ವಸತಿ ಶಾಲಾ ಮಕ್ಕಳ ಊಟದಲ್ಲಿ ಇಲಿ!

ಬೀದರ್ (ಜ.31): ಸರ್ಕಾರಿ ವಸತಿ ಶಾಲೆಯ ಊಟದಲ್ಲಿ ಸತ್ತ ಇಲಿ ಪತ್ತೆಯಾಗಿದೆ. ಅಲ್ಲದೇ ಈ ಊಟ ಮಾಡಿದ 7 ಜನ ವಿದ್ಯಾರ್ಥಿಗಳಿಗೆ ವಾಂತಿ ಭೇದಿ ಶುರುವಾಗಿದೆ.
ಬೀದರ್​​ ಜಿಲ್ಲೆಯ ಹುಮ್ನಾಬಾದ್​​ ತಾಲೂಕಿನ ದುಬಲಗುಂಡಿ ಗ್ರಾಮದ ಸರ್ಕಾರಿ ಮೆಟ್ರಿಕ್​​ ಬಾಲಕರ ವಸತಿ ಶಾಲೆಯ್ಲಲಿ ಈ ಘಟನೆ ನಡೆದಿದೆ.
ಈ ಹಾಸ್ಟೆಲ್​​​​’ನಲ್ಲಿ ನಿನ್ನೆ ರಾತ್ರಿಯ ಊಟದಲ್ಲಿ ಇಲಿ ಪತ್ತೆಯಾಗಿದೆ. ವಿದ್ಯಾರ್ಥಿಗಳು ಮಾಡುತ್ತಿದ್ದ ವೇಳೆಯಲ್ಲಿ, ಪವನ್​​ ಎಂಬಾತನ ತಟ್ಟೆಯಲ್ಲಿ ಅನ್ನ ಮತ್ತು ಸಾರು ಹಾಕಿಕೊಂಡಿದ್ದಾನೆ, ಆಗ ಸತ್ತ ಇಲಿ ಪತ್ತೆಯಾಗಿದೆ.
ಬಳಿಕ 7 ವಿದ್ಯಾರ್ಥಿಗಳು ವಾಂತಿ ಮಾಡಲು ಆರಂಭಿಸಿದ್ದಾರೆ. ವಿಷಯ ತಿಳಿದ ವಸತಿ ಶಾಲೆ ವಾರ್ಡನ್ ಪ್ರಕರಣ ಮುಚ್ಚಿ ಹಾಕಲು ಯತ್ನಿಸಿದ್ದಾನೆ. ಮಕ್ಕಳಿಗೆ ಮಾತ್ರೆ ಕೊಟ್ಟು ಸುಮ್ಮನಾಗಿದ್ದಾನೆ.
ಅಸ್ವಸ್ಥಗೊಂಡ ಮಕ್ಕಳ ಪರಿಸ್ಥಿತಿ ಸುಧಾರಿಸಿಲ್ಲ, ಹೀಗಾಗಿ ಗ್ರಾಮಸ್ಥರು ಮಕ್ಕಳನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿದ್ದಾರೆ.