ಮಡದಿಗಾಗಿ ತಾನೇ ಮೆಟರ್ನಿಟಿ ಫೋಟೋಶೂಟ್ ಮಾಡಿಸಿದ ಗಂಡ!

ವಾಷಿಂಗ್ಟನ್: ಪತಿಯೊಬ್ಬ ತನ್ನ ಪತ್ನಿಗಾಗಿ ತಾನೇ ಮೆಟರ್ನಿಟಿ ಫೋಟೋಶೂಟ್ ಮಾಡಿಸಿದ್ದು, ಈಗ ಆ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಅಮೆರಿಕದ ಕೆಂಟುಕಿಯ ವಾಸಿಸುವ ಕೆಲ್ಸೆ ಬ್ರೂವರ್ ಗರ್ಭಿಣಿಯಾಗಿದ್ದಳು. ಕೆಲ್ಸೆಗೆ ಗರ್ಭಾವಸ್ಥೆಯಲ್ಲಿ ಮೆಟರ್ನಿಟಿ ಫೋಟೋಶೂಟ್ ಮಾಡಿಸಬೇಕೆಂಬ ಆಸೆ ಇತ್ತು. ಆದರೆ ವೈದ್ಯರು ಕೆಲ್ಸೆಗೆ ಬೆಡ್ ರೆಸ್ಟ್ ಮಾಡಬೇಕು ಎಂದು ಹೇಳಿದ ಕಾರಣ ಆಕೆ ತನ್ನ ಮೆಟರ್ನಿಟಿ ಫೋಟೋಶೂಟ್ ಮಾಡಿಸಲಿಲ್ಲ. ಇದರಿಂದ ಆಕೆ ಬೇಸರ ಮಾಡಿಕೊಂಡಿದ್ದಳು.

ಕೆಲ್ಸೆ ಬೇಸರಗೊಂಡಿರುವುದನ್ನು ನೋಡಿದ ಪತಿ ಜೆರೆಡ್ ತನ್ನ ಪತ್ನಿಯನ್ನು ಖುಷಿಪಡಿಸಲು ತಾನೇ ಮೆಟರ್ನಿಟಿ ಫೋಟೋಶೂಟ್ ಮಾಡಿಸಿದ್ದಾನೆ. ಈ ಫೋಟೋವನ್ನು ಕೆಲ್ಸೆ ಸಹೋದರಿ ಕಿಯಾನಾ ಸ್ಮಿತರ್ ಸೆರೆ ಹಿಡಿದಿದ್ದಾಳೆ. ಈ ಫೋಟೋಗಳನ್ನು ಕೆಲ್ಸೆ ತನ್ನ ಫೇಸ್‍ಬುಕ್‍ನಲ್ಲಿ ಹಂಚಿಕೊಂಡಿದ್ದಾಳೆ.

ಜೆರೆಡ್ ಈ ಫೋಟೋಶೂಟ್ ಆಗಿಯೇ ಆಗುತ್ತದೆ ಎಂದು ಹೇಳಿದ್ದರು. ಈ ಫೋಟೋಶೂಟ್ ಬಗ್ಗೆ ಅವರು ತಮ್ಮ ಪತ್ನಿ ಕೆಲ್ಸೆ ಬಳಿ ಏನೂ ಹೇಳಿರಲಿಲ್ಲ. ಈ ಫೋಟೋ ನೋಡಿದಾಗಲೇ ಕೆಲ್ಸೆಗೆ ಈ ವಿಷಯ ತಿಳಿಯಿತು. ಫೋಟೋ ನೋಡಿ ಆಕೆ ಸಂತೋಷದಿಂದ ಕಣ್ಣೀರು ಹಾಕಿದ್ದಳು ಎಂದು ಕಿಯಾನಾ ತಿಳಿಸಿದ್ದಾಳೆ.

ಸೆಪ್ಟೆಂಬರ್ 28ರಂದು ಕೆಲ್ಸೆ ಗಂಡು ಮಗುವಿಗೆ ಜನ್ಮ ನೀಡಿದ್ದಾಳೆ. ಜೆರೆಡ್‍ನ ಈ ಫೋಟೋ ವೈರಲ್ ಆಗುತ್ತಿದ್ದಂತೆ ಜನರು ಪತಿಯ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ ಕಮೆಂಟ್ ಮಾಡುವ ಮೂಲಕ ಇಬ್ಬರಿಗೂ ಶುಭಾಶಯ ತಿಳಿಸುತ್ತಿದ್ದಾರೆ.