ತಾತನ ಜೊತೆ ಶಾಲೆಗೆ ಹೋಗುತ್ತಿದ್ದ ವಿದ್ಯಾರ್ಥಿ ಅಪಹರಣ

ಕೆ.ಆರ್. ಪುರಂ, ನ. ೨೬- ತಾತನ ಜೊತೆ ಶಾಲೆಗೆ ಹೋಗುತ್ತಿದ್ದ ಮಗುವನ್ನು ಸಿನಿಮೀಯ ರೀತಿಯಲ್ಲಿ ಅಪಹರಣ ಮಾಡಿರುವ ಘಟನೆ ಕೆ.ಆರ್. ಪುರಂನ ಅಯ್ಯಪ್ಪ ನಗರದಲ್ಲಿ ಇಂದು ಬೆಳಿಗ್ಗೆ ನಡೆದಿದೆ.
ನಾರಾಯಣ ಇ ಟೆಕ್ನೋ ಶಾಲೆಯಲ್ಲಿ ೪ನೇ ತರಗತಿಯಲ್ಲಿ ಓದುತ್ತಿದ್ದ ಮಯಾಂಕ್ (೧೦) ಅಪಹರಣಕ್ಕೆ ಒಳಗಾದ ಮಗು. ಬೆಳಿಗ್ಗೆ ೮ ಗಂಟೆ ಸುಮಾರಿಗೆ ನಾರಾಯಣ ಇ ಟೆಕ್ನೋ ಶಾಲೆಗೆ ತಾತನ ಜೊತೆ ತೆರಳುವ ವೇಳೆ ಸಿನಿಮೀಯ ರೀತಿಯಲ್ಲಿ ಬಂದ ಕಾರಿನಲ್ಲಿ ಮಗುವನ್ನು ಅಪಹರಣ ಮಾಡಲಾಗಿದೆ.
ಟಿಂಬರ್ ಉದ್ಯಮಿ ಹರೀಶ್ ಅವರ ಮಗನಾದ ಮಯಾಂಕ್,ಅಯ್ಯಪ್ಪನಗರದ ಶಾಲೆಗೆ ಹೋಗುವ ಸಂದರ್ಭದಲ್ಲಿ ಅಪಹರಣವಾಗಿದ್ದು,ಅಪಹರಣಕಾರರ ಪತ್ತೆಗೆ ಕೆ.ಆರ್. ಪುರಂ ಪೊಲೀಸರು ಶೋಧ ಕಾರ್ಯ ಆರಂಭಿಸಿದ್ದಾರೆ.