ಆಕೆಯ ಬಾಯ್ಫ್ರೆಂಡ್ ಪ್ರಪೋಸ್ ಮಾಡುವಾಗ ಬರೋಬ್ಬರಿ 7 ಲಕ್ಷ ರೂಪಾಯಿಯ ಪ್ಲಾಟಿನಂ ರಿಂಗ್ ನೀಡಿದ್ದ. ಆ ರಿಂಗ್ ನ ಸಾಲ ತೀರಿಸಲು ಬರೋಬ್ಬರಿ ಎರಡು ವರ್ಷ ಕಷ್ಟ ಪಟ್ಟಿದ್ದ. ಆ ಉಂಗುರ ನೋಡಿ ಹುಡುಗಿಗೆ ಪ್ರೇಮ ನಿವೇದನೆಯನ್ನು ತಿರಸ್ಕರಿಸಲು ಸಾಧ್ಯವಾಗಲೇ ಇಲ್ಲ. ಆಕೆ ಒಪ್ಪಿಕೊಂಡಳು. ಮದುವೆ ಕೂಡ ಆಯಿತು. ಆದರೆ, ಎರಡು ವರ್ಷಗಳ ನಂತರ ಆಕೆಗೆ ಆತ ಕೊಟ್ಟ ಉಂಗರ ನಕಲಿ ಎಂದು ಗೊತ್ತಾಗಿದೆ.
ಆಕೆಯ ಹೆಸರು ಎಲಿಜಬೆತ್. ಮೂಲತಃ ಇಂಗ್ಲೆಂಡ್ನವಳು. ಎರಡು ವರ್ಷಗಳ ಹಿಂದೆ ಈಕೆಗೆ ಪರಿಚಯ ಇರುವ ವ್ಯಕ್ತಿಯೋರ್ವ ಉಂಗುರ ಕೊಟ್ಟು ಪ್ರಪೋಸ್ ಮಾಡಿದ್ದ. ಪ್ಲಾಟಿನಂ ಹಾಗೂ ವಜ್ರದಿಂದ ಕೂಡಿದ್ದ ಉಂಗುರ ನೋಡಿ ಆಕೆ ಸಂತಸ ಪಟ್ಟಿದ್ದಳು. ಈ ಉಂಗುರಕ್ಕೆ 7 ಲಕ್ಷ ರೂಪಾಯಿ ಎಂದು ಹೇಳಿಕೊಂಡಿದ್ದ. ಇಬ್ಬರ ಮದುವೆ ಕೂಡ ಆಗಿತ್ತು. ಉಂಗುರ ನೀಡಿ ಎರಡು ವರ್ಷ ಕಳೆದರೂ ಅದು ಅಸಲಿ ಉಂಗುರ ಎಂದೇ ಎಲಿಜಬೆತ್ ಭಾವಿಸಿದ್ದಳು.
ಒಂದು ದಿನ ಹಳೆಯ ಗೆಳತಿಯೊಬ್ಬಳು ಎಲಿಜಬೆತ್ಗೆ ಸಿಕ್ಕಿದ್ದಳು. ಈ ವೇಳೆ ಮಾತನಾಡುತ್ತಾ ಗಂಡ ಕೊಟ್ಟ ಉಂಗುರ ತೋರಿಸಿದ್ದಳು. ಉಂಗುರವನ್ನು ಸರಿಯಾಗಿ ಪರಿಶೀಲನೆ ಮಾಡಿದಾಗ ಅದು ನಕಲಿ ಎನ್ನುವ ವಿಚಾರ ಬಯಲಿಗೆ ಬಂದಿದೆ. ಈ ಉಂಗರವನ್ನು ಸಿಝಡ್ ಹಾಗೂ 95 ಇಂದ ಮಾಡಲಾಗಿದೆ ಎಂದು ಗೆಳತಿ ಹೇಳಿದ್ದಳು. ಅದೇನೆಂಬುದನ್ನು ಪರಿಶೀಲಿಸಿದಾಗ ನಿಜ ವಿಚಾರ ಗೊತ್ತಾಗಿದೆ.
ಸಿಝಡ್ ಹಾಗೂ 95 ಎಂದರೆ ಚಿನ್ನ ಮತ್ತು ಕ್ಯೂಬಿಕ್ ಜಿರ್ಕೋನಿಯಾದಿಂದ ಮಿಶ್ರಣದಿಂದ ಮಾಡಲ್ಪಟ್ಟ ಲೋಹ. ಇದು ನೋಡಲು ಪ್ಲಾಟಿನಂ ರೀತಿಯಲ್ಲೇ ಇರುತ್ತದೆ ಎಂಬ ವಿಚಾರ ಗೊತ್ತಾಗಿದೆ. ಈ ಉಂಗುರದ ಮೂಲ ಬೆಲೆ ಏಳು ಲಕ್ಷ ರೂಪಾಯಿ ಎಂದು ಆತ ಹೇಳಿಕೊಂಡಿದ್ದ. ಆದರೆ, ಇದರ ಬೆಲೆ ಕೇವಲ 900 ರೂಪಾಯಿ ಎಂಬ ವಿಚಾರ ಬೆಳಕಿಗೆ ಬಂದಿದೆ.
Comments are closed.