ಲಂಡನ್‌ (ಇಂಗ್ಲೆಂಡ್): ಇಲ್ಲಿನ ಕ್ಲಾಪಮ್ ಕಾಮನ್ ಟ್ಯೂಬ್ ಸ್ಟೇಷನ್ ಬಳಿಯ ವೈಟ್‌ರೋಸ್ ಸೂಪರ್ ಮಾರ್ಕೆಟ್‌ನಲ್ಲಿ ಶಾಕಿಂಗ್‌ ಘಟನೆಯೊಂದು ನಡೆದಿದೆ. ಮಾಸ್ಕ್ ಧರಿಸದೆ ಸೂಪರ್ ಮಾರ್ಕೆಟ್‌ಗೆ ಬರುವ ಮಹಿಳೆಯೊಬ್ಬಳು ಸೂಪರ್ ಮಾರ್ಕೆಟ್‌ನ ಕ್ಯಾಷಿಯರ್ ಮುಖಕ್ಕೆ ಉಗುಳುವ ವಿಡಿಯೋ ವೈರಲ್ ಆಗಿದೆ.
ಮಾಸ್ಕ್ ಧರಿಸದೆ ತರಾತುರಿಯಲ್ಲಿ ಸೂಪರ್ ಮಾರ್ಕೆಟ್‌ಗೆ ಬರುವ ಮಹಿಳೆಯು ಅವಾಚ್ಯ ಶಬ್ದಗಳಿಂದ ನಿಂದಿಸುತ್ತಾ ತನಗೆ ಬೇಕಾದ ವಸ್ತುಗಳ ಖರೀದಿಯಲ್ಲಿ ತೊಡಗುತ್ತಾಳೆ. ಮಾಸ್ಕ್ ಧರಿಸುವಂತೆ ತಾಕೀತು ಮಾಡಿದರೂ ಆತನ ಮಾತನ್ನು ನಿರ್ಲಕ್ಷಿಸುತ್ತಾಳೆ. ಅಷ್ಟೇ ಅಲ್ಲ, ಮಾಸ್ಕ್ ಧರಿಸುವಂತೆ ಹೇಳಿದ ಸೂಪರ್ ಮಾರ್ಕೆಟ್ ಸಿಬ್ಬಂದಿಗೆ ಅವಾಚ್ಯ ಶಬ್ದಗಳಿಂದ ಬೈಯ್ಯುತ್ತಾ ಜಗಳಕ್ಕೆ ನಿಲ್ಲುತ್ತಾಳೆ.
ಇಷ್ಟೆಲ್ಲಾ ಆಗುವ ವೇಳೆಗೆ ಆಕೆ ತನಗೆ ಬೇಕಾದ ವಸ್ತುಗಳನ್ನೆಲ್ಲ ಸೂಪರ್ ಅರ್ಕೆಟ್‌ನಿಂದ ಎತ್ತಿಕೊಂಡಿರುತ್ತಾಳೆ. ಅಂತಿಮವಾಗಿ ಕ್ಯಾಶ್ ಕೌಂಟರ್‌ಗೆ ಬಂದಾಗ ಆಕೆಯ ಕಾರ್ಡ್‌ ಕೆಲಸ ಮಾಡೋದಿಲ್ಲ. ಈ ವೇಳೆ ಸಿಟ್ಟಾಗುವ ಮಹಿಳೆ ಕ್ಯಾಷಿಯರ್‌ಗೆ ಬೈಯ್ಯಲು ಆರಂಭಿಸುತ್ತಾಳೆ. ವಾದ-ವಿವಾದ ತಾರಕಕ್ಕೇರಿ ಆಕೆ ಕ್ಯಾಷಿಯಲ್ ಮುಖಕ್ಕೆ ಉಗಿಯುತ್ತಾಳೆ.
ಮಹಿಳೆಯ ಈ ಕೃತ್ಯದಿಂದ ಕಂಗಾಲಾಗುವ ಸೂಪರ್ ಮಾರ್ಕೆಟ್ ಸಿಬ್ಬಂದಿ ಭದ್ರತಾ ಸಿಬ್ಬಂದಿಗೆ ಮಾಹಿತಿ ನೀಡುವ ವೇಳೆಗಾಗಲೇ ಆಕೆ ಅಲ್ಲಿಂದ ಪರಾರಿಯಾಗುತ್ತಾಳೆ. ಓಡುವ ಭರದಲ್ಲಿ ಮಾರ್ಕೆಟ್‌ನಲ್ಲಿ ಇಟ್ಟಿದ್ದ ಕ್ರಿಸ್‌ಮಸ್‌ ಟ್ರೀ ಉರುಳಿಸುತ್ತಾಳೆ. ಈ ಎಲ್ಲ ವಿದ್ಯಮಾನಗಳೂ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಕೊರೊನಾ ಸೋಂಕು ಹರಡಲು ಯತ್ನ: ನೋಟಿಗೆ ಎಂಜಲು ಸವರಿ ಬಿಸಾಡಿದ ದುಷ್ಕರ್ಮಿಗಳು, ನೋಟು ಸುಟ್ಟು ಹಾಕಿದ ಗ್ರಾಮಸ್ಥರು
ಈ ಘಟನೆಯ ಸಿಸಿಟಿವಿ ದೃಶ್ಯಾವಳಿ ಇದೀಗ ಭಾರೀ ವೈರಲ್ ಆಗಿದ್ದು, ಘಟನೆಗೆ ಕಾರಣವಾದ ಮಹಿಳೆಯ ಹುಡುಕಾಟ ಆರಂಭವಾಗಿದೆ. ಈ ಸಂಬಂಧ ಪೊಲೀಸರು ತನಿಖೆ ಚುರುಕುಗೊಳಿಸಿದ್ದು, ಮೇಲ್ನೋಟಕ್ಕೆ ಆಕೆಯ ಮಾನಸಿಕ ಸ್ಥಿಮಿತ ಸೂಕ್ತವಾಗಿಲ್ಲ ಅನ್ನೋದು ಕಂಡು ಬರ್ತಿದೆ.
ಕೊರೊನಾ ಕಾಲ ಘಟ್ಟದಲ್ಲಿ ಮಾಸ್ಕ್ ಧರಿಸದೆ ಸಾರ್ವಜನಿಕ ಸ್ಥಳಗಳಲ್ಲಿ ಅಡ್ಡಾಡಿದ್ದಷ್ಟೇ ಅಲ್ಲ, ಮುಖಕ್ಕೆ ಉಗಿಯುವ ಮೂಲಕ ದುರ್ವರ್ತನೆ ಮೆರೆದಿರೋದು ಭಾರೀ ಆಕ್ರೋಶಕ್ಕೆ ಕಾರಣವಾಗಿದೆ.
Comments are closed.