ಕುಂದಾಪುರದಲ್ಲಿ ಬಿಜೆಪಿ ಯಾತ್ರೆ: ಟ್ರಾಫಿಕ್ ಕಿರಿಕಿರಿಯಿಂದ ಸಂಕಷ್ಟಕ್ಕೊಳಗಾದ ಗರ್ಭಿಣಿ!

ಕುಂದಾಪುರ: ಕುಂದಾಪುರ ಮುಖ್ಯರಸ್ತೆಯಲ್ಲಿ ಪಾದಯಾತ್ರೆ ಹಿನ್ನೆಲೆಯಲ್ಲಿ ಟ್ರಾಫಿಕ್ ಜಾಮ್ ಆಗಿದ್ದು, ತುರ್ತು ಚಿಕಿತ್ಸೆಗಾಗಿ ತೆರಳುತ್ತಿದ್ದ ರೋಗಿಗಳಿದ್ದ ಅಂಬುಲೆನ್ಸ್ ಕೂಡ ದಾರಿಯಿಲ್ಲದೇ ತೆರಳುವುದು ಕಷ್ಟವಾಗಿತ್ತು.

ಗರ್ಭಿಣಿ ಮಹಿಳೆಯೋರ್ವರು ಈ ವೇಳೆ ಸಾಕಷ್ಟು ಪರದಾಡಿದರು. ಈ ಘಟನೆ ಕಂಡ ಸಾರ್ವಜನಿಕರು ಪೊಲೀಸರೊಂದಿಗೆ ವಾಗ್ವಾದಕ್ಕಿಳಿದರು. ಶಾಸ್ತ್ರಿ ವೃತ್ತದಲ್ಲಿ ಕೂಡಾ ಟ್ರಾಫಿಕ್ ಜಾಮ್ ಉಂಟಾಗಿದ್ದು ಖುದ್ದು ಕಾರ್ಕಳ ಎ.ಎಸ್ಪಿ, ಕುಂದಾಪುರ ಡಿವೈಎಸ್ಪಿ, ವಿವಿಧ ಠಾಣೆಯ ಪಿಎಸ್ಐ ಹಾಗೂ ಸಿಬ್ಬಂದಿಗಳು ಮೊಕ್ಕಾಂ ಹೂಡಿದರೂ ಕೂಡ ಕೆಲ ಗಂಟೆ ಕಾಲ ಟ್ರಾಫಿಕ್ ಸಮಸ್ಯೆ ಎದುರಾಯಿತು.