82ರ ಶರಣಬಸವಪ್ಪ ಅಪ್ಪಾಗೆ 8 ಹೆಣ್ಣುಮಕ್ಕಳ ಬಳಿಕ ಪುತ್ರೋತ್ಸವ

ಕಲಬುರಗಿ: ಶರಣಬಸವೇಶ್ವರ ಸಂಸ್ಥಾನದ ಪೀಠಾಧಿಪತಿ 82 ವರ್ಷದ ಡಾ. ಶರಣಬಸವಪ್ಪ-ದಾಕ್ಷಾಯಣಿ ಅಪ್ಪ ಅವರಿಗೆ ಒಂಬತ್ತನೇ ಮಗು ಹುಟ್ಟಿದೆ.

ಇವರಿಗೆ ಎಂಟು ಹೆಣ್ಣು ಮಕ್ಕಳಿದ್ದು, ಇಬ್ಬರು ಪತ್ನಿಯರಿದ್ದ್ದುದಾರೆ. ಎರಡನೇ ಪತ್ನಿಗೆ ಈಗ ಗಂಡು ಮಗು ಜನಿಸಿದೆ. ಮೊದಲ ಪತ್ನಿಗೆ ಐವರು ಹೆಣ್ಣುಮಕ್ಕಳು, ಎರಡನೇ ಪತ್ನಿಗೆ ಮೂವರು ಹೆಣ್ಣು ಮಕ್ಕಳಿದ್ದಾರೆ. ಮಠಕ್ಕೆ ನೂರು ಕೋಟಿ ಆಸ್ತಿ ಇದ್ದು, ಈ ಗಂಡು ಮಗುವೇ ಮುಂದೆ 9ನೇ ಪೀಠಾಧಿಪತಿಯಾಗಲಿದೆ.

ಮುಂಬಯಿನ ಖಾಸಗಿ ಆಸ್ಪತ್ರೆಯಲ್ಲಿ ಬುಧವಾರ ಗಂಡುಮಗು ಜನಿಸಿದ ಸುದ್ದಿ ತಿಳಿಯುತ್ತಿದ್ದಂತೆಯೇ ಭಕ್ತರು ಶರಣಬಸವೇಶ್ವರ ಸಂಸ್ಥಾನದ ಮುಂದೆ ಜಮಾಯಿಸಿ ಪಟಾಕಿ ಸಿಡಿಸಿ ಖುಷಿಪಟ್ಟರು.

ಶರಣಬಸವಪ್ಪ ಅಪ್ಪ ಎಂಟನೇ ಪೀಠಾಧಿಪತಿಯಾಗಿದ್ದು, ಈಗ ಉತ್ತರಾಧಿಕಾರಿ ಹುಟ್ಟಿರುವುದಕ್ಕೆ ಮಹಾದಾಸೋಹ ಮನೆಯಲ್ಲಿ ಸಂಭ್ರಮ ಮನೆ ಮಾಡಿದೆ. ಭಕ್ತರು ಪರಸ್ಪರ ಸಿಹಿ ಹಂಚಿ ಸಂತಸ ಪಟ್ಟರು. ಗಂಡು ಮಗುವಿಗೆ ಡಾ. ಅಪ್ಪಾ ಅವರು ರುದ್ರಾಕ್ಷಿ ಹಾಕುತ್ತಿರುವ ಚಿತ್ರ ಸಾಮಾಜಿಕ ಜಾಲ ತಾಣಗಳಲ್ಲಿ ವೈರಲ್‌ ಆಗಿದೆ.