ಉಡುಪಿ: ಕೆ.ಜಿ.ಎಫ್.. ಸಿನೆಮಾ ಇಂಡಸ್ಟ್ರಿಯಲ್ಲೇ ಸದ್ದು ಮಾಡಿದ ಸಿನೆಮಾವಿದು. ಕೆಜಿಎಫ್ ಚಾಪ್ಟರ್ 2- ಸದ್ಯ ಬಹುನಿರೀಕ್ಷಿತ ಸಿನಿಮಾ. ಲಾಕ್ಡೌನ್ನಿಂದಾಗಿ ಕೆಜಿಎಫ್ ಶೂಟಿಂಗ್ ಬರೋಬ್ಬರಿ ಆರೇಳು ತಿಂಗಳು ಸ್ಥಗಿತಗೊಂಡಿತ್ತು. ಅನ್ ಲಾಕ್ ಪ್ರಕ್ರಿಯೆ ಬಳಿಕ ಕೋವಿಡ್ ನಿಯಮಾವಳಿಯಂತೆ ಕೆಲ ದಿನದ ಹಿಂದೆ ಚಿತ್ರತಂಡ ಮತ್ತೆ ಶೂಟಿಂಗ್ ಆರಂಭಿಸಿದ್ದು ಸದ್ಯ, ರಾಕಿಂಗ್ ಸ್ಟಾರ್ ಯಶ್ ಹಾಗೂ ನಾಯಕಿ ಶ್ರೀನಿಧಿ ಶೆಟ್ಟಿ ಉಡುಪಿಯ ಮಲ್ಪೆ ಬೀಚ್ ಸಮೀಪದ ಪಡುಕೆರೆ ಬೀಚ್ನಲ್ಲಿ ಶೂಟಿಂಗ್ ಆರಂಭಿಸಿದ್ದಾರೆ.
ಹಲವು ತಿಂಗಳ ಬ್ರೇಕ್ ಬಳಿಕ ಶೂಟಿಂಗ್ಗೆ ಬಂದಿರೋ ಖುಷಿಯನ್ನು ರಾಕಿಂಗ್ ಸ್ಟಾರ್ ಯಶ್ ತಮ್ಮ ಫೇಸ್ಬುಕ್, ಇನ್ಸ್ಟಾಗ್ರಾಮ್ನಲ್ಲಿ ಬರೆದುಕೊಂಡಿದ್ದಾರೆ. ‘ಅಲೆಗಳನ್ನು ನಿಲ್ಲಿಸಲಾಗುವುದಿಲ್ಲ ಆದರೆ ನೀವು ನಾವಿಕನಾಗಲು ಕಲಿಯಬಹುದು ..ಸುದೀರ್ಘ ವಿರಾಮದ ನಂತರ….ರಾಕಿ ಸೆಟ್ಗಳು ಇಂದಿನಿಂದ ಪಯಣಿಸುತ್ತವೆ’ ಎಂದು ಬರೆದಿದ್ದಾರೆ.
ಈಗಾಗಲೇ ಚಿತ್ರೀಕರಣ ಆರಂಭಿಸಿರುವ ತಂಡ ತಿಂಗಳಲ್ಲೇ ಕೆಜಿಎಫ್ ಶೂಟಿಂಗ್ ಮುಗಿಸಲು ಪ್ಲಾನ್ ಮಾಡಿಕೊಂಡಿದೆ. ಇನ್ನು ಮುಖ್ಯಭೂಮಿಕೆಯಲ್ಲಿ ನಟಿಸಲಿರುವ ಸಂಜಯ್ ದತ್ ಡೇಟ್ ಕೂಡ ಫಿಕ್ಸ್ ಆಗಿದೆ ಎನ್ನಲಾಗಿದ್ದು ಕ್ಲೈಮಾಕ್ಸ್ ಚಿತ್ರೀಕರಣದಲ್ಲಿ ಅವರು ನಾಲ್ಕು ದಿನದ ಡೇಟ್ ನೀಡಿದ್ದಾರೆ ಎಂದು ಮೂಲಗಳು ತಿಳಿಸಿದೆ.
Comments are closed.