ಚಿಕ್ಕೋಡಿ: ಬೆಳಗಾವಿಯ ಚಿಕ್ಕೋಡಿಯಲ್ಲಿ ಶಾರ್ಟ್ ಸರ್ಕ್ಯೂಟ್ನಿಂದ ಬೆಂಕಿ ಹತ್ತಿಕೊಂಡು 6 ಮನೆಗಳಿಗೆ ಬೆಂಕಿ ತಗುಲಿದೆ. ಬೆಂಕಿಯ ರುದ್ರನರ್ತನಕ್ಕೆ ಮನೆಗಳಲ್ಲಿದ್ದ ವಸ್ತುಗಳೆಲ್ಲವೂ ಸುಟ್ಟು ಭಸ್ಮವಾಗಿವೆ.
ಬೆಂಕಿ ನಂದಿಸಲು ಅಗ್ನಿಶಾಮಕ ಸಿಬ್ಬಂದಿ ಹರಸಾಹಸ ಮಾಡುತ್ತಿದ್ದಾರೆ. ಚಿಕ್ಕೋಡಿಯ ಹುದ್ದಾರಗಲ್ಲಿಯಲ್ಲಿ ಈ ಘಟನೆ ಸಂಭವಿಸಿದ್ದು, ಮನೆಯಲ್ಲಿರುವ ಅನಿಲ್ ಸಿಲಿಂಡರ್ ಸ್ಫೋಟಿಸಿದರೆ ಭಾರೀ ಅನಾಹುತವಾಗಬಹುದೆಂದು ಹೇಳಲಾಗಿದೆ.
ಒಂದು ಮನೆಯಲ್ಲಿ ಶಾರ್ಟ್ಸರ್ಕ್ಯೂಟ್ ಉಂಟಾಗಿ ಮನೆಯಲ್ಲಿದ್ದ ವಸ್ತುಗಳಿಗೆ ಬೆಂಕಿ ತಗುಲಿತು . ಆ ಬೆಂಕಿಯ ಜ್ವಾಲೆಗಳು ಇತರ ಮನೆಗಳಿಗೂ ವ್ಯಾಪಿಸಿ ಒಟ್ಟು ಆರು ಮನೆಗಳಿಗೆ ಬೆಂಕಿ ಹತ್ತಿಕೊಂಡು ಉರಿಯಿತು ಎಂದು ಸ್ಥಳೀಯರು ಹೇಳಿದ್ದಾರೆ. ಮನೆಯ ಮಾಲೀಕರಿಗೆ ಮುಖದಲ್ಲಿ ಮನೆಗೆ ಬೆಂಕಿಹತ್ತಿಕೊಂಡಿದ್ದರಿಂದ ಆತಂಕದ ಛಾಯೆ ಕವಿದಿದೆ. ತಮ್ಮ ಮನೆಗಳು ಮತ್ತಷ್ಟು ಉರಿದುಹೋಗುವುದಿರಿಂದ ತಪ್ಪಿಸಲು ಇನ್ನಿಲ್ಲದ ಯತ್ನ ನಡೆಸಿದ್ದಾರೆ.