ಮಡಿಕೇರಿ: ಇತ್ತೀಚೆಗಷ್ಟೇ ಬೆಂಗಳೂರಿನಲ್ಲಿ ಗೃಹಾಸ್ಥಾಶ್ರಮಕ್ಕೆ ಕಾಲಿಟ್ಟ ರಾಬಿನ್ ಉತ್ತಪ್ಪ ತಂದೆ ವೇಣು ಉತ್ತಪ್ಪರ ಆಸೆಯಂತೆ ಕೊಡವ ಶೈಲಿಯಲ್ಲಿ ಶೀತಲ್ ಗೌತಮ್ರನ್ನು ವರಿಸಿದ್ದಾರೆ.
ಕೊಡಗಿನ ಸಾಂಪ್ರದಾಯಿಕ ಕುಪ್ಪೆಚಾಲೆಯಲ್ಲಿ ಕ್ರಿಕೆಟಿಗ ರಾಬಿನ್ ಉತ್ತಪ್ಪ ಮತ್ತೊಂದೆಡೆ ಕೊಡವ ಸೀರೆಯನ್ನುಟ್ಟು ರಾಷ್ಟ್ರೀಯ ಟೆನ್ನಿಸ್ ಆಟಗಾರ್ತಿ ಶೀತಲ್ ಗೌತಮ್ ಕಂಗೊಳಿಸುತ್ತಿದ್ದರು. ಮಡಿಕೇರಿಯ ಕ್ರಿಸ್ಟಲ್ ಕೋರ್ಟ್ ಹೋಟೆಲ್ನಲ್ಲಿ ವಿವಾಹ ಸಂಭ್ರಮ ಕಳೆ ಕಟ್ಟಿತ್ತು. ಮದುವೆಗೆ ಕೆಲವು ಕ್ರಿಕೆಟಿಗರು, ಆತ್ಮೀಯ ಸ್ನೇಹಿತರು, ಬಂಧುಗಳು ಭಾಗವಹಿಸಿ ನೂತನ ವಧು-ವರರಿಗೆ ಆಶೀರ್ವದಿಸಿದರು.
ಕೊಡಗಿನ ಸ್ಥಳಿಯ ಖಾದ್ಯಗಳಾದ ನೂಪುಟ್ಟು, ಅಪ್ಪಂ, ಕೋಳಿ ಸಾರು, ಪಂದಿ ಕರಿ.. ಹೀಗೆ ನಾನಾ ಖಾದ್ಯಗಳ ಔತಣ ಏರ್ಪಡಿಸಲಾಗಿತ್ತು.
