ಇಂದಿನ ಈ ಫ್ಯಾಶನ್ ಲೋಕದಲ್ಲಿ ಏನನ್ನೇ ಆಗಲಿ ಹೊಸದಾಗಿ ಆರಂಭಿಸಿದರೆ ಅದಕ್ಕೆ ಫ್ಯಾಶನ್ ಲೋಕದಲ್ಲಿ ಏನಾದರೂ ಒಂದು ಹೆಸರು ಸಿಕ್ಕೇ ಸಿಗುತ್ತದೆ. ಅದೇ ರೀತಿ ನಮ್ಮ ದೈನಂದಿನ ಜೀವನದಲ್ಲಿ ತಂತ್ರಜ್ಞಾನಗಳು ಹೆಚ್ಚು ಹೆಚ್ಚು ಬಂದಾಗಿನಿಂದ ನಾವು ಅದರ ಮೇಲೆ ಅವಲಂಬಿತವಾಗುತ್ತಿದ್ದೇವೆ. ತಂತ್ರಜ್ಞಾನ ಬಳಸದೆ ಬದುಕು ಸಾಗಿಸುವುದು ಒಂದು ರೀತಿಯ ಕಷ್ಟವೆನಿಸಿದೆ, ಇದಕ್ಕೆ ತಾಜಾ ಉದಾಹರಣೆ ಎಂದರೆ ಜನರು ಹೆಚ್ಚು ಅಡಿಕ್ಟ್ ಆಗಿರುವ ಮೊಬೈಲ್ ಫೋನುಗಳು. ಈ ಸ್ಮಾರ್ಟ್ ಫೋನುಗಳ ಜೊತೆ ಒಂದು ಇಯರ್ ಫೋನ್ ಸಿಕ್ಕಿಸಿಕೊಂಡು ಲೋಕವನ್ನೇ ಮರೆತು ಬಿಟ್ಟವರ ರೀತಿ ಇರುವವರನ್ನು ನೀವು ಬಸ್ಸುಗಳಲ್ಲಿ, ರೈಲುಗಳಲ್ಲಿ ಹಾಗೂ ಬೈಕ್ ಸವಾರರನ್ನು ಕೂಡ ನೀವು ನೋಡಿರಬಹುದು.
ಗಂಟೆಗಟ್ಟಲೆ ಈ ವೈರ್ ಸಿಕ್ಕಿಸಿಕೊಂಡು ಎಂಜಾಯ್ ಮಾಡುವವರನ್ನು ನೋಡಿರುತ್ತೀರಿ, ಇನ್ನು ಕೆಲವರು ಒಂದು ಹಂತ ಮುಂದಕ್ಕೆ ಹೋಗಿ ಬ್ಲೂಟೂಥ್ ಡಿವೈಸ್ ಗಳನ್ನು ಕೂಡ ಬಳಕೆ ಮಾಡುತ್ತಾರೆ. ನಿಮಗೆ ಮನರಂಜನೆ ನೀಡುವ ಈ ಸಾಧನಗಳು ನಿಮಗೆ ಗೊತ್ತಿಲ್ಲದೆ ದೇಹಕ್ಕೆ ಎಷ್ಟೊಂದು ಹಾನಿ ಮಾಡುತ್ತಿದೆ ಎಂದು ತಿಳಿದಿದೆಯಾ, ಇದರ ಬಗ್ಗೆ ವೈದ್ಯಕೀಯ ವಿಜ್ಞಾನ ಹೇಳಿದ ಸತ್ಯಗಳನ್ನು ಒಮ್ಮೆ ನೋಡಿ. ಇಯರ್ ಫೋನ್ ಅಥವಾ ಹೆಡ್‌ಫೋನ್ ಅನೇಕ ಬಾರಿ ಇದು ನಿಮ್ಮ ಕಿವಿಗಳಿಗೆ ಮಾತ್ರವಲ್ಲದೆ ದೇಹಕ್ಕೂ ಹಾನಿ ಮಾಡುತ್ತದೆ ಎಂಬುದನ್ನು ನೀವು ಮರೆಯುತ್ತೀರಿ, ಜನರು ಇದನ್ನು ಹೆಚ್ಚಾಗಿ ಫ್ಯಾಷನ್ ಶೈಲಿಗೆ ಬಳಸುತ್ತಾರೆ, ಆದರೆ ದೇಹದ ಮೇಲೆ ಅದರ ಪರಿಣಾಮದ ಬಗ್ಗೆ ನಿಮಗೆ ತಿಳಿದಿಲ್ಲ ಅಥವಾ ನೀವು ಗಮನ ಕೊಡುವುದಿಲ್ಲ.
ಇಯರ್‌ಫೋನ್‌ಗಳು ಅಥವಾ ಹೆಡ್‌ ಫೋನ್‌ಗಳ ಬಳಕೆಯು ಕಿವಿಗೆ ಮಾತ್ರವಲ್ಲದೆ ದೇಹಕ್ಕೂ ತೊಂದರೆ ಉಂಟುಮಾಡುತ್ತದೆ, ನಿರಂತರವಾಗಿ ಹೆಚ್ಚಿನ ಧ್ವನಿಯಲ್ಲಿ ಸಂಗೀತವನ್ನು ಕೇಳುವುದು ಮೊದಲು ನಿಮ್ಮ ಕಿವಿಗಳ ಮೇಲೆ ಪರಿಣಾಮ ಬೀರುತ್ತದೆ. ಕಿವಿಗಳ ಶ್ರವಣ ಸಾಮರ್ಥ್ಯವು ಕೇವಲ 90 ಡೆಸಿಬಲ್ ಆಗಿದೆ, ಇದು ನಿರಂತರವಾಗಿ ಕೇಳುವ ಮೂಲಕ ಕ್ರಮೇಣ 40 ರಿಂದ 50 ಡೆಸಿಬಲ್ಗಳಿಗೆ ಕಡಿಮೆಯಾಗುತ್ತದೆ ಇದರಿಂದಾಗಿ ದೂರದ ಧ್ವನಿ ಕೇಳಿಸುವುದಿಲ್ಲ ಮತ್ತು ಈ ಕಾರಣದಿಂದಾಗಿ ಕಿವುಡುತನದ ದೂರು ಪ್ರಾರಂಭವಾಗುತ್ತದೆ, ಆದ್ದರಿಂದ ನೀವು 90 ಡೆಸಿಬಲ್‌ಗಳಿಗಿಂತ ಹೆಚ್ಚು ಹಾಡುಗಳನ್ನು ಕೇಳುವುದನ್ನು ತಪ್ಪಿಸಬೇಕು.
ದೊಡ್ಡ ಧ್ವನಿಯಲ್ಲಿ ಸಂಗೀತವನ್ನು ಕೇಳುವುದು ಕಿವಿಗಳಿಗೆ ಮಾತ್ರವಲ್ಲದೆ ಹೃದಯಕ್ಕೂ ಒಳ್ಳೆಯದಲ್ಲ, ಹೌದು ವೇಗದ ಧ್ವನಿಯಲ್ಲಿ ಹಾಡು ಗಳನ್ನು ಕೇಳುವುದರಿಂದ ಹೃದಯವು ವೇಗವಾಗಿ ಬಡಿಯುತ್ತದೆ ಮತ್ತು ಸಾಮಾನ್ಯ ವೇಗಕ್ಕಿಂತ ವೇಗವಾಗಿ ಚಲಿಸಲು ಪ್ರಾರಂಭಿಸುತ್ತದೆ ಮತ್ತು ಇದು ಹೃದಯ ಹಾನಿಗೆ ಕಾರಣವಾಗಬಹುದು, ಇನ್ನು ಅಷ್ಟೇ ಅಲ್ಲದೆ ಕ್ಯಾನ್ಸರ್ ಗೆ ಸಹ ಎಡೆ ಮಾಡಿಕೊಡಬಹುದು. ಇಯರ್ ಫೋನ್ ಗಳ ಹಾಡುಗಳನ್ನು ಹೆಚ್ಚಿನ ಧ್ವನಿಯಲ್ಲಿ ಕೇಳುವುದರಿಂದ ಕಿವಿಗೆ ಹಾನಿಯಾಗುತ್ತದೆ ಇದು ನಿಮ್ಮ ಆಂತರಿಕ ಆರೋಗ್ಯದ ಮೇಲೂ ಕೆಟ್ಟ ಪರಿಣಾಮ ಬೀರುತ್ತದೆ. ಇಯರ್ ಫೋನ್‌ಗಳಿಂದ ಹೊರಸೂಸುವ ವಿದ್ಯುತ್ಕಾಂತೀಯ ಅಲೆಗಳು ಮೆದುಳಿನ ಮೇಲೆ ಕೆಟ್ಟ ಪರಿಣಾಮ ಬೀರುತ್ತವೆ ಹಾಗೆ ಇದು ನಿಮ್ಮ ಮೆದುಳಿನ ಮೇಲೆ ನೇರ ಪರಿಣಾಮ ಬೀರುತ್ತದೆ. ಇಯರ್ ಫೋನ್‌ಗಳ ಅತಿಯಾದ ಬಳಕೆಯಿಂದಾಗಿ ನೀವು ತಲೆನೋವು ಅಥವಾ ನಿದ್ರಾಹೀನತೆಯಂತಹ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ
Comments are closed.