ನೆಲ್ಯಾಡಿ ಬಳಿ ಕಾರು ಪಲ್ಟಿ : ಮಹಿಳೆ ಸ್ಥಳದಲ್ಲೇ ಸಾವು – ಮೂವರು ಮಕ್ಕಳು ಸಹಿತಾ ಐವರಿಗೆ ಗಾಯ

ಬಂಟ್ವಾಳ, ಜು.18: ಉಪ್ಪಿನಂಗಡಿ ಸಮೀಪದ ನೆಲ್ಯಾಡಿ ಬಳಿ ಚಾಲಕನ ನಿಯಂತ್ರಣ ತಪ್ಪಿದ ಆಲ್ಟೊ ಕಾರು ಮಗುಚಿಬಿದ್ದ ಪರಿಣಾಮ ಕಾರಿನಲ್ಲಿದ್ದ ಮಹಿಳೆಯೋರ್ವರು ಸ್ಥಳದಲ್ಲೇ ಮೃತಪಟ್ಟು, ಆರು ಮಂದಿ ಗಯಗೊಂಡ ಘಟನೆ ಇಂದು ಬೆಳಿಗ್ಗೆ ಸಂಭವಿಸಿದೆ.

ಅಪಘಾತದಲ್ಲಿ ಮೃತಪಟ್ಟ ಮಹಿಳೆಯನ್ನು ಬಂಟ್ವಾಳದ ನಂದಾವರದ ಮಸೀದಿ ಬಳಿಯ ನಿವಾಸಿ ಹಸನಬ್ಬ ಎಂಬವರ ಪುತ್ರಿ ಮುಮ್ತಾಝ್ (30) ಎಂದು ಗುರುತಿಸಲಾಗಿದೆ.

ಘಟನೆಯಲ್ಲಿ ಮುಮ್ತಾಝ್ ಅವರ ತಂದೆ ಹಸನಬ್ಬ, ಪತಿ ಜಹೀರ್ (35), ಮಕ್ಕಳಾದ ರಿಝ್ವಾನ್ ಮುನಾಝ್, ಆಶಿಕ್ ಅಹ್ಮದ್ ಮತ್ತು ಮುಝೈನಾ ಗಾಯಗೊಂಡಿದ್ದು. ಗಾಯಾಳುಗಳು ಪುತ್ತೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಮುಮ್ತಾಝ್ ಅವರ ಪತಿ ಜಹೀರ್ ಬೆಂಗಳೂರು ಮೂಲದವರಾಗಿದ್ದು, ನಂದಾವರದಲ್ಲಿ ನೆಲೆಸಿದ್ದರು. ಕೆಲದಿನಗಳ ಹಿಂದೆ ಇವರು ಬೆಂಗಳೂರಿನಲ್ಲಿರುವ ತಮ್ಮ ಮನೆಗೆ ಹೆಂಡತಿ ಮಕ್ಕಳ ಸಹಿತ ತೆರಳಿದ್ದರು. ನಿನ್ನೆ ರಾತ್ರಿ ಬೆಂಗಳೂರಿನಿಂದ ಹೊರಟ್ಟಿದ್ದು, ಇಂದು ಬೆಳಿಗ್ಗೆ ನಂದಾವರಕ್ಕೆ ವಾಪಸ್ಸಾಗುವ ವೇಳೆ ನೆಲ್ಯಾಡಿ ಬಳಿ ಕಾರು ಚಲಾಯಿಸುತ್ತಿದ್ದ ಜಹೀರ್ ಅವರ ನಿಯಂತ್ರಣ ತಪ್ಪಿದ ಕಾರು ಪಲ್ಟಿಯಾಗಿದೆ ಎಂದು ತಿಳಿದು ಬಂದಿದೆ.