಗೌಡ ಅವರು ತಮ್ಮ ನೋವನ್ನು ಸ್ಪೀಕರ್​ ರಮೇಶ್ ಕುಮಾರ್ ಮುಂದೆ ಹೇಳಿಕೊಂಡರು.

ಇನ್ನು ಹೋಟೆಲ್​ ಏನು ಸರ್ಕಾರದ ಸ್ವತ್ತೇ. ನಾವು ಬೀದಿಯಲ್ಲಿ ಕುಳಿತ್ತಿದ್ದಾಗ ಆ ಸ್ಥಳದಲ್ಲಿ ಇದ್ದವರು ಸೌಜನ್ಯಕ್ಕೂ ಮಾತನಾಡಿಸಲಿಲ್ಲ, ಅಲ್ಲಿ 50 ಗೂಂಡಾಗಳನ್ನು ನೇಮಕ ಮಾಡಿದ್ದರು ಜೊತೆಗೆ ಬಿಜೆಪಿ ನಾಯಕರು ಕೂಡ ಹೋಟೆಲ್​ನ​​​ ಒಳಗಿದ್ದರು. ನಿಮ್ಮ ಕುತಂತ್ರಕ್ಕೆ ಕನ್ನಡಿ ಬೇರೆ ಬೇಕಾ(?) ಎಂದು ಬಿಜೆಪಿ ಶಾಸಕರ ವಿರುದ್ಧ ಜೆಡಿಎಸ್​ ಶಾಸಕ ಶಿವಲಿಂಗೇಗೌಡ ಅವರು ಸದನದಲ್ಲಿ ತಮಗೆ ಆದ ಅನುಭವನ್ನು ವಿವರಿಸಿದರು.