ಬೆಂಗಳೂರು: ನಗರ ಪೊಲೀಸ್‌ ಆಯುಕ್ತ ಟಿ.ಸುನಿಲ್‌ ಕುಮಾರ್‌ ಅವರಿಗೆ ಶಾಲಾ ವಿದ್ಯಾರ್ಥಿಯೊಬ್ಬ ಸಲ್ಯೂಟ್‌ ಹೊಡೆದಿದ್ದು, ಪ್ರತಿಯಾಗಿ ಕಮಿಷನರ್‌ ಕೂಡ ಸಲ್ಯೂಟ್‌ ಹೊಡೆದಿರುವ ವಿಡಿಯೋ (ಜಿಐಎಫ್‌) ವೈರಲ್‌ ಆಗಿದೆ.
ಚಿಕಿತ್ಸೆ ಪಡೆಯುತ್ತಿರುವ ಲೋಕಾಯುಕ್ತರ ಆರೋಗ್ಯ ವಿಚಾರಿಸಲು ಮಲ್ಯ ಆಸ್ಪತ್ರೆಗೆ ಭೇಟಿ ನೀಡಿದ್ದ ಸುನಿಲ್‌ ಕುಮಾರ್‌ ಹೊರಗೆ ಬರುತ್ತಿದ್ದರು. ಅದೇ ವೇಳೆಗೆ ಶಾಲಾ ವಿದ್ಯಾರ್ಥಿಯೊಬ್ಬ ಎದುರಾಗಿದ್ದು, ಕಮಿಷನರ್‌ ಅವರನ್ನು ಕಂಡು ಸಲ್ಯೂಟ್‌ ಹೊಡೆದಿದ್ದಾನೆ. ಕೂಡಲೇ ತಮ್ಮ ಕೈಯಲ್ಲಿ ಹಿಡಿದುಕೊಂಡಿದ್ದ ಲಾಠಿಯನ್ನು ಎಡಗೈಗೆ ತೆಗೆದುಕೊಂಡ ಕಮಿಷನರ್‌, ವಿದ್ಯಾರ್ಥಿಗೆ ಸಲ್ಯೂಟ್‌ ಹೊಡೆದಿದ್ದಾರೆ. ಸುದ್ದಿ ವಾಹಿನಿಯ ಕ್ಯಾಮೆರಾದಲ್ಲಿ ಈ ವಿಡಿಯೋ ಸೆರೆಯಾಗಿದ್ದು, ಜಾಲತಾಣಗಳಲ್ಲಿ ವೈರಲ್‌ ಆಗಿದೆ. ಕಮಿಷನರ್‌ ಸಲ್ಯೂಟ್‌ಗೆ ಸಾರ್ವಜನಿಕರು ವ್ಯಾಪಕ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಜಿಐಎಫ್‌ ಅನ್ನು ಬೆಂಗಳೂರು ನಗರ ಪೊಲೀಸ್‌ ಟ್ವಿಟರ್‌ ಸೇರಿದಂತೆ ಜಾಲತಾಣಗಳ ಪೇಜ್‌ಗಳಲ್ಲಿ ಶೇರ್‌ ಮಾಡಲಾಗಿದ್ದು, ಗೌರವ, ಹುದ್ದೆ, ವಯಸ್ಸು ಸ್ಥಾನಮಾನಗಳನ್ನು ಮೀರಿದ್ದು ‘ನಮ್ಮ ಹೆಮ್ಮೆ ನಮ್ಮ ಶಿಸ್ತು’ ಎಂದು ಅಡಿ ಬರಹ ನೀಡಲಾಗಿದೆ.
Comments are closed.