ಮುಂಬೈ: ಸೂಪರ್ ಸ್ಟಾರ್ ರಜನಿಕಾಂತ್ ಅವರನ್ನು ಆಧರಿಸಿ ಸಿನೆಮಾ ಮಾಡಲು 300 ಕೋಟಿ ರೂ ಬೇಕಾಗುತ್ತದೆ. ಆದುದರಿಂದ ಅದು ಕಷ್ಟ ಎಂದಿದ್ದಾರೆ ನಿರ್ದೇಶಕ ಸಾಜಿದ್ ಖಾನ್.
“ನಾವದನ್ನು (ಸಿನೆಮಾ) ಮಾಡಲಾಗುವುದಿಲ್ಲ. ಆದರೆ ನಾವು ಮಾಡಬೇಕಿದ್ದರೆ, ಏಕಾಗಬಾರದು? ಹತ್ವಾಕಾಂಕ್ಷೆಯಾಗಿ ತೆಗೆದುಕೊಳ್ಳಬೇಕು… ಅವರ ಮೇಲೆ ಸಿನೆಮಾ ಮಾಡಲು 300 ಕೋಟಿಯಿಂದ 400 ಕೋಟಿ ಬಜೆಟ್ ಬೇಕು” ಎಂದಿದ್ದಾರೆ ಸಾಜಿದ್.
“ರೋಬೋಟ್ ಮತ್ತು ಶಿವಾಜಿಯಂತಹ ಸಿನೆಮಾಗಳಲ್ಲಿ ಅವರನ್ನು ತೊಡಗಿಸಿಕೊಂಡ ಶಂಕರ್ ಅಂತಹ ನಿರ್ದೇಶಕರಿಗೆ ನನ್ನ ನಮನಗಳು” ಎಂದಿದ್ದಾರೆ. ಅವರ ಬಗ್ಗೆ ಸಿನೆಮಾ ಮಾಡಬೇಕಾದರೆ ಬಹಳ ಎಚ್ಚರಿಕೆಯಿಂದರಬೇಕು ಏಕೆಂದರೆ ಅವರಿಗೆ ಅಸಂಖ್ಯಾತ ಅಭಿಮಾನಿಗಳಿದ್ದಾರೆ ಎಂದು ಕೂಡ ‘ಹೇ ಬೇಬಿ’ ಸಿನೆಮಾ ನಿರ್ದೇಶಕರು ಹೇಳಿದ್ದಾರೆ.
“ಅವರನ್ನು ಸರಿಯಾದ ಬೆಳಕಿನಲ್ಲಿ ತೋರಿಸಿಸಬೇಕು. ಸಿನೆಮಾಗಿಂತಲೂ ನಟ ದೊಡ್ಡವನಾಗುವುದು ವಿರಳ ಆದರೆ ರಜನಿಕಾಂತ್ ಅದಕ್ಕೆ ಸರಿಯಾದ ಉದಾಹರಣೆ. ನೀವು ಸಿನೆಮಾ ನೋಡುವುದಿಲ್ಲ ಬದಲಾಗಿ ಅವರನ್ನು ನೋಡುತ್ತೀರಿ ಮತ್ತು ಸಿನೆಮಾ ಅವರ ಸುತ್ತ ಸುತ್ತುತ್ತದೆ ಅಷ್ಟೇ” ಎಂದು ಸೂಪರ್ ಸ್ಟಾರ್ ಅವರ ಅತಿ ದೊಡ್ಡ ಅಭಿಮಾನಿ ಎಂದು ಕರೆದುಕೊಳ್ಳುವ ನಿರ್ದೇಶಕ ಸಾಜಿದ್ ಹೇಳಿದ್ದಾರೆ.
